Read Konyak Naga 1 JOHN 1 Bible Online

1 JOHN 1 - Konyak Naga bible

1 JOHN 1

¹Üwangne muh hanghe ngoh, toman-e hanghe jai; hanghepa toman mükke nge, hanghe toman-e lei, hüyange toman yakke jon, hüke üyin ngao jeng -

²hüyange üyin-a ütahte ngai, hüyange toman-e nge, hüyange saki pha nang, hüyange üyin hanghepa Ipa phei ngoh, hüyange toman shaome ütahte ngai, tüopa jinte üküm yenangpu üyin numante yannang.

³Toman phei numan-o shüppe shalak jingne hanghepa toman-e nge hüyange jai, tüopa numante-o yannang; eihyang, hüyange toman shüppe shapu Ipa hüyange I Ha Jesu Khrista phei ngoh nang.

⁴Hüyange toman mongongpu wangngoilak jingne, toman-e tüolan ngao nyannang.

⁵Hatüowa hanghe ngaolan toman-e I mepu jai, hüyange numante yanne tamnang, tüopa ngohnang; hüke Kahwang-a wangngai, hüyange I me wangnyak üjingha nehoi yenang.

⁶Teman I phei shüppe shapu ngohnang she teman-e ima-a hüyange wangnyak me kemma-a, hüma-a teman-e ngaoleih ngaonang, hüyange ngaotingpa yeling.

⁷Hüpoi I hangke wangngai me ngoh nang, hüke teman-e wangngai me kemma-a, teman shümpa hei shümpa ni shüppe shapu ngohnang, hüyange I Ha Jesu Khrista iy kaiye ünu üshei jaowe tamnang.

⁸Teman-e teman me ünu yenang she ima-a, hümma-a teman-e teman nying nyingke lowe tamnang, hüyange ngaotinga teman me yenang.

⁹Teman-e teman ünu janma-a, temante teman ünu winlak hüyange yejaoyeshapu üshei mepu teman jaowe tamphalak; I me monghümlak hüyange ütingpa ngohnang.

¹⁰Teman-e ünu yejon she ima-a, hümma-a teman-e I leihpa ne menge tamnang; hüyange I ngao teman me yenang.