Read Kpelle Kɔlɔnikɔ Maa-ŋuŋ 6 Bible Online

Kɔlɔnikɔ Maa-ŋuŋ 6 - Kpelle bible

Kɔlɔnikɔ Maa-ŋuŋ 6

¹Liiva ǹônii-sinaai ƃé kɛ̀ a Gɛsɔŋ, Koa, da Melali.

²Koa ǹônii-sinaai ƃé kɛ̀ a Amaraŋ, Iza, Iburɔŋ da Uziɛɛ.

³Amaraŋ ǹônii-sinaai ƃé kɛ̀ a Eelɔŋ, Mose, da Meriaŋ. Eelɔŋ ǹônii-sinaai láa ƃé kɛ̀ a Nada, Abiu, Elieza, da Itama.

⁴Elieza è kɛ̀ a Fineɣa ǹâŋ, Fineɣa kɛ́ ƃò a Aƃisua ǹâŋ.

⁵Aƃisua è kɛ̀ a Bukii ǹâŋ, Bukii kɛ́ ƃò a Uzi ǹâŋ.

⁶Uzi è kɛ̀ a Zeraia ǹâŋ, Zeraia kɛ́ ƃò a Meraɔ ǹâŋ.

⁷Meraio è kɛ̀ a Amaria ǹâŋ, Amaria kɛ́ ƃò a Aitɔ ǹâŋ.

⁸Aitu è kɛ̀ a Zadɔ ǹâŋ, Zadɔ kɛ́ ƃò a Aimazi ǹâŋ.

⁹Aimazi è kɛ̀ a Azaria ǹâŋ. Azaria kɛ́ ƃò a Zoanaŋ ǹâŋ.

¹⁰Zoanaŋ è kɛ̀ a Azaria ǹâŋ. Azaria ƃé wɔ́lɔ kɛ̀ a zâla-laa soŋ-nuui Ŋ̀âla-pɛrɛi Kɛ́tɛi mu Saloma è dɔ̀ɔ Zerusâlɛŋ.

¹¹Azaria è kɛ̀ a Amaria ǹâŋ, Amaria kɛ́ ƃò a Aitu ǹâŋ.

¹²Aitɔ è kɛ̀ a Zadɔ ǹâŋ, Zadɔ kɛ́ ƃò a Saluŋ ǹâŋ.

¹³Saluŋ è kɛ̀ ƃo a Ekeea ǹâŋ, Ekeea kɛ́ ƃò a Azaria ǹâŋ.

¹⁴Azaria è kɛ̀ a Seraiya ǹâŋ, Seraiya kɛ́ ƃò a Ziozada ǹâŋ.

¹⁵Dí Zeozada sòŋ gɔ́i su a tãi Yâawɛ è wɔ́lɔ lì la a Zuda da Zerusâlɛŋ a kɔ-sôŋ-laai Galoŋ Nɛbukinaza ŋɔkâloŋ-laa koraŋ su.

¹⁶Liiva ǹônii-sinaai láa ƃé kɛ̀ a Gɛsɔŋ, Koa, Melali.

¹⁷Gɛsɔŋ ǹônii-sinaai láa ƃé kɛ̀ a Libini da Simei.

¹⁸Koa ǹônii-sinaai láa ƃé kɛ̀ a Amaraŋ, Izaa, Iburɔŋ da Uziɛ.

¹⁹Melali ǹônii-sinaai láa ƃé kɛ̀ a Mali da Musi. Nyiŋi pôlu ma, diai ŋí ƃé kɛ̀ a Liiva ŋɔsuui yɛ̂ɛ berei dísuui láa é pîlaŋ la dínâŋ ni diai.

²⁰Gɛsɔŋ ǹônii-sinaai ƃé kɛ̀ a Libini, Zâa da Zima,

²¹Zoa, Idoo. Zera da Zeatɛrai.

²²Koati ǹônii-sinaai ƃé kɛ̀ a: Aminada, Kora, Kora da Asiɛ,

²³Ɛkena, Ibiasa, Ibiasa, Asiɛ,

²⁴Taa, Uriɛ, Uzia da Sau.

²⁵Ɛkana ǹônii-sinaai ƃé kɛ̀ a Amasai da Aimɔ.

