Read Kpelle Kɔlɔnikɔ Maa-ŋuŋ 27 Bible Online

Kɔlɔnikɔ Maa-ŋuŋ 27 - Kpelle bible

Kɔlɔnikɔ Maa-ŋuŋ 27

¹Eezuɛ-ŋai kɛ̀ a gɔ-kûluƃa-ŋai láa túɛ-ƃelai láa ká ŋí. Ǹûai ŋí da-ŋa díkɛ̀ núu (1,000) wála tɔnɔ mɛi, da-ŋa díkɛ ƃò a núu (100) ŋ̀uŋ tɔ̂nɔ mɛi ƃela. Díkɛ̀ tíi kɛ̂i kɔ-kûluƃa kpulu tɛi-tɛi mɛi gâloŋ yée mu. Núu wála buu feerɛ káo náaŋ (24,000) ƃé kɛ̀ ǹúu kpului dɔnɔ su. Da kâa tíi kɛ̀ a ɣáloŋ tɛi-tɛi díkɛ díkîe-ni maa fâleŋ a ŋ̀áloŋ kélee kpɛɛ-ŋa.

²Dílaa túɛ-ƃelai ká kɛ̀ ŋí ŋ̀áloŋ tɛi-tɛi mɛni ma: Ŋ̀áloŋ m̀aa-ŋuŋ: Zaƃidiɛ ǹóŋ-surɔŋ Zasobeaŋ ƃé kɛ̀ gɔ-kuluƃa kpului mɛi. È kɛ̀ a Pɛrezi ŋɔkáayɔɔ gɛ́ ƃò Zuda sii nuui da. Ŋ̀áloŋ veerɛi: Aoi ŋɔsuui su-nuui Doda ƃé kɛ̀ gɔ-kuluƃa-ŋai láa túɛ. (Gɔlɛ ma-nuui láa ƃé kɛ̀ a Mikilo.)

³È kɛ̀ a Pɛrɛzi ŋɔsuui su-nuui dɔnɔ, gɛ́ ƃò ŋɔ́nɔ a gɔ-kuluƃa-ŋai láa túɛ-ƃelai mɛi-nuu.

⁴Dodai nyíi kɛ̀ a Aoi ŋɔsuui su-nuui dɔnɔi ƃé kɛ̀ gɔ-kuluƃa kpului veerɛi mɛi ŋáloŋ veerɛi mɛni ma. Núu wála buu-feerɛ káo-náaŋ (24,000) ƃé kɛ̀ ŋɔnúu kpului su. Mikilo ƃé kɛ̀ a ǹyée mu-nuu.

⁵Benaiya nyíi kɛ̀ a zâla-laa soŋ-nuui Zeoiada ǹóŋ-surɔŋ ƃé kɛ̀ gɔ-kuluƃa kpului zaaƃai mɛi ŋáloŋ zaaƃai mɛni ma. Núu wála buu-feerɛ káo-náaŋ (24,000) ƃé kɛ ŋɔnúu kpului su.

⁶Benaiyai ŋí ƃé kɛ̀ a ŋwála-wala nuu-kɛtɛi gɔ-kuluƃa buu saaƃai sáma, gɛ́ ƃò a dílaa-tuɛ-nuu. Ǹóŋ-surɔŋ Amizaba ƃé kɛ̀ a nyée mu ǹuu.

⁷Zoa ǹêɣe Asaɛ ƃé kɛ̀ gɔ-kuluƃa kpului náaŋ mɛi ŋáloŋ ǹaaŋ mɛni ma. Núu wála buu-feerɛ káo-náaŋ (24,000) ƃé kɛ ŋɔnúu kpului su. Ǹóŋ Zɛbadia ƃé wɔ́lɔ lɛ̀ɛ bɔ́ɔ-ŋa ŋɔkɔ-kuluƃa kpului mɛi.

⁸Isa ŋɔsuui su-nuui Saŋmu ƃé kɛ̀ gɔ-kuluƃa kpului ǹɔ́ɔlui mɛi, ɣáloŋ lɔ́ɔlu mɛni ma. Núu wála buu-feerɛ káo-náaŋ (24,000) ƃé kɛ ŋɔnúu kpului su

⁹Ira nyíi kɛ̀ a Tekoa ǹúui Ikesi ǹóŋ surɔŋ ƃé kɛ̀ gɔ-kuluƃa kpului ǹɔɔlu mɛi-dai mɛi, ŋáloŋ lɔ́ɔlu mɛi-dai mɛni ma. Núu wála buu-feerɛ káo-náaŋ (24,000) ƃé kɛ ŋɔnúu kpului su.

