Read Konyak Naga 1 PETER 5 Bible Online

1 PETER 5 - Konyak Naga bible

1 PETER 5

¹Tüokhei, tao ao Khrista shangpu saki, hüyange ütahte ngaine ngohpu müktishiwa tamme hanpa ja, hüyange numan pheipu lwngmei ja ne ngohnang, taowe numan yo me lwngmei lante hengnang.

²Numan phei Kahwang jing hanghepa nyee ükhong ngohnang tüopa yomtüoh. Mong ye-ongpe yeje, hüpoi mongonge Kahwange mongpuke, yejema-a küw jingne yeje hüpoi mongmei sheiye.

³Yejema-a numante tampu tangme nokpune yemengpe hüpoi numan yoi nying nyingke ükhongte leppu ja ne menge nyee ükhonga yomtüoh.

⁴Hüyange aope Nyeeyompa Üjengpa, ütahte ngailakei, numan-e hemme yetailak müktishiwa shaoshaoh tüolak.

⁵Hükih-e muh, numan shenaolipalan, numan-e lwngmeilan phangme ngohyah. Numan üsheiye yoi nying nyingke, shümpawe shümpa shaoshanlak innenyaipu phei inkhek inyah; hangjingne, “Kahwange otapalante tee nang, hüpoi innenyaipalante shüpshe phanang.”

⁶Kahwange hipak wangngoipu me numan yonge tamlak nanjingne numan-e numan nying nyingke I wongnangpu yak phang me innenyaitüoh.

⁷Numan mongshangpu üshei I me angtüoh, hangjingne Iye numan jingne paowetük nang.

⁸Deitayah, hüyange kenting mongtayah. Waowe ngohpu yengkong mailangke numan wepa kahshih-e aohipa lünge oklak she, I yamme kemnang.

⁹Kahtoknyu me ngohpu numan jeiheinaote tüolan shangpongpu ja muh hüonang she shinge, numan-e numan ütinglakpu me wongnange Ime yongtüoh.

¹⁰Hüpoi numan-e ütenjapu mongme shangphei me, shüpshe üshei, Kahwang, aowe yoi jinte üküm yenang müktishiwa tangte Khrista me numan nyik, Iye yoi nying nyingke numan wangngoi tamlak, mongne tamlak hüyange wongnange tamlak,

¹¹Ite jinte üküm yenangpe ünganwong nangtüoh. Amen.

¹²Taowe numante tüopa shohkünohpu yoppe tongpu Silvanus, ao te taowe monghümpu khristan jeiheinao she, iyeshenang I kaiye nyannang. Taowe numante hatüowa Kahwang shüpshe ütingpa hüyange tüopa me numan mongjüonge yongtüoh she, henge hüyange ü-saki phanang.

¹³Numan phei jamme Kahwange lepu Babilon me ngohpu nyu hüyange ü-ha Mark-e numante salam phanang.

¹⁴Kenpu om teihüp puphei jeiheinao hei jeiheinao nipa me salam teiphatüoh. Khrista me ngohpu numan üshei tangte chingmei ngohtüoh.