Read Kosena Mátíyu 1 Bible Online

Mátíyu 1 - Kosena bible

Mátíyu 1

¹Ísu Káráísitina akúniꞌa uráan-kwasai. Ísu aíkwáꞌnáma Tévítimani. Tévíti aíkwáꞌnáma Ááváramumani.

²Ááváramu Áísákaamba marankówanaÁísáka Yákópomba marankówanaYákópo Yúta-iyai áváráwáínónda matinkówana

³Yúta Pérésinte Sáraante matínkaraimbatinówa Témamani.Pérési Éséronimba marankówanaÉséroni Árámumba marankówana

⁴Árámu Ámínátapamba marankówanaÁmínátapa Násonimba marankówanaNásoni Sáómonimba marankówana

⁵Sáómoni Póásimba maránkaraimbaanówa Áréꞌapimani.Póási Ópétimba maránkaraimbaanówa Árútimani.Ópéti Yésimba marankówana

⁶Yési Tévítimba marankówanaTévíti kárákwiyi-iꞌa uráiwai Sórómonimbamaránkaraimba anówana aiva-kwánkó áwíꞌaYúráya úwana naaén-kwamba Tévítimani.

⁷Sórómoni Áríyapoamumba marankówanaÁríyapoamu Ápáísaamba marankówanaÁpáísaa Ésaamba marankówana

⁸Ésaa Yíósavatimba marankówanaYíósavati Yórámumba marankówanaYórámu Ásáyaamba marankówana

⁹Ásáyaa Yótámumba marankówanaYótámu Éꞌásaamba marankówanaÉꞌásaa Ésékayaamba marankówana

¹⁰Ésékayaa Mánásaamba marankówanaMánásaa Émósimba marankówanaÉmósi Yósáyaamba marankówana

¹¹Yósáyaa Yékónaya-iyai áváráwáínónda matinkówasa minkánáávímbá Pépíróni-naopakewai Ísareri-kwaasi tayíꞌmaesa Pépírónivaꞌa ándávaꞌa mátínkaraawe.

¹²Pépírónivaꞌa mátínkó-kanaavimbaYékónaya Síátiomba marankówanaSíátio Sérápápeomba marankówana

¹³Sérápápeo Ápáyatimba marankówanaÁpáyati Éráyakimumba marankówanaÉráyakimu Ésomba marankówana

¹⁴Éso Sétókomba marankówanaSétóko Ékímumba marankówanaÉkímu Éráyatimba marankówana

¹⁵Éráyati Éríesaamba marankówanaÉríesaa Mátánaamba marankówanaMátánaa Yákópomba marankówana

¹⁶Yákópo Yósépimba marankówanaYósépi Máríyaamba awaikó úwana Máríyaa Ísumba anówamani. Ísuntavesa Áánútu usásinankaiwaiye sésa Káráísitiye kwésewe.

¹⁷Ááváramumo máyonkaꞌa sísamaivakemba éíyaimba kumbaimái-kwaasi 14 kwaasi agáyówasa Tévítimo paárurenamo máyonkaꞌa sísamaivakemba éíyaimba kumbaimái-kwaasi 14 kwaasi agáyówasa Pépírónivakewai tayíꞌmaesa Pépírónivaꞌa ándávaꞌa mátínkarowasa máyón-kanaavimba sísamaivakemba éíyaimba kumbaimái-kwaasi 14 kwaasi agáyówana minkáꞌá Máríyaa Ísu Káráísitimba maránkaraiye. Ísumba maránkarain-kwasai.

¹⁸Ísu Káráísitimba marankómba maará uráiye. Ísu anówamba Yósépinkaꞌa siváúmaresa ítámakowana Yósépi íma kwesé kurónkaꞌa ámúꞌa paáruraiye. Áánútun-amanko ámúꞌa paárumankarowana

¹⁹awaikó kaweꞌá kwéuwai séna kwaási túrankaꞌa aiꞌmáráanana Máríyaa aigaeyávéna iváímpoꞌa aúpáꞌá aiꞌmátuwanaumne-imayaa uráiye.

²⁰mirá imáyáama kwéena aún-kwáyowana Ísóigona kwayóꞌnákó kwíyómpakewai kaainampáꞌá simámena séna Yósépiyo Tévítin-andaraken-kwaasi óne. Máríyaamo ámúꞌo káúvímba Áánútun-amankowe suꞌmai ámúꞌa kauwánkáímba po kwembá úwoi mayáníyompo íma ááꞌa kaíno.

²¹iyámpóímo marankánímba áwíꞌa Ísuwe simámiyo siráiye. mináwíkóná ááimba kwená kwaási sáwí-imayaaomo tátokaimpinkemba iyátinkaniye siráiye.

²²naaóváꞌá Áánútun-aai simátímakowai sirónkaꞌa póna mirán-tántááꞌá paáruraiye.

²³kwemá agaimaréna sénamoórá-inaamarugo kwaaí íma mairéna ámúꞌakaumái iyámpói marankáínasa miníyámpóígóáwíꞌa Émániyueriye sénááowe agaimaréna siráimba mináwíkóná ááimba Áánútu keséya máyáiye siráiye.

²⁴Yósépi aúvínké usásinena Ísóigona kwayóꞌnákó kwíyómpakewai siróntemba awainínkómbá mairéna

²⁵íma kwesé kúmba úwoi ména kárákwirowana iyámpói marankówana Ísuwe séna áwíꞌa tamánkaraiye. aaváúmó usópaken-kwaasi taawánaraan-kwasai.