¹⁰Ifiraŋ-nuui Ɛlɛzi nyíi kùla Pilɔŋ ƃé kɛ̀ gɔ-kuluƃa kpului ǹɔ́ɔlu-mɛi-feerɛi mɛi. Núu wála buu-feerɛ káo-náaŋ (24,000) ƃé kɛ ŋɔnúu kpului su.

¹¹Saƃɛka ƃé kɛ̀ gɔ-kuluƃa kpului ǹɔ́ɔlu mɛi-saaƃai mɛi. Núu wála buu-feerɛ káo-náaŋ (24,000) ƃé kɛ ŋɔnúu kpului su. Saƃɛkai ŋí è kùla Usa. È wɔ́lɔ kɛ̀ a Zera ŋɔsuui su-nuui dɔnɔ nyíi kùla Zuda ŋɔsîi sui.

¹²Anatɔ lɔii-kpiniŋ su-nuui Aƃiezɛ nyíi kùla Bɛŋsima ŋɔsii sui ƃé kɛ̀ gɔluluƃa kpului ǹɔ́ɔlu-mɛi-naaŋ mɛi. Ɣáloŋ lɔ́ɔlu mɛi-naaŋ mɛni ma. Núu wála buu-feerɛ káo-náaŋ (24,000) ƃé kɛ ŋɔnúu kpului su.

¹³Nitofa-nuui Maarai nyíi kɛ̀ a Zera ŋɔsuui su-nuui ƃé kɛ̀ gɔ-kuluƃa kpului buui mɛi ŋ̀aloŋ buui mɛni ma. Núu wála buu-feerɛ káo-náaŋ (24,000) ƃé kɛ ŋɔnúu kpului su.

¹⁴Benaiya nyíi kùla Piratɔŋ nyíi kɛ̀ Ifiraŋ-ŋai dílɔii-kpiniŋ sui ƃé kɛ̀ gɔkɔkuluƃa kpului buu-káo-tɔnɔi mɛi, ŋáloŋ puu káo-tɔnɔi mɛni ma. Núu wála buu-feerɛ káo-náaŋ (24,000) ƃé kɛ ŋɔnúu kpului su.

¹⁵Ɔtiniɛ ŋɔsuui su-nuui Ɛɛda nyíi kùla Nitofai ƃé kɛ̀ gɔ-kuluƃa kpului buu-káo-feerɛi mɛi, ŋáloŋ puu-káo-feerɛi mɛni ma. Núu wála buu-feerɛ káo-náaŋ (24,000) ƃé kɛ ŋɔnúu kpului su.

¹⁶Ǹûai ŋí ƃé kɛ̀ Eezuɛ-sii-ŋai mɛi: Zikuka ǹóŋ-surɔŋ Ilaizɛ ƃé kɛ Lubiŋ ŋɔsîi mɛi. Maka ǹóŋ-surɔŋ Sifatia ƃé kɛ̀ Simiɔŋ ŋɔsîi mɛi,

¹⁷Kemuɛ ǹóŋ Asabia ƃé kɛ̀ Liiva ŋɔsîi mɛi, Dadɔ ƃé kɛ̀ Eelɔŋ ŋɔsîi mɛi,

¹⁸Deeƃé ǹêɣe Iliu ƃé kɛ̀ Zuda ŋɔsîi mɛi. Makɛɛ ǹóŋ Ɔŋri ƃé kɛ̀ Isaka ŋɔsîi mɛi,

¹⁹Obidaya ǹóŋ Isimaya ƃé kɛ̀ Zɛbulɔŋ ŋɔsîi mɛi. Aziriɛ ǹóŋ Zerimɔ ƃé kɛ̀ Nɛfɛtɛli ŋɔsîi mɛi.

²⁰Azazia ǹóŋ Osia ƃé kɛ̀ Ifiraŋ ŋɔsîi mɛi. Pidaya ǹóŋ Zoɛɛ ƃé kɛ̀ Manasɛ ŋɔsîi mɛi.

²¹Zɛkɛraya ǹóŋ Iido ƃé kɛ̀ Manasɛ ŋɔsîi gbuai mɛi nyíi kɛ̀ Giliai. Aƃinɛ ǹóŋ Zaasiɛ ƃé kɛ̀ Bɛŋsimaŋ ŋɔsîi mɛi.

