Read Konyak Naga 1 SAMUEL 29 Bible Online

1 SAMUEL 29 - Konyak Naga bible

1 SAMUEL 29

¹Sha-a Philistialan iman wetaipalan ükhong khongkümpu Aphek me jem; hüyange Israellan Jezreel kahjee me ngohpu yengpeiwo phinme lak.

²Philistia ahnglan iman kahta gho gho hüyange haja tokte haja lanphei yayonge tai; hüyange David hüyange I kahtalan tokphei ye me Achish ahngpa tokphei me pei.

³Hüwante Philistia woipa lan-e iman nge hüyange i, “Tüolan Hebrewlan hanghe shi?” Hüyange Achishwe Philistia woipalan te i, “Hatüowa David Israellan ahngpa Saul shaoshanpa yejepu a? I ü-phei nyih hüyange wangpeng nangjange ngoh peinang, hüyange I ü-tangte peipu nyih me peiye tenyihte ngoipu me taowe I me ümeng hango ye-nge.”

⁴Hüpoi Philistia woipalan-e Achish te mongshih ngai; hüyange Philistia woipalan-e Ite i, “Nange I ümeken me ngohlak jingne pha, tüome ngohlak jingne kahta-a leihye ne tamtüoh, hüyange teman phei I shapjute tahlaitam, aoshingpu I teman wepane menglak? Hangjingne tüopa kahta-e yoi nokpu phei hangke shei-ok külak? Tüolan kahta üshang phei yejepu a?

⁵Tüopa-a David aohipa jeng shekolan-e polokwante shejawe sheja phei hem teinyüo, ‘Saul-e haja toi, hüyange David-e haja pen,’ she ipupa yejepu a?”

⁶Hüwante Achishwe David nyik hüyange Ite i, “Youngwanpa üyin me ngohtepuwe, nang ngaoting ipa, lakjing me nang ü-phei taiye yepu me ü-sheshao me mei-e ngohyangki; hangjingne nang ü-tangte peipu nyih mepu tenyihte ngoipu me taowe nangte ümeng ye-nge. Tüoyangpoi ahnghalan-e nang yeyah hupuyang.

⁷Tüokhei sha-a leihyetüoh, hüyange Philistia ahnghalan nange mong yemeipe yetüohlak jingne, jünge yetüoh.”

⁸David-e Achishte i, “Hüpoi taowe hanghe lingpu? Hüyange taowe ü-nokpu ahngpa wepalan phei hokne yetai oklak ne, hüke tenyihte ngoiye nang sheshao me teshin-e ngoh-e peiwante nange nang shaoshanpa te hanghe ngepu?”

⁹Achishwe jan hüyange David te i, “Taowe shing, Kahwang shongmokpa kih-e ü-sheshao me nang ümeng yenangpe mei-e ngohnang; tüokih-e ngohyapeyoi Philistia woipalan-e i, ‘I teman phei shapjute ye-onglak.’

¹⁰Tüokhei nang phei peipu nang nokpu shaoshanpalan phei napning shonge lüoyah, hüyange numan shomme lüopu phei jamshe, hüyange wangngai ngaiphei me, yayonge yetüoh.”

¹¹Tüokhei David, I hüyange I kahtalan napning shonge yayonge tailak Philistia kahtokte leihyelak jingne yayong. Hüpoi Philistialan Jezreelte ong.