Read Konyak Naga HEBREW 8 Bible Online

HEBREW 8 - Konyak Naga bible

HEBREW 8

¹Sha-a toman-e ipu ngao me ngaomüka hatüo: ao wangdang me teehepu Ahngpa shotjing yakjah yeme Ütahpa Ngengpa shot,

²kahtawe yeje hüpoi Youngwanpawe lingpu üjao nyoi, hüyange ütingpa nyenok hüyange wümjong shaoshanpa ne meng, hükihpu ütahpa ngengpa ja teman jingne ngohnang.

³Hangjingne ütahpa ngengpa üshei hünghao hüyange toidopu dolak jingne lenang. Tüokhei dolak jingne I-o ülam ja ngohlak wongpong ngohnang.

⁴Sha-a I kahtoknyu me ngohshihma-a, I ngengpa ne yemeng hahshepu, hangjingne ngaokhüm kih-e hünghao dopu ngengpalan ngohnang.

⁵Iman-e khümpuwa wangdang wümjong mepu leiye yahpu hüyange yashüm hei ngohnang, hüke Mosawe nyenok-a wenüng she ngohwante Kahwange Ite kentingne tampukih; hangjingne Iye i, “Kahwange kahtang me nangte hüopuke shelepu me üshei linglak jingne kentingyah.”

⁶Hüpoi sha-a, I hangshin ne ünyei shemeipu janpulan-e lingpu teijiengpu shemeipupa chingmeilampu ne meng, I teshinne ünyei shemeipupa shaoshanpu toi tüo.

⁷Hangjingne üwangpa jiengjeppu me ümeng yenang shihma-a, nishepupa jingne wongpong ne yemenghah shepu.

⁸Hangjingne Kahwange iman phei ümeng ngeye, Iye i: “Youngwanpawe inang, leiyah, taowe Israel nokphong phei hüyange Judah nokphong phei ülapa jiengjeppu eplak nyih hei hipak peiküki.

⁹Taowe iman puyimlan phei jiengjeppu kih yeje, Egypt kahtok mepu iman woiteilak jingne ao taowe iman yakme shui tüopa nyihke yejelak, hangjingne iman-e Ü-jiengjeppu me yetük, hüyange tüokhei taowe imante yelei she, Youngwanpawe inang.

¹⁰Hangjingne Youngwanpawe inang, tüolan nyih linyang phei me; Israel nokphong phei taowe tüopa jiengjeppu linglak: iman kenmong me ü-ngaokhümlan taowe angtamlak, hüyange tüolan iman mongjang me-o taowe nyanlak; hüyange tao iman Kahwang ne menglak, hüyange iman ü-kahtalanne menglak.

¹¹Hüyange, ‘Youngwanpa shingyah,’ she iman kahta liliye yoi ching kahtate hüyange yoi jeiheinaote yenyüolak, hangjingne iman üjoipa mepu üyongpa ngoiye, iman-e tao shinglak.

¹²Hangjingne taowe iman ümeng jingne yayeng shüpshelak, hüyange iman ünu taowe shaaji yeteih tüolak.”

¹³Jiengjeppu üla ja she iwante, Kahwange üwangpa-a ülangne menge tamyangki: hüyange hanghelam ülangne mengnang hüyange se-namme tainang mamshe ye-ngepe laklak.