Read Kpelle Kɔlɔnikɔ Maa-ŋuŋ 7 Bible Online

Kɔlɔnikɔ Maa-ŋuŋ 7 - Kpelle bible

Kɔlɔnikɔ Maa-ŋuŋ 7

¹Isaka ǹônii-sinaai díkɛ̀ ńaaŋ. Dílaa ƃé kɛ̀ a: Tola, Pua, Zasu da Siŋrɔŋ.

²Tola ǹônii-sinaai láa ƃé kɛ̀ a: Uzi, Lefaiya, Zeriɛ, Zamai, Iƃisaŋ da Simuɛɛ. Dia ƃé kɛ̀ a Tola ŋɔsîi su-ƃelai láa tuɛ-ƃelai. Dísuui è wɔ́lɔ kɛ̀ a kɔ kɔkuluƃa wála-walaa-ŋa. Deeƃé kɛ́ɛ a kâloŋ dí kɛ̀ a núu (22,600) wála buu feerɛ kao feerɛ, ŋuŋ lɔ́ɔlu mɛi da.

³Uzi ǹóŋ-surɔŋ láa ƃé kɛ̀ a: Iziraiya. Iziraiya ǹônii-sinaai dí kɛ̀ lɔ́ɔlu. Dílaa ƃé kɛ̀ a: Makɛ, Obadaya, Zoɛɛ da Isia. Díkelee dí kɛ̀ a kâloŋ-ŋa dínuu suui sáma.

⁴Nɛnî támaa è wɔ́lɔ kɛ̀ díyeei da dia ni dí nîa-pɛlɛɛ támaa maa sɔlɔ ƃó. Dísuui su-ƃelai kélee dí kɛ̀ a núu (36,000) wála buu saaƃa káo lɔ́ɔlu mɛi da. Dí kɛ̀ a kɔ-kuluƃa kpulu tɔnɔ gɔ́ kɔ́-ƃelai sáma.

⁵Isaka ŋɔnúu-suui su-ƃelai kélee bu gîe ma è kɛ̀ a kɔkuluƃa (87,000) wála buu lɔ́ɔlu mɛi saaƃa káo lɔ́ɔlu mɛi feerɛ.

⁶Bɛŋsima ǹônii-sinaai díkɛ̀ saaƃa: Bela, Bɛsɛ da Zidiaɛ.

⁷Bela ǹônii-sinaai láa ƃé kɛ̀ a: Izibɔŋ, Uzi, Uziɛ, Zerimɔ da Iri. Dia ƃé kɛ̀ a dínuu-suui láa-tuɛ ƃela. Dí wɔ́lɔ kɛ̀ a kɔkuluƃa wála wala-ŋa. Diai kélee kùla nuu-suui ŋí sui díkɛ̀ ƃô a kɔkuluƃa-ŋai díkelee díkɛ̀ a núu (22,034) wála-wala buu feerɛ káo feerɛ, pôlu buu saaƃa káo náaŋ.

⁸Bekɛ ǹônii-sinaai díkɛ lɔ́ɔlu mɛi náaŋ: Zemira, Zoasi, Ilieza, Ilioenai, Ori, Zeremɔ, Aƃiza, Anatɔ da Alemɛ.

⁹Gɔ-kuluƃa-ŋai kɛ̀ dínuu-suui sámai, díkelee dí kɛ̀ a kɔ-kuluƃa (20,200) wála buu feerɛ, ŋuŋ feerɛ.

¹⁰Zediaɛ ǹóŋ è kɛ̀ nɔ́ a kpakolo tɔnɔ. Ǹáa ƃé kɛ̀ a Beeaŋ. Kɛ́lɛ Beeaŋ è ǹônii-sinaai díkɛ̀ lɔ́ɔlu mɛi-feerɛ: Zeusi, Bɛŋsima, Euu, Kenaana, Zetaŋ, Taasisi da Aisaɣa.

¹¹Ǹûai ŋí ƃé kɛ̀ a dínuu-suui láa túɛ-ƃela. Kɔ-kuluƃa (17,200) wála puu káo lɔ́ɔlu mɛi feerɛ, ŋuŋ feerɛ ƃé kɛ̀ dísama.

