Read Kpelle Kɔlɔnikɔ Veerɛi 8 Bible Online

Kɔlɔnikɔ Veerɛi 8 - Kpelle bible

Kɔlɔnikɔ Veerɛi 8

¹Saloma è kóraŋ buu-feerɛ sìɣe a gɛ́ɛ é Ŋ̀âla-pɛrɛ Kɛ́tɛi da ŋɔkâloŋ-pɛrɛi tɔɔ.

²Saloma è máŋkpanaŋ-ŋa tɔ̀ɔ nyíi Eraŋ è dɛ̀ɛ bɔ́i. È dítɛ̀ɛ Eezuɛ-ŋai pɔ́ a gɛ́ɛ díkɛ naa.

³Nya ƃe Saloma è lì é Ama Zoba kula yêei kɛ́.

⁴È ŋɔ́nɔ Tamɔ taai tɔ̂ɔ vɛ̃ɛ-kpâlaŋ su é pɛ́lɛ zãa-laai kɛ́ taa-lêe-ŋai dîa nyii-ŋai kɛ̀ Amai.

⁵È ŋɔ́nɔ Bɛorɔŋ nyíi kɛ̀ mɛi-perei da nyíi kɛ̀ mù-perei tɔ̂ɔ é dí maa tínaŋ a siɣãŋ é ǹá-ƃerei kɛ́ ma a kɔli kpanaŋɔɔ.

⁶È Baala tɔ̀ɔ da gɔlɛ ma sãa-laai kɛ taa-lêe-ŋai da ŋɔkɔ kɔ́ keleŋ-ŋai dítaa-lêei é pɛ́lɛ ŋɔsoo-ŋai dîa. Zɛŋ nyíi kélee è gbɛ̀tɛ gíli-ŋai a gɛ́ɛ é dɔɔ Zerusâlɛŋ, kpaa máŋ Lɛƃanɔŋ, é pɛ́lɛ ǹɔii-kpiniŋ kélee ma è kɛ̀ mɛi, è dɔ̀ɔ.

⁷Naa kɛ́ɛ tíi, è Ita-ŋai, Amɔŋ-ŋai, Pɛiza-ŋai, Iva-ŋai da Zɛbuza-ŋai nyii-ŋai dífe kɛ́ ní a Eezuɛ-ŋai,

⁸kɛ́lɛ díkɛ̀ a Kena-ŋai nyii-ŋai Eezuɛ-ŋai dífe dípaa nii dílônii, nya ƃe Saloma è dísìɣe a ŋɔluɛ-ŋa. Ǹûai ŋí dílɛ̀ɛ a luɛ-ŋa é lɛ́ɛ la zu dí gɔlɔi ŋí pɔ̃yɛ.

⁹Kɛ́lɛ Saloma fé Eezuɛ-ŋai kɛ́ ní a luɛ. È da nî kɛ̀ a ŋɔkɔ-kuluƃa-ŋa. É da nî kɛ́ a ŋɔkuluƃa-ŋai láa túɛ-ƃela. Da ni díkɛ ƃò ŋɔkɔ́kɔ keleŋ-ŋai mɛi da géleŋ-ŋai sia-ƃelai.

¹⁰Díta-ni díkɛ̀ a Saloma ŋɔtíi kɛ́-ƃela kpaya-kpaya-ŋa. Ǹúu kpaya-kpayai ŋí díkɛ̀ a núu ŋuŋ feerɛ pôlu buu lɔ́ɔlu díkɛ ǹûai mɛi kâa.

¹¹Nya ƃe Saloma è Felo ǹóŋ-nɛnii nyíi kɛ̀ a ŋɔnɛnîi kûla Deeƃé ŋɔtaa-lêei su é pá la bɛ́rɛi mu nyíi è dɔ̀ɔ mɛni mai. È mò ǹyɛɛi, “Ŋánɛnîi fa pɔ̂ri kɛ̂i Eezuɛ kaloŋ Deeƃé ŋɔpɛ́rɛi mu. Kpɛ́ni fêi, ƃɛ́i kélee Yâwɛɛ ŋɔkpanaŋ-woo kɛ́ɛ maa Gãlai a lɔ̂ naai, ǹaa maa wâai.”

¹²Naa kɛ́ɛ tíi, Saloma è nâa kéreŋ sala kùla Yâwɛɛ ma ŋ̀âla-teƃelei ŋá nyíi è dɔ̀ɔ Yâwɛɛ mɛni ma Ŋ̀âla-pɛrɛ Kɛ́tɛi ŋɛ́i-tuɛi.

¹³È zâlai ŋí kùla yɛ̂ɛ berei Mose è wɔ́lɔ nɛ̀ la e pîlaŋ Vii-tɔɔ-ɣelei, ŋáloŋ ninai da gúu saaƃai da kâa gɛ̀ kóraŋ kélee sui. Gúu-ŋai kpîŋ ƃé kɛ̀ a: Dɛ́-sɛŋ féu kpoloi, Ǹɔ́ɔku-tɔnɔ kuui, da Mûui-su tãi maa kuui.

¹⁴Naa pôlu ma, Saloma è mɛ̀ni-ŋai ŋaa-see kɛ̀ yɛ̂ɛ berei ǹâŋ Deeƃé è wɔ́lɔ mò la mai. È zâla láa-soŋ-ƃelai ŋáa kɔ̀lɛ a gbulu yɛ̂ɛ berei dítii kɛ́ɛ è kɛ̀ lai. Liiva-ŋai díkɛ̀ naa díkɛ laa-maa-tɛ tɛ̀ɛ, díkɛ ŋɔ́nɔ kpɔŋ mâaa tɛ̀ɛ zâla láa-soŋ-ƃelai pɔ́ ŋ̀ele-kelee tii mɛni ma. È ŋɔ́nɔ ziɣãŋ lá-ƃerei mɛi káa-ƃela tɔ̀ɔ a díkpulu ziɣãŋ lá-ƃerei-ŋai mɛni ma. È díi-ŋai ŋáa kɔ̀lɛ a berei sîi ŋí yɛ̂ɛ berei Ɣâla ŋɔnúui Deeƃé è mò lai.

¹⁵Dífe dɔ̂ŋ-ŋai gâloŋ è dɛ̀ɛ zâla láa-soŋ-ƃelai mɛni mai dɔnɔ kpîŋ maa fáleŋ ni kpaa máŋ Liiva-ŋai, é máŋ kɛ́ yɛ̂ɛ zɛŋ-káo mɛi káa mɛ̂ni.

¹⁶Saloma è Yâwɛɛ ŋɔpɛ́rɛi tɔɔ́ tîi kélee kpɛɛ yɛ̂ɛ berei è gbɛtɛ lai. È bɛ́rɛi ŋí tɔ̂ɔ siɣe gɔ̀ɔ pîlanii é tòo gbɛɛ-ŋai ma.

¹⁷Nya ƃe Saloma è sìɣe naa é lí Izioŋ Geƃa da Ila nyíi kɛ̀ Idɔŋ ya-ƃelai mai pere.

¹⁸Gɛɛ tíi, Iraŋ è yá ŋákeleŋ-ŋa tɛ̀ɛ mì da zia-ƃela. È ŋɔ́nɔ nûa tɛ̂ɛ nyii-ŋai kɛ̀ a yá mɛni kɔ́lɔŋɔɔi. Da Saloma ŋɔnûai dílì Ofiɛ dípa pôlu a gôo pãŋ wála buu saaƃa káo náaŋ (34,000) dí dɛɛ Gâloŋ Saloma pɔ́.