²⁶Aimɔ ǹônii-sinaai ƃé kɛ̀ a: Ɛkana, Zofai, Naɣa,

²⁷Ilia, Zeroaŋ da Ɛkana.

²⁸Samia ǹônii-sinaai maa ŋuŋ ƃé kɛ̀ a Zoɛɛ, veerɛ ɣelei ƃé kɛ̀ a Aƃiza.

²⁹Melali ǹônii-sinaai ƃé kɛ̀ a: Maali, Libini, Simei, Uzia,

³⁰Simea, Eegaa da Asaiya.

³¹Deeƃé kɛ́ɛ a pá a Gono-tee Gãlai Yâwɛɛ ŋɔpɛ́rɛ kɛ́tɛi mui pôlu ma è ǹûai ŋí ní siɣe a gɛ́ɛ díkɛ wule tòo naa.

³²Da kâa kɛ̀ wule tôoi naa zua-kɔlɔ-seɣe pɛrɛi mu ŋɛ́i-tuɛ goyâŋ too kwaai é lɛ́ɛ la zu ǹyaa Gâloŋ Saloma é Yâawɛ ŋɔpɛ́rɛi tɔ́ɔ Zerusâlɛŋ. Da kâa dítii kɛ̀ a gɛ̀ tãi yɛ̂ɛ berei è kɛ̀ lai.

³³Zinâai ŋí ƃe da kâa kɛ̀ ŋ̀ule-ŋai tôoi da dílônii. Ǹûai kùla Koa ŋɔsuui su kolii sui ƃé kɛ̀ a: Zoɛ ǹóŋ Eemaŋ. Ǹyaa ƃé kɛ̀ ŋ̀ule too nuu-kpului maa-ŋuŋ láa tuɛ. Ŋɔkáa-laa ɣɛlii pîlaŋɔɔi Zeeka ŋ̀ɔi ma bere sîi ŋí su: Diai gáa-laai ŋí sui ƃa ǹyaa Eemaŋ, Zoɛ, Samia

³⁴Ɛkana, Zɛroaŋ, Iliɛ, Toa ǹóŋ.

³⁵Zɔfi, Ɛkana, Mâa, Amasai.

³⁶Ɛkana, Zoɛɛ, Azaria Zɛfɛnaya

³⁷Taɣa, Asɛ, Eƃiasa, Kora,

³⁸Izaa, Koa, Liiva da Zeeka.

³⁹Asa ƃé kɛ̀ a ŋ̀ule too nuu-kpului veerɛi láa túɛ. Ŋɔkáa-laai pilaŋɔɔi Liiva ŋ̀ɔi ma bere sîi ŋí su. Zu-ƃelai ƃa: Asa, Belekaya, Simea,

⁴⁰Maka, Ba-aseia, Makiza,

⁴¹Etini, Zera, Adaiya.

⁴²Itaŋ, Zima, Zima, Simei,

⁴³Zâa, Gɛsɔŋ da Liiva.

⁴⁴Melali kolii su nuui Kesi ǹóŋ Itaŋ ƃé ŋ̀ule too nuu-kpului zaaƃaai láa túɛ. Ŋɔkáa-laai pîlaŋɔɔi Liiva ŋ̀ɔi ma bere sîi ŋi su. Zu-ƃelai ƃa: Ǹyaa Itaŋ, Kisi, Abidi, Maalu,

⁴⁵Asaƃia, Amaziya, Ekaya.

⁴⁶Aŋzi, Bani, Semɛ.

⁴⁷Mbali ǹóŋ. Musi, Melali da Liiva.

⁴⁸Díkaa-yɔɔ-ŋai kɛ̀ a Liiva ŋɔsuui su-ƃelai gbêli-ŋai ƃé kɛ̀ dii-ŋai kélee kɛ̂i Ɣâla ŋɔsua-kɔlɔ seɣe pɛrɛi mu.

