Read Kpelle Niɛmaya 7 Bible Online

Niɛmaya 7 - Kpelle bible

Niɛmaya 7

¹Kú ziɣãŋ tɔ̂ɔ Zerusâlɛŋ taa-leei ma pôlu kú gbôŋ-ŋai tóo ziɣãŋ-ŋai gbôŋ lá-ƃelei. È kɛ̀ tí, ŋá Ŋ̀âla-pɛrɛ Kɛ́tɛi mɛi káa-ƃelai, Ŋ̀âla-pɛrɛ Kɛ́tɛi mu wule-too-ƃelai da Liiva-ŋai pù dí tíi-ŋai mɛi.

²Ŋá ńêɣe-surɔŋ Anani kɛ̀ a Zerusâlɛŋ taa-leei láa túɛ-nuu. Ŋá Anania kɛ̀ a gɔlɛ mâ ǹuu. Nya ƃe kɛ̀ a ziɣãŋ nyii kɛ̀ a dínaŋɔɔ Zerusâlɛŋ mai lá-ƃelei mɛi káa-ƃelai mɛi nûu. Ŋá gɛ̀ tí, kpɛ́ni fêi, Anania è kɛ̀ a teniŋ ƃô nuu, yao maa da ƃaa kɛ́ maa kɛ́ ƃò ǹyêei Ɣâla mɛni ma é tɛ́ɛ ǹúui dámaa dîa.

³Ŋá dí lia wôo ƃò a gbanaŋɔɔ a gɛɛ dífe Zerusâlɛŋ taa-leei ŋɔsiɣãŋ-ŋai da lá ƃò é lɛ́ɛ la zu vólo nɛ̂nɛŋ é kpanáŋ. Ŋá mò dîa a gɛɛ dí gɛ́ a dí ma kpa díkɛ ziɣãŋ-ŋai lá tɛ́, díkɛ wúru-ŋa tɔ̀ɔ dípôlu vólo kâoi é lɛ́ɛ pâi yenîi, nàa mɛi káa ƃelai dí lɛ́ɛ pâi kulâi naa. Kwaa ŋa mɛni kpanaŋɔɔ-ŋa da koli ŋa díkɛ̀ Zerusâlɛŋ taa-leei su. Ŋá mò dîa a gɛɛ dí kpakolo-ŋa siɣe dí dípu kwaa-ŋai ŋí ma ǹaa mɛi káa mɛni ma. Da-ŋa díkɛ ziɣãŋ m̀ɛ́i mɛi kâa nyii ǹaa káa dípɛ́rɛ-ŋai téniŋ mai.

⁴Zerusâlɛŋ è kɛ̀ a taa-lêe kɛ́tɛ, kɛ́lɛ núu támaa fé kɛ́ ní naa. Bɛrɛ-ŋai kɛ̀ naai, dífe kɛ́ ní a dítamaa.

⁵Ɣâla è ńii mù sìɣe a gɛɛ ŋá ǹûai, dílaa túɛ-ƃelai, da diai kɛ̀ naa a gâloŋ ŋɛ́i gàoi, kélee tóli kwaa tɔnɔ ma, a gɛɛ ŋá dílaa síɣe dísuu mâ a tɛ̀ɛ-ŋa. Ŋá Zûu nuu suu-ŋai dímɛni pɔ̂lɔ kɔlɔi kâa. Diai kùla gɔ-soŋ-laai su dí pá a maa ŋuŋ, ŋá dílaa kàa gɔlɔi ŋí su dísuu mâ yɛ̂ɛ berei díkɛ̀ pâi lai. Berei ŋí ƃé dílaa è kɛ̀ a bɔ̃yɛɛ la gɔlɔi ŋí su:

⁶Ǹûai kɛ̀ gɔ-soŋ-laai su Babelɔŋ lɔii kpiniŋ sui, dí támaa ɣele dí lène pôlu Zerusâlɛŋ da Zuda. Dí lì dítaa-ŋai su a tɛ̀ɛ-ŋa. Babelɔŋ kaloŋ Nɛbukinaza è wɔ́lɔ Zerusâlɛŋ taa-leei yée mɛi ɣâle é lí a dínûai Babelɔŋ kɔ soŋ laa su.

