Read Kpelle Zɛnɛse 36 Bible Online

Zɛnɛse 36 - Kpelle bible

Zɛnɛse 36

¹Isɔɔ, nyii da kâa dòli máŋ a Idɔŋ, zuu pîlaŋ-pere ká ŋí.

²Isɔɔ è ŋɔnɛnî-ŋai kùla Keena-ƃelai sáma. Dia ƃa, Ita-nuui Ilɔŋ ǹóŋ-nɛnii Ada, Olibama, nyii kɛ̀ a Iva-nuui Zibiɔŋ ǹóŋ-surɔ̂ŋ Ana ǹóŋ-nɛnii,

³Da Isimai ǹóŋ-nɛnii Basema, nyii kɛ̀ a Nebayo zâaƃɔlɔi.

⁴Ada da Isɔɔ dí Ɛlifa maa sɔlɔ ƃó, da Basema dí Lewe maa sɔlɔ ƃó,

⁵da Olibama dí Zeu maa sɔlɔ ƃó da Zalaŋ é pɛ́lɛ Koa ma. Isɔɔ ǹônii-sinaai ká ŋí è dímaa sɔlɔ ƃô Keena lɔii sui.

⁶Nya ƃe Isɔɔ è ŋɔnɛyâai sìɣe da ǹônii-sinaai, ǹônii-nɛyãai é pɛ́lɛ ŋɔpɛ́rɛi mu-ƃelai kélee dîa, da ŋɔƃála-ŋai, ŋɔtaa-tulɛ-ŋai é pɛ́lɛ gɔ̃liŋ kélee ma nyii è zɔlɔ ƃô Keena lɔii sui, é ǹêɣe Zeeka lɛ̀ɛ naa é lí a dîa lɔii da kpɛ́ni su.

⁷Kpɛ́ni fêi, díkɔ̃liŋ è kɛ̀ a gɛ́tɛ a sɛŋ dífa pɔ̂ri seêi lɔii kpua tɔnɔ su. Ǹɔii kpuai tí fé kɛ́ ní a gɛ́tɛ dímɛni ma, kpɛ́ni fêi, taa-tulɛ támaa è kɛ̀ díyêei.

⁸Nya ƃe Isɔɔ è sèe Idɔŋ lɔii ǹyée kɛ̂i pere.

⁹Idɔŋ-ŋai dínâŋ Isɔɔ ŋɔsuui ká ŋí.

¹⁰Isɔɔ ǹônii-sinaai láa ká ŋí. Isɔɔ ŋɔnɛnîi Ada ǹóŋ Ɛlifa, da ŋɔnɛnîi Basema ǹóŋ Lewe.

¹¹Ɛlifa ǹônii-sinâai ƃé kɛ̀ a, Temaŋ, Oma, Zefo, Gataŋ da Kena.

¹²Tiŋna è kɛ̀ a Isɔɔ ǹóŋ-surɔ̂ŋ Ɛlifa ŋɔnɛyâai dɔnɔ. Ǹyaŋ da ǹyaa dí Amalɛ maa sɔlɔ ƃô. Isɔɔ ŋɔnɛnîi Ada ǹóŋ lônii ká ŋí.

¹³Lewe ǹyaŋ ǹônii-sinaai láa ká ŋí. Nata, Zera, Sama da Miza. Isɔɔ ŋɔnɛnîi Basema ǹóŋ lônii ká ŋí.

¹⁴Isɔɔ ŋɔnɛnîi Olibama, nyii kɛ̀ a Zibiɔŋ ǹóŋ-surɔ̂ŋ Ana ǹóŋ-nɛnii, ǹônii-sinaai láa ká ŋí. Zeu, Zalaŋ da Koa.

¹⁵Gâloŋ-ŋai ká ŋí Isɔɔ ŋɔsuui su. Isɔɔ ǹóŋ-surɔ̂ŋ maa-ŋuŋ Ɛlifa ǹônii-sinaai ká ŋí nyii-ŋai díkaa a gâloŋ-ŋai. Temaŋ, Oma, Zefo, Kena,

¹⁶Koa, Gataŋ da Amalɛ. Ɛlifa ǹônii-sinaai ŋí ƃé díkaa kɛ̀ a Idɔŋ lɔii su-kaloŋ-ŋai. Ada ǹônii-sinaai ká tí.

¹⁷Isɔɔ ǹóŋ-surɔ̂ŋ Lewe ǹônii-sinaai ká ŋí, nyii-ŋai díkaa a gâloŋ-ŋai. Nata, Zera, Sama da Miza. Lewe ǹônii-sinaai ŋí ƃe díkaa a Idɔŋ lɔii su-kaloŋ-ŋai, nyii-ŋai Isɔɔ ŋɔnɛnîi Basema è dímaa sɔlɔ ƃôi.