⁴⁹Eelɔŋ da ǹônii-sinaai díwɔ̂ tîi ƃé kɛ̀ dí géreŋ sala-ŋai kúla gereŋ sala ɣala-teƃelei ŋá da géreŋ sɛŋ kúŋ nɛ̃ɛ ɣâla teƃelei ŋá. Dia ƃa kâa dii-ŋai kélee kɛ gwaa mâ waai ŋɔkwaa ma waai ma. Dia ƃa kâa Eezuɛ-ŋai maa sâla kula a gɛ́ɛ Ɣâla é dísu-mɛn lɛɛ yɛ̂ɛ berei ǹyaa Ɣâla ŋɔtíi kɛ́-ǹúui Mose è wɔ́lɔ mò la dîai.

⁵⁰Diai ŋí ƃé kɛ̀ a Eelɔŋ ǹônii-sinaai: Ileaza, Fineɣa, Aƃisua,

⁵¹Buki, Uzii, Zeraiya

⁵²Meraio, Amaria, Aitu,

⁵³Zadɔ da Aimazi.

⁵⁴Dí lɔii tɛ̀ɛ Eelɔŋ ǹônii-sinaai pɔ́ kɛ̀ a Koa kolii. Ǹɔii-kpiniŋ kɛ̀ naa Liiva-ŋai mɛni mai dia ƃé m̀aa-ŋuŋ sɔlɔ ƃò.

⁵⁵Dí Iburɔŋ lɔii kpiniŋ kɛ̀ Zuda kpiniŋ sui tɛ̀ɛ dípɔ da naa kɔlɛ ma.

⁵⁶Díi kɛ́ kwaai ma kɛ̀ daa-lêei da gbanâŋ-ŋai lá kɔlɛ mai naa tɛ́ɛ Zefuna ǹóŋ Kalee pɔ́.

⁵⁷Dí ŋ̀uŋ-ma-ƃo taa-lêe-ŋai ŋí tɛ̀ɛ Eelɔŋ ǹônii-sinaai pɔ́. Dîa ƃa: Iburɔŋ, Libini, dítii-kɛ lɔii-ŋai, Zatɛ, Isitimo da dítii-kɛ lɔii-ŋai.

⁵⁸Dí ŋɔ́nɔ Ileŋ da ǹaa tii kɛ́ lɔɔi é pɛlɛ Dibɛ da ǹaa tii kɛ́ lɔɔi tɛɛ dípɔ.

⁵⁹Dí Asaŋ da naa tii kɛ́ lɔɔi é pɛ̀lɛ Bɛ-semɛsi da naa tii kɛ́ lɔɔi ma dí dɛ̀ɛ dípɔ máŋ.

⁶⁰Dí Geƃa da naa tii kɛ́ lɔii, Alemɛ da naa tii kɛ́ lɔii da Anatɔra da naa tii kɛ́ lɔii tɛ̀ɛ dípɔ é kula Bɛŋsima ŋɔsuui su-ƃelai dí lɔii su. Daa-leei dí dɛ̀ɛ dípɔ̂i gélee è kɛ̀ a taa-lêe puu-káo saaƃa díkaa-yɔɔ-ŋai mɛni.

⁶¹Dí lɔii-kpîniŋ-ŋa tɛ̀ɛ Koa ŋɔsuui su-ƃelai pɔ́-naa é kúla ǹuu-suui gbêli-ŋai dílɔii su da Manasɛ ŋɔsuui su-ƃelai díwɔ̂i. Daa-ŋai dí zɔlɔ ƃoi gélee bu gîe ma è kɛ̀ a taa-lêe puu.

⁶²Dí taa-lêe puu-káo saaƃa tɛ̀ɛ Gɛsɔŋ ŋɔsuui su-ƃelai pɔ́. Daa-ŋai ŋí díkɛ Isaka, Asɛ, Nɛfɛtɛli da Manasɛ ŋɔsuui gbuai kpéli ŋɔlɔii ma kɛ̀ Basãŋ.

⁶³Dí taa-lêe puu-káo feerɛ tɛ̀ɛ Melali ŋɔsuui su-ƃelai pɔ́. Daa-lee-ŋai ŋí díkɛ Lubiŋ, Gâa da Zɛbulɔŋ dínuu-suu-ŋai sáma.

⁶⁴Eezuɛ-ŋai dí taa-lêe-ŋa da naa tii kɛ́ lɔɔ-ŋai tɛɛ Liiva ŋɔsuui su-ƃelai pɔ́.