⁷Dí páa pôlui, dílaa túɛ-ƃelai ƃé kɛ̀ a: Zɛrubabɛɛ, Zasua, Niɛmaya, Azaria, Laamia, Naɣamani, Mɔdikai, Basãŋ, Mepirɛ, Bivai, Neuŋ da Baana. Eezuɛ ǹuu suui su kpakolo-ŋai kùla gɔ-soŋ-laai su dí lène pôlui, dílaa ká ŋí da díkɔnii:

⁸Parosi ŋɔsuui su sinaai díkɛ̀ a wála feerɛ pôlu ŋuŋ tɔnɔ pôlu buu lɔ́ɔlu mɛi feerɛ kao feerɛ (2,172).

⁹Sifatiya ŋɔsuui su sinaai díkɛ̀ a ŋuŋ saaƃa pôlu buu lɔ́ɔlu mɛi feerɛ kao feerɛ (372).

¹⁰Ara ŋɔsuui su sinaai díkɛ̀ a ŋuŋ lɔ́ɔlu mɛi da pôlu buu lɔ́ɔlu kao feerɛ (652).

¹¹Paa-moa ŋɔsuui su sinaai díkɛ̀ a wála feerɛ pôlu buu lɔ́ɔlu mɛi saaƃa pôlu puu kao lɔ́ɔlu mɛi saaƃa (2,818). Paa-moa ŋí ŋɔsuui è Zasua da Zoa dísuui su.

¹²Elaŋ ŋɔsuui su sinaai díkɛ̀ a wála tɔnɔ pôlu ŋuŋ feerɛ pôlu buu lɔ́ɔlu kao náaŋ (1,254).

¹³Zatu ŋɔsuui su sinaai díkɛ̀ a ŋuŋ lɔ́ɔlu mɛi saaƃa pôlu buu náaŋ buukao lɔ́ɔlu (845).

¹⁴Zakai ŋɔsuui su sinaai díkɛ̀ a ŋuŋ lɔ́ɔlu mɛi feerɛ pôlu buu lɔ́ɔlu mɛi da (760).

¹⁵Binuui ŋɔsuui su sinaai díkɛ̀ a ŋuŋ lɔ́ɔlu mɛi da pôlu buu náaŋ kao lɔ́ɔlu mɛi saaƃa (648).

¹⁶Bibai ŋɔsuui su sinaai díkɛ̀ a ŋuŋ lɔ́ɔlu mɛi da pôlu buu feerɛ kao lɔ́ɔlu mɛi saaƃa (628).

¹⁷Aga ŋɔsuui su sinaai díkɛ̀ a wála feerɛ pôlu ŋuŋ saaƃa pôlu buu feerɛ kao feerɛ (2,322).

¹⁸Adonikaŋ ŋɔsuui su sinaai díkɛ̀ a ŋuŋ lɔ́ɔlu mɛi da pôlu buu lɔ́ɔlu mɛi da kao lɔ́ɔlu mɛi feerɛ (667).

¹⁹Bivai ŋɔsuui su sinaai díkɛ̀ a wála feerɛ pôlu buu lɔ́ɔlu mɛi da kao lɔ́ɔlu mɛi feerɛ (2,067).

²⁰Adiŋ ŋɔsuui su sinaai díkɛ̀ a ŋuŋ lɔ́ɔlu mɛi da pôlu buu lɔ́ɔlu kao lɔ́ɔlu (655).

²¹Atɛ nyii da dòli máŋ a Ɛsekayai, ŋɔsuui su sinaai díkɛ̀ a buu lɔ́ɔlu mɛi náaŋ kao lɔ́ɔlu mɛi saaƃa.

²²Asuŋ ŋɔsuui su sinaai díkɛ̀ a ŋuŋ saaƃa pôlu buu feerɛ kao lɔ́ɔlu mɛi saaƃa (328).

²³Bisai ŋɔsuui su sinaai díkɛ̀ a ŋuŋ saaƃa pôlu buu feerɛ kao náaŋ (324).

²⁴Arii ŋɔsuui su sinaai díkɛ̀ a ŋuŋ tɔnɔ pôlu puu kao feerɛ (112).

²⁵Gibiɔŋ ŋɔsuui su sinaai díkɛ̀ a buu buu-lɔ́ɔlu mɛi náaŋ kao lɔ́ɔlu.

²⁶Diai díkaa-ƃelai séɛɛ è wɔ́lɔ kɛ̀ daa-ŋai ŋí su gɔ́i é lɛ́ɛ pâi toôi, dia máŋ dí lène pôlu a tɛ̀ɛ ŋa. Daa-ŋai kpîŋ láa ká ŋí da zinâai lène pôlui: Bɛpeleɣɛ̃ɛ da Nitofa taai su sinaai díkɛ̀ a núu ŋuŋ tɔnɔ pôlu buu lɔ́ɔlu mɛi saaƃa kao lɔ́ɔlu mɛi saaƃa (188).

