Read Konyak Naga 2 PETER 1 Bible Online

2 PETER 1 - Konyak Naga bible

2 PETER 1

¹Simon Peter, shaoshanpa ja hüyange Jesu Khrista lampu mepu. Aoyinte khakshupupa teman Kahwang hüyange yinyepa Jesu Khrista kaiye temante toinyu ne mengpu shinne mengpu ütinglakpu pha:

²Kahwang hüyange teman Youngwanpa Jesu shingpu me numan tangte shüpshe hüyange chingmei khakwange ngohshih.

³Kahwang ünganwong kaiye üyin hüyange üjaopa jingne aowe yoi müktishiwa hüyange wangngoipuwe teman nyik, I shingpu kaiye Iye temante shemin lamphe phayangki.

⁴Hüyange tüolan kaiye toinyu hüyange shemeipupa üyong janne angpulan temante Iye phayangki; nuweshakpu kaiye kahtoknyu me ngohpu mahlakpa mepu yintepuwe numan Kahwang nyoingoh tamme hanpalan ne mengpu oklak ne tüolan janne angpulan phayangki.

⁵Tüojingne numan-e hüke mongjüonge ngange, numan ütinglakpu me shemeipupa, shemeipupa me shingemanpu,

⁶hüyange shingemanpu me yoi nying nyingke tükke okpu me üjaopa,

⁷üjaopa me jeiheinao teikenpu, hüyange jeiheinao teikenpu me kenpu paotüoh.

⁸Hangjingne tüolan khongkümpu numan me ngohma-a, hüyange wangman tamküma-a, teman Youngwanpa Jesu Khrista shingpu ye me numan wong yenangpu yejema-a ülick yelickpu angne yetam.

⁹Hangjingne aoyinme tüolan yenang, Iye ü-o me ngohpu hei ngeye, I mükmüo, hüyange Iye yoi üshongwante ünu mepu jaowetampu pe-mei.

¹⁰Tüokhei jeiheinaolan, numan-e yoite nyikpu hüyange lepu ütingme shinglak yeonge ngange; hangjingne numan-e tüolan lingma-a, numan aope-o yashah yehüolak;

¹¹hangjingne hüke teman Youngwanpa hüyange Yinyepupa Jesu Khrista jinte üküm yenangpu ahngchingte onglak wangmanne numante yaphalak.

¹²Tüokhei numan-e tüolan üshei shingyapoi, hüyange numan phei ngohpu ngaotingpa me mongjüonge ngohyah poi, taowe tüolan numante teihtüotamlak jingne jinte tümme ngoh.

¹³Tüopa nyenok me tao ngohpute ngoiye numante teihtüone tamme henglaka shunang she taowe teihnang;

¹⁴hüyange teman Youngwanpa Jesu Khrista hangke üte shingne tam, hüke ü-nyenok tüowa yahteilak hipak mamshe pei she taowe shing.

¹⁵Tao liphei me, hipak üshei me numan-e tüolan teihtüo tamlak jingne tao nganglak.

¹⁶Hangjingne aope toman-e teman Youngwanpa Jesu Khrista ünganwong hüyange peipu ngao numante shingne tam, toman-e konne linge ngaipu pungao yewoi, hüpoi I yongelüopu mükke ngepu sakilan toman ngohnang.

¹⁷Hangjingne aope Ipa Kahwang mepu yihlupu hüyange müktishiwa tüo, ütahpa müktishiwa puphei I tangte ngaowüng ja, “Hatüowa ümong kenpu ha, ao te Taowe monghah nang,” she pei.

¹⁸Hüyange toman I phei üjao kahtang me ngohwante, wangdang mepu yupu tüopa ngaowüng toman-e yoi nying nyingke jai.

¹⁹Hüyange itte angpu ngao üting she toman-e ünyei shing. Nyihning wangngai ne manmeng manmeng hüyange numan mongjang me phihlangpu shanha manngai manngai, wangnyak me wangngai phalakpa vüntük kih-e, tüopa ngao me numan-e mongpha kü me meilak.

²⁰Hangjingne laishipa itte angpu ngao hanghe-o yoiye mongpu ngaowe ngaiyetampu ne yeje; tüopa üwangne shingyah.

²¹Hangjingne hi-ngao aope-o kahtawe mongpuwe yepei, hüpoi kahtalanne Yaha Üjaowe henge Kahwang mepu ngaonang.