Read Konyak Naga 2 JOHN 1 Bible Online

2 JOHN 1 - Konyak Naga bible

2 JOHN 1

¹Lwngmei mepu leye ngaipu üyongnyu hüyange yha hayimlan tangte, ao te taowe ngaoting me kennang, hüyange ü-shaha yeje hüpoi ngaoting shingpu üsheiye kennang.

²Hangjingne ngaotinga teman me ngohnang hüyange jinte toman me ngohlak.

³Shüpshe, yayeng shüpshe, hüyange chingmei, Üpa Kahwang mepu hüyange Ipa mepu Üha Jesu Khrista mepu, ngaoting hüyange kenpu me teman phei ngohlak.

⁴Teman-e Üpa mepu tüopu ngaokeng kih-e numan hayim ütam ngaoting me kempu ngeye, tao yeonge mongmei nang.

⁵Hüyange sha-a üyongnyu, taowe nang tangte ngaokeng üla nyanpuke yeje, hüpoi üwangne muh toman-e hanghe ngaokeng tüo, tüopa ke teman-e jawe jate teikenlak taowe nangte yoppe tongnang.

⁶Hüyange tüopa-a kenpu, teman-e I ngaokenglanke kemlakyang. Numan-e üwang memuh jaipuke ngaokenga hatüo ngohnang, hüke numan-e tüopa me kemlakyang.

⁷Hangjingne lowetampalan maawe kahtoknyu te ngaiye taiteki, Jesu Khrista mei me pei, she tüopate iman-e yejan ok. Tüopa-a lowetampupa hüyange Khrista phei wepa.

⁸Teman-e hanghe yin lingyangki, tüolan khongkümpu numan-e yemahtamlak hüpoi wangngoipu küw tüolak jingne numan-e yoi nying nyingke kentingyah.

⁹Ao shaoyete lin taiyange hüyange Khrista lamjong me yengoh, I me Kahwang yenang. Ao nyüopu me ngoh, I me Üpa hüyange Üha moini ngohnang,

¹⁰Ütam-e tüopa nyüopu yeyahpe numan tangte peima-a, hüma-a I nenok me ngoine tahtam hüyange Ite salam tahpha;

¹¹hangjingne aowe Ite poonwao nang, Iye I toishao ümeng me teijampa ne mengnang.

¹²Numan te nyanlak ngao maawe ngohyahpoi, taowe lai hüyange laitiye yenyanhu. Hüpoi numan mongmeipu wangngoi tamlak jingne, numan tangte peiye, sheta teihüowe teingaolak taowe teihnang.

¹³Nange leyengaipu nyaheinao hayimlanne nangte salam phanang.