²⁷Anatɔ taai su sinaai díkɛ̀ a núu ŋuŋ tɔnɔ pôlu buu feerɛ kao lɔ́ɔlu mɛi saaƃa (128).

²⁸Bɛ-amavɛ taai su sinaai díkɛ̀ a núu buu náaŋ kao feerɛ.

²⁹Kiria-Zeriŋ, Sifira da Biɛrɔ taa-ŋai su sinaai díkɛ̀ a núu ŋuŋ lɔ́ɔlu mɛi feerɛ pôlu buu náaŋ kao saaƃa (743).

³⁰Lama da Giba taa-ŋai su sinaai díkɛ̀ a núu ŋuŋ lɔ́ɔlu mɛi da pôlu buu feerɛ kao tɔnɔ (621).

³¹Misima taai su sinaai díkɛ̀ a núu ŋuŋ tɔnɔ pôlu buu feerɛ kao feerɛ (122).

³²Bɛtɛ da Eea taa-ŋai su sinaai díkɛ̀ a núu ŋuŋ tɔnɔ pôlu buu feerɛ kao saaƃa (123).

³³Nebo taai su sinaai díkɛ̀ a núu buu lɔ́ɔlu kao feerɛ.

³⁴Elaŋ taai su sinaai díkɛ̀ a núu wála tɔnɔ pôlu ŋuŋ feerɛ pôlu buu lɔ́ɔlu kao náaŋ (1,254).

³⁵Ariŋ taai su sinaai díkɛ̀ a núu ŋuŋ saaƃa pôlu buu feerɛ (320).

³⁶Zɛleko taai su sinaai díkɛ̀ a núu ŋuŋ saaƃa pôlu buu náaŋ kao lɔ́ɔlu (345).

³⁷Lɔɔ, Ɣade da Ono taa-ŋai su sinaai díkɛ̀ a núu ŋuŋ lɔ́ɔlu mɛi feerɛ pôlu buu feerɛ kao tɔnɔ (721).

³⁸Senaa taai su sinaai díkɛ̀ a núu wála saaƃa pôlu ŋuŋ lɔ́ɔlu mɛi náaŋ pôlu buu saaƃa (3,930).

³⁹Zâla láa soŋ-ƃelai dísuui su ƃelai kùla gɔ-soŋ-laai su dí lene pôlui, dílaa ká ŋí da dílônii-sinaai díkɔnii: Zidaya nyii kula Zasua ŋɔsuui sui díkɛ̀ a núu ŋuŋ lɔ́ɔlu mɛi náaŋ pôlu buu lɔ́ɔlu mɛi feerɛ kao saaƃa (973).

⁴⁰Iŋmɛ ŋɔsuui su-sinaai díkɛ̀ a núu wála tɔnɔ pôlu buu lɔ́ɔlu kao feerɛ (1,052).

⁴¹Pasɔ ŋɔsuui su-sinaai díkɛ̀ a núu wála tɔnɔ pôlu ŋuŋ feerɛ pôlu buu náaŋ kao lɔ́ɔlu mɛi feerɛ (1,247).

⁴²Ariŋ ŋɔsuui su-sinaai díkɛ̀ a núu wála tɔnɔ pôlu puu kao lɔ́ɔlu mɛi feerɛ (1,017).

⁴³Liiva-ŋai dísuui su ƃelai kùla gɔ-soŋ-lai su dí lène pôlu dílaa ká ŋí da dílônii-sinaai díkɔnii: Zasua da Kamiɛɛ díkula Odavia ŋɔsuui su. Dísuui su-sinaa díkɛ̀ a núu buu lɔ́ɔlu mɛi feerɛ kao náaŋ.

⁴⁴Ŋ̀âla-pɛrɛ Kɛ́tɛi ŋɔwule too-ƃelai dí kùla Asafa ŋɔsuui su. Dísuui su-sinaai díkɛ̀ a núu ŋuŋ tɔnɔ pôlu buu náaŋ kao lɔ́ɔlu mɛi saaƃa (148).