¹²Supiŋ da Upiŋ suui su-ƃelai dí kɛ̀ a zîi ŋí su-ƃelai da-ŋa. Daa ǹóŋ-surɔŋ è kɛ̀ tɔnɔ. Ǹáa ƃe kɛ̀ a Usiŋ. Asɛ ǹyaŋ ŋɔsuui su-ƃelai ƃé kɛ̀ a Usi-ŋai Nɛfɛtɛli ŋɔsuui su-ƃelai

¹³Nɛfɛtɛli ǹônii-sinaai díkɛ̀ a kpakolo náaŋ: Zaziɛ, Guni, Zezɛ da Saluŋ. Ǹûai ŋí ƃé kɛ̀ a Biia ŋɔsuui su-ƃelai.

¹⁴Manasɛ è lónii-sinaa feerɛ maa sɔlɔ ƃô ŋɔnɛnî-loŋ ma nyíi kɛ̀ a Araŋ nɛnii. Dia ƃé kɛ̀ a Asiriɛ da Makiɛ. Makiɛ ƃé kɛ̀ a Gilia ǹâŋ.

¹⁵Makiɛ è nɛnî kɔri ǹônii-sinaai Upiŋ da Supiŋ dîɛ. Makiɛ zaaƃɔlɔ láa ƃé kɛ̀ a Maaka. Ǹûai ŋí dínuu-suui dɔnɔ láa ƃé kɛ̀ a Zelofeɣa. Lóŋ-nɛyaa tee-tee nɔ́ è dímaa sɔlɔ ƃò.

¹⁶Maka da ŋɔnɛnîi Maaka dí lônii-sinaa feerɛ maa sɔlɔ ƃô. Duɛ-tuɛi láa ƃé kɛ̀ a Peresi, ǹêɣe láa kɛ́ ƃò a Seresi. Pɛrɛsi ǹônii-sinaai díkɛ feerɛ. Dílaa ƃé kɛ̀ a Ulaŋ da Lakeŋ.

¹⁷Ulaŋ máŋ è lóŋ-surɔŋ tɔnɔ maa sɔlɔ ƃò nyíi da kâa dòli a Bedaŋ. Diai ŋí ƃé kɛ̀ a Gilia ǹônii-sinaai. Gilia ǹâŋ ƃɛ kɛ̀ a Manasɛ ǹóŋ-lóŋ Maka.

¹⁸Gilia zaaƃɔlɔ láa ƃé kɛ̀ a Amɔlɛkɛ. Amɔlɛkɛ è lónii-sinaa saaƃa maa sɔlɔ ƃò. Dílaa ƃé kɛ̀ a Iso, Aƃiezɛ da Mala.

¹⁹Semida ǹônii-sinaai díkɛ̀ náaŋ. Dílaa ƃé kɛ̀ a Aiaŋ, Sɛkɛŋ, Liki da Aniaŋ.

²⁰Ifiraŋ ŋɔsuui su-ƃelai ƃé kɛ̀ a: Sutela, Berɛ, da Tâɣa,

²¹Zaba. Zaba Sutela. Ifiraŋ ǹônii-sinaai da kpɛ́ni-ŋa díkɛ̀ naa. Dílaa ƃé kɛ̀ a Izɛ da Ilea. Ǹûai ŋí dí lì a ɣele tɔnɔ da Gâa a gɛ́ɛ dí tóo naa-ƃelai dîa dí dítaa-tulɛ-ŋai kúla díyêei. Kɛ́lɛ Gâa-ƃelai dí dípàa.

²²Nya ƃe dínâŋ Ifiraŋ è wɔ̀lɔ kpɔ́ dímɛni ma a zu kôyaa. Ŋɔnûai dí pá dí dílaa tí ma dí ŋ̀á-nɛnɛ.