¹⁸Isɔɔ ŋɔnɛnîi Olibama ǹônii-sinaai nyii-ŋai díkaa a gâloŋ-ŋai dia ká ŋí. Zeu, Zalaŋ da Koa. Gâloŋ-ŋai ká ŋí Ana ǹóŋ-nɛnii Olibama, nyii kɛ̀ a Isɔɔ ŋɔnɛnîi, è dímaa sɔlɔ ƃôi.

¹⁹Isɔɔ, nyii da dòli máŋ a Idɔŋ, ŋɔsuui su-ƃelai ká ŋí nyii-ŋai díkaa a gâloŋ-ŋai.

²⁰Ori-nuui Sɛi ǹônii-sinaai ká ŋí nyii-ŋai díkaa a ǹɔii-lonii. Lotaŋ, Soba, Zibiɔŋ, Ana,

²¹Disoŋ, Izɛ da Disaŋ. Ori-ŋai díkâloŋ-ŋai ká ŋí, nyii-ŋai díkaa a Sɛi ǹônii-sinaai Idɔŋ lɔii sui.

²²Lotaŋ ǹônii-sinaai ƃé kɛ̀ a Ori da Emaŋ. (Tiŋna ƃé kɛ̀ a Lotaŋ zâaƃɔlɔ.)

²³Soba ǹyaŋ ǹônii-sinaai ká ŋí. Avaŋ, Manaa, Ibaa, Sefo da Onaŋ.

²⁴Zibiɔŋ ǹônii-sinaai ká ŋí. Aia da Ana. (Ana ƃé ǹyái kàa vɛ̃ɛ-kpâlaŋ su tãi è kɛ̀ ǹâŋ Zibiɔŋ ŋɔwɛlɛ-sôo-ŋai mɛi kâai lai.)

²⁵Ana ǹônii ká ŋí: Disoŋ da Olibama, nyii kɛ̀ a Ana ǹóŋ-nɛnii.

²⁶Disoŋ ǹônii-sinaai ká ŋí. Edaŋ, Isibaŋ, Itaŋ da Keraŋ.

²⁷Izɛ ǹônii-sinaai ká ŋí. Bilaŋ, Zavaŋ da Akaŋ.

²⁸Disaŋ ǹônii-sinaai ká ŋí. Uzi da Araŋ.

²⁹Ori-ŋai díkâloŋ-ŋai ká ŋí. Lotaŋ, Soba, Zibiɔŋ, Ana,

³⁰Disoŋ, Izɛ da Disaŋ. Ori-ŋai díkâloŋ-ŋai ká ŋí yɛ̂ɛ berei dílɔii-kpiniŋ káa la Sɛi lɔii sui.

³¹Ǹɔii mɛi-ƃelai ká ŋí, nyii-ŋai kɛ̀ Idɔŋ, lɔii mɛi-nuu da kpɛ́ni é lɛ́ɛ pâi kɛ̂i Eezuɛ-ŋai mɛi. Beo ǹóŋ-surɔŋ Bela ŋɔtaa-lêei ƃé kɛ̀ a Dinaba. Zera ǹóŋ-surɔŋ Zoba ŋɔtaa-lêei ƃé kɛ̀ a Boza. Usaŋ è kùla Tema lɔii su. Beda ǹóŋ Ada è kùla Avi (è Midia-ŋai yée mɛi ɣále Môa lɔii su). Samala è kùla Mɛzika. Sau è kùla Liobɔ, nyii gáa Yufeletii Ya-leei kɔlɛi. Abɔ ǹóŋ-surɔŋ ƃé kɛ̀ a Bâa Anaŋ. Ada è kùla Pau (ŋɔnɛnîi láa ƃé kɛ̀ a Metulɛ, nyii kɛ̀ a Mɛzaba ǹóŋ-nɛnii Matɛ ǹóŋ-nɛnii).

⁴⁰Idɔŋ lɔii-kpiniŋ su kaloŋ-ŋai láa ká ŋí, nyii-ŋai kùla Isɔɔ ŋɔsuui sui. Tiŋna, Ava, Zetɛ Olibama, Ila, Pinoŋ, Kena, Temaŋ, Miza, Madiɛ da Iraŋ. Dí dísee-kwaa-ŋai mâ láa sèe yɛ̂ɛ berei dísii-ŋai láa è kɛ̀ lai.