⁴⁵Ŋ̀âla-pɛrɛ Kɛ́tɛi mɛi káa-ƃelai dí kùla Saluŋ, Atɛ, Taamɔŋ, Aku, Atita, da Sobai ni dísuui su. Dísuui su-sinaai díkɛ̀ a núu ŋuŋ tɔnɔ pôlu buu saaƃa kao lɔ́ɔlu mɛi saaƃa (138).

⁴⁶Ŋ̀âla-pɛrɛ Kɛ́tɛi mu tii kɛ́-ƃelai kùla gɔ-soŋ-lai su dí lène pôlui, dínâŋ-ni láa ƃa Ziɣa, Asufa, Tabao, Kɛrɔ, Siya, Padɔŋ, Lebana, Akɔ, Aku, Aga, Saŋlai, Ana, Gidɛɛ, Gaɣa, Leaya, Leziŋ, Nikoda, Gazaŋ, Uza, Pasia, Besai, Asina, Meuniŋ, Nɛfisiŋ, Baƃu, Akufa, Aaɔ, Bazulu, Meida, Asafa, Bako, Sisera, Tema, Bali, Meɣida, Aasa, Bakɔ, Sesira, Tema, Nizia da Atifa.

⁴⁷

⁴⁸

⁴⁹

⁵⁰

⁵¹

⁵²

⁵³

⁵⁴

⁵⁵

⁵⁶

⁵⁷Saloma ŋɔtíi kɛ́-ƃelai dílônii nyii-ŋai kùla gɔ-soŋ-laai su dí lène pôlui, dínâŋ-ni láa ƃa Sotai, Soferɛ, Pɛrida,

⁵⁸Zaala, Dakɔŋ, Gidɛ,

⁵⁹Sifatiya, Ati, Posirɛ Azɛbaiŋ, da Amɔŋ.

⁶⁰Diai kɛ́ tíi kɛ̂i Ŋ̀âla-pɛrɛ Kɛ́tɛi mui da Saloma ŋɔtíi kɛ́-ƃelai dísuui su ƃelai da-ŋa dí kùla gɔ-soŋ-laai su dí lène pôlu. Díkɛ̀ a núu ŋuŋ saaƃa pôlu buu lɔ́ɔlu mɛi náaŋ kao feerɛ (392).

⁶¹Kɛ́lɛ diai lène pôlui, dí ta-ŋa dífa kâa pɔ̀ri ǹɛ̂i núu da ma a gɛɛ dínuu pɔlɔ-ŋai díkɛ̀ a Eezuɛ lonii. Ǹûai ŋí díkɛ̀ a Dilaiya, Tobaya da Nikoda ni dísuui su-ƃela. Dí kɛ́ɛ Babelɔŋ lɔii sui, dí séɛɛ è kɛ̀ daa-ŋai ŋí su: Tɛɛ Mela, Tɛɛ Asafa, Seru, Adɔŋ da Imɛ. Dí kɛ̀ a núu ŋuŋ lɔ́ɔlu mɛi da pôlu buu náaŋ kao feerɛ (642).

⁶²

⁶³Zâla láa soŋ-ƃelai ŋí tãi dílônii dí lène la pôlu Zerusâlɛŋ, dífe pɔ̂ri ní ǹɛ̂i a gɛɛ dínuu pɔ̂lɔ-ŋai díkɛ̀ a Eezuɛ ŋɔsâla láa soŋ-ƃela kpɛ́ni fêi dínuu suui láa fé kɛ́ ní Eezuɛ ŋɔmɛni pɔ̂lɔ kɔlɔi su. Dia ƃà Obaiya, Koo, da Bazilai. Bazilai è wɔ́lɔ Gilia nuui Bazilai ǹônii-nɛyãai dɔ̀nɔ kùla a ŋɔnɛnîi. Nya ƃe è ŋɔnɛnîi ǹâŋ ŋɔnúu suui láa sèe ǹya kpîŋ m̀a. Tãi nɔ́ zâla láa soŋ-ƃela saaƃai ŋí dísuui láa fé kɛ́ ní la Eezuɛ-ŋai dímɛni pɔ̂lɔ kɔlɔi su a sâla láa soŋ-ƃelai, Eezuɛ-ŋai dífe fáa ní ma a gɛɛ díkɛ a zâla láa soŋ ƃelai da. Dí m̀o a gɛɛ díkaa a nani-ƃela, dímaa fé waa ní.