²²Zɛroaŋ ǹóŋ Azarɛ ƃé kɛ̀ Daŋ ŋɔsîi mɛi. Ǹûai ŋí ƃé kɛ̀ a Eezuɛ-sii-ŋai mɛi-ƃela.

²³Tãi Gâloŋ Deeƃé è wɔ́lɔ kɛ̀ ǹûai ŋí lônoi lai, vé ǹûai lóno-ni nyii-ŋai díkoraŋ è kɛ̀ a kóraŋ buu-feerɛ é yéŋ mu-perei. Kpɛ́ni fêi, Yâwɛɛ è wɔ́lɔ mò a gɛ́ɛ a pâi Eezuɛ-ŋai tâmai yɛ̂ɛ bɛmɛlɛŋ-káoi gáa ŋ̀elei sui.

²⁴Zoa nyíi dakâa kɛ̀ ǹee ma Zerusi è wɔ́lɔ kɛ̀ gbakolo-ŋai lônoi, kɛ́lɛ vé kpɛɛ-ni dílonoɔɔ ma kpɛ́ni fêi Ɣâla è wɔ́lɔ ǹíi wàna Eezuɛ-ŋai dîa ǹúu lóno mɛnii ŋí ma. Mɛni ma dífe wɔ́lɔ ǹúu lóno mɛnii ŋí pɔ̃yɛ-ni Gâloŋ Deeƃé ŋɔkâloŋ kɔlɔi su.

²⁵Diai kɛ̀ gâloŋ kɔ̃liŋ mɛi kâai dílaa ká ŋí: Adiɛ ǹóŋ Azimavɛ ƃé kɛ̀ gâloŋ ŋɔsãai laai kɛ́-pɛrɛi mɛi. Uzia ǹóŋ Zonetaŋ ƃé kɛ̀ zãai-laai kɛ́-pɛrɛi mɛi ǹɔii-kpîniŋ-ŋai su, daa-ŋai da gbanâŋ-ŋai lai ma. Kelu ǹóŋ Iziri ƃé kɛ̀ ǹɔii da gbâlaŋ-ŋai lá tii kɛ́-ƃelai mɛi. Lama-nuui Simei ƃé kɛ̀ gbɔmɔ-ƃa kpalaŋ-ŋai mɛi. Sefiɣaŋ-nuui Zaƃidi ƃé kɛ̀ ŋ̀wãai sida mɛnii mɛi Gedɛ-nuui Baa Ana ƃé kɛ̀ ŋ̀úlɔ-wurui da Sikamo-wuru kpɔlɔi mɛi ǹyéei kwára vóloi liî-perei. Zoasi ƃé kɛ̀ ɔle wulɔi seêi kɛ́-kwaai ma mɛni mɛi. Sarɔŋ-nuui Siturai ƃé kɛ̀ daa-tulɛ-ŋai kɛ̀ Sarɔŋ tiŋ-tiŋ su mɛni mɛi kâai. Adilai ǹóŋ Safa ƃé kɛ̀ daa-tulɛ-ŋai kɛ̀ diŋ-tiŋ sui mɛi kâai. Isimɛ ŋɔsuui su-nuui Ɔbii ƃé kɛ̀ zoo-faleŋ-ŋai mɛi kâai. Mɛrono-nuui Zedeia ƃé kɛ̀ ŋ̀wɛlɛ-sôo-ŋai mɛi kâai. Aguri-nuui Zazi ƃé kɛ̀ m̀ala-ŋai da mòli-ŋai mɛi kâai.

³²Gâloŋ Deeƃé gêra Zonetaŋ è kɛ̀ a lia-woo ƃó-nuu lɛ́lɛɛ, dáreɛɛ, gɛ́ ƃò ŋɔ́nɔ a kɔlɔ pɔ̃yɛ-nuu. Da Akimoni ǹóŋ Zeiɛɛ ƃé kɛ̀ a kɔlɔ lɛ̂i gâloŋ ǹônii-sinaai dîa.

³³Gâloŋ ŋɔlîa-woo ƃó-nuui ƃé kɛ̀ a Aitofɛ. Aki-nuui Usai ƃé kɛ̀ a gâloŋ ǹâoi.

³⁴Aitofɛ kɛ́ɛ a saai, Benaiya ǹóŋ Zeoiada da Abiada ƃé lɛ̀ɛ bɔ́ɔ ŋá. Zoa ƃé kɛ̀ gâloŋ ŋɔkɔ-kuluƃa-ŋai mɛi.