²³Nyíŋi pôlu ma da ŋɔnɛnîi dí ŋɔ́nɔ lóŋ-surɔŋ maa sɔlɔ ƃô. Dí ǹáa sèe a Bɛria. Dí ǹáai ŋí sèe ma, kpɛ́ni fêi, ŋɔnûai dí mɛni sôli kàa ǹîa-ni maa mɛni ma.

²⁴Ifiraŋ ǹóŋ-nɛnî tɔnɔ è kɛ̀ naa. Ǹáa ƃé kɛ̀ a Seerai. È taa tɔnɔ tɔ̀ɔ Bɛorɔŋ ŋûa-pere é dɔnɔ tɔ̀ɔ naa kwára-pere da Uzɛŋ Siira taai.

²⁵Ifiraŋ ǹóŋ-surɔŋ dɔnɔ è kɛ̀ naa máŋ. Ǹáa ƃé kɛ̀ a Lefa. Lefa ǹônii-sinaai ƃé kɛ̀ a: Tela, Taaŋ,

²⁶Ladaŋ, Amiu, Ilisama,

²⁷Nuŋ da Zasua.

²⁸Daa-ŋai ǹûai ŋí dí naa sìɣe dí sée naai ƃé kɛ̀ a Bɛtɛ da naa kɔlɛ ma kpanaŋ-ŋai su vóloi kulâi-pere, é lí é seri Naara vóloi liî-pere da naa kɔlɛ ma kpanaŋ-ŋai é tóo Gezɛ vólo liî-pere da naa kɔlɛ ma kpanaŋ-ŋai lá. Da-ŋa díkɛ̀ a díseɛɛ Sɛkɛŋ da Aya taa-leei su da naa kɔlɛ kpanaŋ-ŋai.

²⁹Manasɛ ŋɔgɔɣɛŋ perei ƃé kɛ̀ a Bɛ-Seaŋ, Taana, Mɛgido da Dɔɔ da naa kɔlɛ ma kpanaŋ-ŋai. Eezuɛ ǹóŋ Zosɛ ŋɔsuui su-ƃelai ƃé kɛ̀ daa-ŋai ŋí su.

³⁰Asɛ ǹônii-sinaai díkɛ̀ náaŋ da nɛnî tɔnɔ: Iŋna, Isiva da Bɛria. Dísaaƃɔlɔ láa ƃé kɛ̀ a Seera.

³¹Bɛria ǹônii-sinaai díkɛ feerɛ: Ɛbɛ da Maakiɛ. Maakiɛ ƃé Bizavi ǹâŋ.

³²Ɛbɛ ǹônii-sinaai díkɛ̀ saaƃa da nɛnî tɔnɔ: Zafilɛ, Semɛ da Otaŋ. Dí saaƃɔlɔ láa ƃé kɛ̀ a Sua.

³³Zafilɛ ǹônii-sinaai díkɛ̀ saaƃa: Pasasi, Bimaa da Asiva.

³⁴Ǹêɣe Somɛ ŋɔlonii díkɛ̀ saaƃa: Loga, Uba da Araŋ.

³⁵Semɛ ǹêɣe ŋɔlonii ƃé kɛ̀ a: Zofa, Iŋna, Silɛsi da Amaa.

³⁶Zofa ŋɔsuui su-ƃelai ƃé kɛ̀ a Sua, Anɛfɛ, Suaa, Bɛri, Iŋra,

³⁷Bɛzɛ, Odi, Sama, Siisa, Itiraŋ da Bɛera.

³⁸Zetɛ ǹônii-sinaai ƃé kɛ̀ a: Zɛfunɛ, Pisipa da Ara.

³⁹Ula ǹônii-sinaai ƃé kɛ̀ a: Ara, Aniɛ da Lizia.

⁴⁰Ǹûai ŋí ƃé kɛ̀ a Asɛ ŋɔsuui su-ƃelai díkɛ ƃò ŋɔ́nɔ a dínuu-suu-ŋai láa túɛ-ƃela. Díkɛ̀ kpɔ́ a kɔ-kuluƃa tɔɔ̂i kpanaŋɔɔ-ŋa. Díkelee díkɛ̀ a núu (26,000) wála buu feerɛ káo lɔ́ɔlu mɛi da.