⁶⁴

⁶⁵Zuda-ŋai dílɔii kpîniŋ mɛi nuui è mò ǹûai ŋí dîa a gɛɛ dífe m̀ii sɛŋ maa waai da mìi. Dí lɛ́ɛ pâi da miî, fɛ̂ɛ zâla láa soŋ-ƃelai da nyii a Uiŋ da Tuŋmiŋ tòoi é ǹɛ́ a gɛɛ da pɔ̂ri da miî.

⁶⁶Diai kélee kùla gɔ-soŋ-laai su dí lène pôlu dípɔ taai díkɛ a núu wála buu náaŋ kao feerɛ pôlu ŋuŋ saaƃa pôlu buu lɔ́ɔlu mɛi da (42,360).

⁶⁷Dítii kɛ́ ƃelai, zinâai da ǹɛyâai dîkɛ̀ a núu wála lɔ́ɔlu mɛi feerɛ pôlu ŋuŋ saaƃa pôlu buu saaƃa kao lɔ́ɔlu mɛi feerɛ (7,337). Dí wule too-ƃelai díkɛ̀ a sinâa da nɛyâa ŋuŋ feerɛ pôlu buu náaŋ kao lɔ́ɔlu (245).

⁶⁸Dí soo-ŋai díkɛ̀ a ŋuŋ lɔ́ɔlu mɛi feerɛ pôlu buu saaƃa kao lɔ́ɔlu mɛi da (736). Dísoo ƃóloŋ-maa-ŋai díkɛ̀ a ŋuŋ feerɛ pôlu buu náaŋ kao lɔ́ɔlu (245).

⁶⁹Dí soo fáleŋ-ŋai díkɛ̀ a ŋuŋ náaŋ pôlu buu saaƃa kao lɔ́ɔlu (435). Dí wɛlɛ sôo-ŋai díkɛ̀ a wála lɔ́ɔlu mɛi da pôlu buu lɔ́ɔlu mɛi feerɛ pôlu buu feerɛ (6,720).

⁷⁰Ǹûai dámaa ɣele dí sama sãa tɛ̀ɛ a kpɔŋ maa a gɛɛ dí Ŋ̀âla-pɛrɛ Kɛ́tɛi mu kpɛtɛ la. Zuda lɔii mɛi nuu kɛ́tɛi ǹyaa kpîŋ è gôo pãŋ ŋuŋ feerɛ pôlu buu lɔ́ɔlu mɛi feerɛ (270) da gborâ tɛ̀ɛ a kpɔŋ maa. È sâla kula kâwulu buu lɔ́ɔlu tɛ́ɛ Ŋ̀âla-pɛrɛ Kɛ́tɛi mu tii kɛ́ mɛni ma da yokpo ŋuŋ lɔ́ɔlu pôlu buu saaƃa (530) zâla láa soŋ-ƃelai mɛni ma.

⁷¹Eezuɛ nuu suui su-ƃelai láa túɛ-ƃelai dí sãâ tɛ̀ɛ Ŋ̀âla-pɛrɛ Kɛ́tɛi mu tii kɛ́ mɛni ma. Zãâi ŋí ƃé kɛ̀ a gôo pãŋ buu saaƃa pôlu buu lɔ́ɔlu mɛi feerɛ kao lɔ́ɔlu (375) da káne pãŋ wála feerɛ pôlu buu lɔ́ɔlu mɛi da pôlu buu lɔ́ɔlu mɛi feerɛ (2,670).

⁷²Ǹûai kpéli-ŋai kélee dí gôo pãŋ ŋuŋ saaƃa pôlu buu lɔ́ɔlu mɛi feerɛ kao lɔ́ɔlu (375) tɛ̀ɛ da káne pãŋ wála feerɛ pôlu buu lɔ́ɔlu (2,500) tɛ̀ɛ. Dí ŋɔ́nɔ yokpo buu lɔ́ɔlu mɛi da kao lɔ́ɔlu mɛi feerɛ tɛ̀ɛ zâla láa soŋ-ƃelai mɛni ma.

⁷³Ǹûai ŋí dí see Zuda lɔii kpiniŋ su taa-ŋai su a tɛ̀ɛ-ŋa. Zâla láa soŋ-ƃelai, Livai-ŋai, Ŋ̀âla-pɛrɛ Kɛ́tɛi mɛi káa-ƃelai, Ŋ̀âla-pɛrɛ Kɛ́tɛi mu wule too-ƃelai, Ŋ̀âla-pɛrɛ Kɛ́tɛi mu tii kɛ́ kpakolo-ŋai, da Eezuɛ-ƃelai da-ŋa.