⁶⁵Dí ŋɔ́nɔ lɔii-kpiniŋ-ŋa tɛ̀ɛ dípɔ é kúla Zuda, Simiɔŋ da Bɛŋsima dísuui su-ƃelai dílɔii-kpîniŋ su a tɛɛ-ŋa. Daa-lêe-ŋai ŋí ká tí dílaa pɔ̃yɛɛi.

⁶⁶Dí taa-lêe da ni tɛɛ Koa ŋɔsuui su-ƃelai pɔ́ kɛ̀ Ifiraŋ ŋɔsuui sui.

⁶⁷Dí ŋ̀uŋ-ma ƃo taa-lee-ŋai ŋí tɛ̀ɛ dípɔ ǹyée lɔii su Ifiraŋ lɔii-kpiniŋ ma da naa tii-kɛ lɔɔ-ŋai. Daa-ŋai kpîŋ ƃé kɛ a: Sɛkɛŋ nyíi kɛ̀ ŋɔsuui su da Gesɛi,

⁶⁸Zomeaŋ, Bɛorɔŋ,

⁶⁹Aizalɔŋ da Ga Limɔŋ.

⁷⁰Dí Anɛ da Bileaŋ kɛ̀ Manasɛ ŋɔsuui gbua dɔnɔ sui tɛ̂ɛ máŋ dípɔ da naa tii kɛ́ lɔɔ-ŋai.

⁷¹Gɛsɔŋ ŋɔsuui su-ƃelai dí ŋuŋ-ma ƃo taa-lêe-ŋai ŋí da naa tii kɛ́ lɔɔ sɔlɔ ƃô é kula Manasɛ ŋɔsuui gbua tɔnɔ yêei. Daa-ŋai kpîŋ ƃé kɛ̀ a Golɛŋ nyíi kɛ Basãŋ kpiniŋ sui da Asitarɔ.

⁷²Dí Kedɛ da Dabɛra tɛ̀ɛ dípɔ Isaka ŋɔsuui su-ƃelai dílɔii su,

⁷³Lemɔ da Anɛŋ,

⁷⁴Asɛ ŋɔsuui su-ƃelai dílɔii su, dí Masaa da Abidɔŋ tɛɛ dípɔ é pɛlɛ naa tii kɛ́ lɔɔi ma.

⁷⁵Dí Ukɔ da Leo tɛ̀ɛ dípɔ é pɛ́lɛ naa tii kɛ lɔɔi ma.

⁷⁶Nɛfɛtɛli ŋɔsuui su-ƃelai dílɔii ma: Dí Kedɛ nyíi kɛ̀ Galalii tɛ̀ɛ dípɔ, Emɔŋ é pɛlɛ Kiriatɛŋ ma da naa tii kɛ́ lɔɔ-ŋai.

⁷⁷Dí daa-lee-ŋai ŋí tɛ̀ɛ Melali ŋɔsuui su-ƃelai gbeli-ŋai pɔ́. Dí ǹɔii-kpîniŋ ŋí kùla Zɛbulɔŋ ŋɔsuui su-ƃelai dílɔii ma. Daa-lêe-ŋai ŋí ƃa: Limono da Tabɔ da naa tii kɛ́ lɔɔ-ŋai.

⁷⁸Dí Lubiŋ ŋɔsuui su-ƃelai dílɔii kɛ̀ Zɔdiŋ Ya-leei pôlu Zɛleko voloi kulâi-pere tɛ̀ɛ dípɔ, Bezɛ nyíi kɛ̀ vɛ̃ɛ-kpâlaŋ su taai, Zaza da naa tii kɛ́ lɔɔ-ŋai.

⁷⁹Dí Kedemɔŋ da Mafaa tɛ̀ɛ dípɔ da naa tii kɛ́ lɔɔi.

⁸⁰Dí gwaa-ŋai ŋí ma tɛ̀ɛ Gâa ŋɔsuui su-ƃelai dílɔii-kpîniŋ ma. Dia ƃa: Lemɔŋ nyíi kɛ Giliai da Maanaŋ tɛɛ é pɛlɛ naa tìi kɛ́ lɔɔi.

⁸¹Dí Ɛsibɔŋ da Zaza tɛ̀ɛ dípɔ da nàa tii kɛ́ lɔɔi.