Read Konyak Naga HEBREW 3 Bible Online

HEBREW 3 - Konyak Naga bible

HEBREW 3

¹Tüokhei wangdang me nyikpu me ompalan üjao jeiheinaolan, teman-e janpu Lampu Ütahpa Ngengpa, hüke Jesu Khrista, teihtüoyah.

²Hangke Mosawe Kahwang nok me monghümpu ngoh, hüke aowe I le, Ite Iye monghümpu ngoh.

³Tüoyangpoi nok pheiya nokwepupawe hangke ünyei minyongpu tüonang, hüke Mosa phei-a Jesu ünyei müktishiwa wangpu she iyangki.

⁴Hangjingne nok lili kahta ütamme we-nang, hüpoi aowe sheminlamphe ling I-a Kahwang.

⁵Hüyange hanghe phei me ngaolak ne ngoh, tüolan saki phawe rhapa ja kih-e, Mosa Kahwang nok üshei me ütingme monghümpu ngoh.

⁶Hüpoi Khrista Ha kih-e, Kahwang nok tangme monghümpu ngoh nang. Teman-e teman lahnyikpu angma-a, hüyange hanghe jingne teman-e monghüm nang tüopate monghahpu ngohma-a, teman-a I jing nok ngohnang.

⁷Tüokhei Yaha Üjaowe ipukih, “Tenyih numan-e I ngaowüng jaima-a,

⁸numan-e Kahwang phei tüi-e yongpu hipak kih-e numan-e mongjang tahwan; phaonyu jongme tokpu nyihme,

⁹ümeken me numan puyimlanne tokpuwe üte tok, hüyange wangpeng deli ngoiye ü-toishao nge,

¹⁰Tüojingne taowe tüopa jin phei tee, hüyange i, ‘Iman-e jinte mongjang me ünyong yete tainang; iman-e ü-lamnyu yeshing.’

¹¹Ü-mongshih ngaipu me taowe jiengpu kih, ‘Iman ü-toloimei jingte aope-o yepeilak.’ ”

¹²Jeiheinaolan, üyin Kahwang mepu yeilakne numan ütamte yemengpu ünu mongjang yenanglak kentingyah.

¹³Hüleima, ünu lowelampuwe numan ütam wanne yetamlak jingne, “Tenyih” she nyikpu hipak ngohpute ngoiye, nyihjeih jawe jate teiheng tüoh.

¹⁴Hangjingne teman-e teman üwangpa monghümpu me mongjüonge üküm ngoiye tükma-a, teman Khrista phei teitam nang.

¹⁵Hangjingne laingaowe inang: “Tenyih, numan-e I ngaowüng jaima-a, hokwe yongpu hipak kih-e, numan mongjang tahwan.”

¹⁶Iman-e jaiyange-o tüoyangpoi hokweye yongpulan-a aoyin? Iman khongkümpuwa üjupane Mosa mengyange Egypt tüohpulan üjepu a?

¹⁷Hüyange wangpeng deli ngoiye ao phei Iye tee? Ünu ompalan, aoyin püm wanwüngjeng me toiyeta, iman yeli a?

¹⁸Hüyange I toloimei jingte yeyu oklak she aoyinte Iye jieng, iman-a ngao yejaipalante yeje a?

¹⁹Tüokhei üting yelak okpu jingne iman-e yeyu ok she teman-e ngenang.