Read Konyak Naga HEBREW 12 Bible Online

HEBREW 12 - Konyak Naga bible

HEBREW 12

¹Tüokhei wangphom üyongkih saki maapuwe teman neikonpu jingne, teman-e tienlak üshei hüyange jhote ngohpu ünu winyange, teman shaome weihlak tümme angpu me nün-okpu phei teiphet hah,

²teman ütinglakpu me wangngoi tampa hüyange shüowoipa Jesute leiye, aowe yoi sheshaome ngohpu mongmei jingne wüotüotampu nünne tangpem shangpu nün ok! Hüyange sha-a Kahwang ahngpa shotjing yakjah yeme shotte ngohnang.

³Numan mongmengpu yejema-a mokhpu mongjang yengailak jingne, aowe yoi phei tüi-e lingpu ünulan hüke wepane mengpute nün ok, I jeng teihtüoyah.

⁴Numan-e üne-o ünu phei tüi-e hokke iy manyün manyün yinne yenang.

⁵Hüyange hanghe ngao yoihate winneshaipukih numante nyüoyangki, hatüo ngao numan-e pemahpu a? “Ü ha, Youngwanpawe jonne paipute tanwaakke tahteih, yejema-a Iye teewante mong tahshui;

⁶Hangjingne Youngwanpawe ao te kennang Iye jonnepai nang, hüyange Iye yahpu ühalan üsheite shetnang.”

⁷Numan-e nün okpuwa jonnepaipu jingne ngohnang. Kahwange yoiha lante jonpukih numante jonnang, hangjingne Ipawe shangne yetampu tüokihpu hayim ütam ngohnangkü a?

⁸Hüpoi üsheiye hanghe jonnepaipu me ye-om, numane-o tüokihpu me ye-om ma-a, hümma-a numan-a ha yeje, hüpoi chingyang ha.

⁹Tüo tokte teman mei üpalan-e temante jonnepai hüyange teman-e imante wangshüm hüo. Hümma-a teman-e ünyei yahalan Üpa phang me üyin angyange yenyoilak a?

¹⁰Hangjingne iman-e hanghe shunang teih, hipak ütenja jingne hei teman jonnepai, hüpoi Kahwangte teman I üjaopa meitam tamlak jingne, tüowe teman meilak jingne jonnepai.

¹¹Jonnepaipu üshei peipu hipak me mongmeilak yeje, hüpoi mongmenglak lenang; tüoyangpoi pheime, aoyinne tüopawe paowetükke pei iman jingne khakshupu chingmei ülick licktam nang.

¹²Tüokhei nang yakmang hüyange faiye ngohpu nang yatuh notüoh;

¹³hüyange faitepu ya menghahshepu nanleiye, tinge yeyange meipahi meilak jingne, numan ya jingne lamnyu tingkhakke lingtüoh.

¹⁴Kahta üshei phei chingmei ngohlak jingne, hüyange üjaopa üyin me nyoine ngangtüoh; hangjingne tüopa ye-ompe aowe-o Youngwanpa ngene ye-ok.

¹⁵Aoweshingpu ütam-e Kahwang shüpshe yeyüolak, yejema-a ükhah yalah ütam ngaiye numan shangne tamlak, hüyange tüopa kaiye maawe nutamlak;

¹⁶Yejema-a ja me hahpu jingne yoi jeiyongpa meitam yüopu Esau kih-e, ütam-e wanglamte phoipu, yejema-a ütam nuweshakke tamlak, tüopa jingne kentinge leiyah.

¹⁷Hangjingne pheime aope Iye moiman moth leihuwe teih, Ite yahne yetam; hangjingne Ipa monglüplak jingne Esauwe mükphi phei ngange yamyapoi Iye Ipa me tüopa yetüo she numan-e shing.

¹⁸Hangjingne, jonne oklak ne ngohpu hüyange vünyi, ngohpu kahtang, hüyange wangphom ünyak, hüyange nyakpu, hüyange nyaknyu-yüngpu hüyange jaipu wüng,

¹⁹hüyange nyawong wüng; tüolan ü-o-te numan manpei. Tüopa kihpu ngaowüng jaiwante, iman phei üne-o ngao ünyei yengaolak yang she jaipalan-e yoppe tong.

²⁰Hangjingne, “Yinmok jawe nehoi tüopa kahtangte po ma-a, tüopa-a longe shüppe toilak, tüopa ngaokeng phapu iman-e yenün ok.”

²¹Ütingpa me tüopa ngaipuwa hüke nyam nyam she ngohpu jingne, Mosawe i, “Tao yeonge; nyam nangki hüyange nünnang.”

²²Hüpoi numan-a Zion kahtang, hüyange üyin Kahwang chingnyu te peipalan, hüke wangdang Jerusalem; hüyange ye-i-küm okpu ükhong wangdang shongmokpalan tangte peipalan,

²³hüyange wangdang me mannyanpu üwangne puhpulan bangjem üyong, hüyange üshei ngaophünpu Kahwang hüyange wangngoipu khakshupu yahalan;

²⁴hüyange üla Jiengjeppu chingmeilampu Jesu, hüyange Abel phei ünyei shemeipu ngao ngaopu iy shaipu, tüolan üshei tangte peiye ngohnang.

²⁵Aowe ngao ngaoyapeih Ite numan-e yejaipe yengohlak kentingyah. Hangjingne aowe kahtoknyu me kentinglak ngao, tüopa ngao yeyahpalanne yeyin okpu ne mengma-a, aowe wangdang mepu kentinglak ngao ngaonang, I mepu leihyema-a, teman-e ünyei yeyin oklak.

²⁶I ngaowünge hüwante kahtoknyu shuinetam, hüpoi sha-a Iye janne i, “Üne-o ja me taowe kahtoknyu shaha yeje, hüpoi wangdango shuine tamlak.”

²⁷Hüyange “Üne-o ja me” she ipu ngaowe lingpu toilan shuiyetamlak hüyange yahteilak, tüokaiye yeshuitam okpu toilan towe ngohlak hüonang.

²⁸Tüokhei, yepo oklakpa ahngching yahpuwe, hanghepa shüpshe kaiye teman-e wangshüm hüopu hüyange nyampu phei Kahwang monghahtamlak shaoshanpu linglak, tüopa shüpshe teman me ngohhah;

²⁹hangjingne teman Kahwang-a hahshupu vün ngohnang.