Read Konyak Naga ÜTAHTENGAIPU 16 Bible Online

ÜTAHTENGAIPU 16 - Konyak Naga bible

ÜTAHTENGAIPU 16

¹Hüwante yopnok mepu ngaowüng üyong jawe wangdang shongmokpa nyitte ngaopu taowe jai, “Taitüoh, hüyange Kahwang mongshih ngaipu wan nyit-a kahtoknyu te shokke tamtüoh.”

²Tüokhei üwangpa wangdang shongmokpa tai, hüyange I wan kahtoknyu te shokke tam; hüyange tüopa yinmok minsang ngohpu hüyange moung te khümpu kahtalante nyam nyamshepu hüyange yeonge aapu ma ngai.

³Nishepupa shongmokpawe I wan yengching me shokke tam; hüyange tüopa-a kahta ümang iy kih-e ngai, hüyange yengching me üyin me ngohpu üyin yinmok üshei li.

⁴Hüwante lümshepupa shongmokpawe I wanna yengyin hüyange yengpeiwo me shokke tam, hüyange hatüowa iy ne meng.

⁵Hüyange yengtepu nokpu wangdang shongmokpawe ipu taowe jai, “O üjaopa, ao ngohnang hüyange ngohyangki, nang ngaoting ipa, hangjingne tüopa me nange hüke ngao phün.

⁶Hangjingne kahtalanne üjaolan hüyange hipalan iy shaine tam; hüyange nange-o imante yinglak jingne iy pha. Iman jingne hatüo wangpu!”

⁷Hüyange wümjonge üngwünpu taowe jai, “Eihja, Ütahpa Kahwang Youngwanpa, Üjao hüyange ütingpa-a nange ngao phünpu!”

⁸Pelishepupa shongmokpawe I wanna wanghete shokke tam, hüyange kahtate vünne kanglak jingne Ite wong pha;

⁹hüyange kahtalan yeonge sheampuwe kange tam, hüyange iman-e shaonahpu tüolan tangme ünganwong ngohpu Kahwang min phoiwüm; hüyange Ite müktishiwa phalak jingne mong yelüp.

¹⁰Ngashepupa shongmokpawe yinmok ahngpa shotjing me I wanna shokketam, hüyange tüopa ahngching wangnyak ne meng; hüyange kahtalanne shaoshi loipuwe yoi yee te fa jeih;

¹¹hüyange imante aapu hei ma jingne iman-e wangdang Kahwangte phoi; hüyange iman yoi toishao mepu mong yelüp.

¹²Wokshepupa shongmokpawe I wanna Euphrates yengyin üyong te shokke tam, hüyange wanghe ongjing mepu peipu ahnglan lam tümlak jingne tüopa yengyin eaye mah.

¹³Hüyange tüopa dragon ju mepu, hüyange yinmok ju mepu, hüyange tahleih hipa ju mepu, ngaipu yejaopu yahalüm lukh kih-e taowe nge;

¹⁴hangjingne iman-a ünu yahalan, kahnyingwüngha linge ngaipu; iman-a üshei okpupa Kahwang nyih üyong wehok te jahwannyu ahngpalan üshei jemne tamlak jingne, iman tangte tainang.

¹⁵“Leihuyah, tao kuhpake peinang! Aowe tangko me yekemlak hüyange wüoyetüolak jingne tümtawe ngohnang, hüyange o-tümme angnang, I moimanpu!”

¹⁶Hüyange iman-e Hebrew ngao me Armageddon she nyikpu nyoi ja me iman jemne tam.

¹⁷Nyitshepupa shongmokpawe I wanna wang yete shokke tam, hüyange khümjing hüyange ahngpa shotjing mepu ngao üyongja ngaiye i, “Hatüo tümteki!”

¹⁸Hüyange wangphihlang, hüyange moppu, hüyange wangkhongpu ngai; hüyange kahtoknyu me kahtanyuha ngaiphei me hüke nyamlak hüyange minwe üyong aope-o manlei, tüokihpu minwe üyong lei.

¹⁹Hüyange chingnyu üyongpa-a lümne tamme tang, hüyange jatlan chingnyulan yei; hüyange Kahwang mongshih ngaipu üyong wuwüngti wan tüopa Babilon üyongpate phalak jingne, Kahwang sheshao me I teihtüoteki.

²⁰Hüyange dikhot üshei yanne tai, hüyange kahtanglan shaaji ye-nge;

²¹hüyange wangdang mepu tok daphei me nga nga nanjing yihpu yilong üyong kahtate yei; hüyange tüopa yilong shaonahpu jeng jingne kahtawe Kahwangte phoi, hangjingne tüopa shaonahpu-a jamloi.