Read Kpelle Ɛtɛ 4 Bible Online

Ɛtɛ 4 - Kpelle bible

Ɛtɛ 4

¹Tãi Mɔdikai è m̀ɛni-ŋai kɛ̂i maa tûŋ mɛ̀ni lai, ǹíi è too pôlu. È ŋɔseɣei fâla-fala ma é luu sía ma é maloŋ tôo-maa sêɣe too mà é lí daa lêei sámai gɛ́ wɔ̀lɔ a ŋ̀ánaa.

²Kɛ́lɛ è lì nɔ́ é kóyaŋ gâloŋ-pɛrɛi lá, kpɛ́ni fêi, dífa kâa fàa ma ǹúui maloŋ tôo-maa seɣe káa mai é lɔ́ ziɣãŋ su.

³Ƃɛ́i kélee Zuda-ŋai paa mɛni duŋ è sèri naai, Zuda-ŋai kélee kɛ̀ naai dí sèe malôŋ-pere su. Díkɛ̀ sûŋ siɣêi díkɛ wɔ̀lɔ. Dámaa ɣele dí kɛ̀ nɔ́ luu siâi dîa dí kɛ́ maloŋ tôo-maa seɣe tòo dîa.

⁴Ɛtɛ yée mu-nɛyãai da m̀ɛi káa sinaai dí lì dí m̀ɛnii ŋí ƃó ma. Ǹíi è tòo pôlu a ŋ̀ánaa. È seɣe sîɣe é dɛ̀ɛ Mɔdikai mì a gɛɛ é m̀aloŋ tôo maa seɣei kúla ma. Kɛ́lɛ Mɔdikai fé zoŋ ní.

⁵Nya ƃe Ɛtɛ è Ata tòli nyii kɛ̀ a gâloŋ ŋɔnɛyâai mɛi káa ǹúui dɔnɔi. Ǹalôŋ ŋí ƃé kɛ̀ Ɛtɛ mɛi kâai. È dɛ̀ɛ Mɔdikai pɔ́ naa a gɛɛ é gáa lé ƃé kɛ̂i lai.

⁶Nya ƃe Ata è lì gâloŋ-pɛrɛi lá Mɔdikai pɔ́ naa.

⁷Mɔdikai è m̀ɛnii kélee su kùla ma. È zɛŋ kâoi láa lɛ̀ ma Emaŋ è góno tèe a gɛɛ a pâi bûi ǹɔii ŋɔsɛŋ kâo lâai kɛ́ kwaai ma a gɛɛ dí Zuda-ŋai paai.

⁸Gɔlɔi gâloŋ è dɛ̀ɛ Susa taa-leei su Zuda-ŋai paa mɛ̂ni mai, Mɔdikai è dɔnɔ tɛ̀ɛ Ata pɔ́ a gɛɛ é lí la Ɛtɛ pɔ́ é ŋ̀áa lɛ́ ma. È mò ma a gɛɛ é mó Ɛtɛ ma é lí gâloŋ pɔ́ naa é dímaa kpera fe kɛ́ a gɛɛ gâloŋ é dísu mɛni lɛɛ.

⁹Ata è lì pôlu Ɛtɛ pɔ́ é m̀ɛnii su kula ma nyii Mɔdikai è mò mai.

¹⁰È mò Ata ma a gɛɛ é mò Mɔdikai ma nyɛ̀ɛi,

¹¹“Mó Mɔdikai ma a gɛɛ núu da fa lî gâloŋ ŋɛ́i-tuɛ kpɛ́ni à kɛ̀ vé maa nuui tóli ní. A wàla kɛ́ tí, fɛ̂ɛ dí maa nûui paa. Ŋɔtíi kɛ́-ƃelai kélee dí m̀ɛnii ŋí kɔ́lɔŋ da ǹɔii kpîniŋ-ŋai su-ƃelai. Ǹúui nɔ́ gâloŋ a fâa ma é pá ŋ̀ɛ́i-tuɛi ǹyaa ƃa ǹúui nyii gâloŋ a ŋɔkâloŋ wurui lɛ̀ mai. É kúla nyíŋi pôlu, ŋ́gulaa gâloŋ pɔ́ naa a tɛɛ fólo buu saaƃa ma.”

¹²Ata è lì pôlu é m̀ɛnii ŋí ƃó Mɔdikai ma.

¹³Mɔdikai è mò Ata a gɛɛ é mó Ɛtɛ ma, “Vé kɛ̀ íkili ŋá a gɛɛ ya pâi ŋuŋ ma ƃô sɔlɔ ƃôi kpɛ́ni fêi íkaa gâloŋ ŋɔpɛ́rɛi mu.

¹⁴Ya lɛ̀ɛ a ímɛi sáa ífe mɛni da kɛ́ ní é pîlaŋ m̀ɛnii ŋí ma, kpɔŋ mâa a pâi kulâi núu da kpɛ́ni yêei Zuda-ŋai mɛni ma ǹyaŋ kɛ́ a gɔ́lɔŋɔɔ a gɛɛ yá, ka ísuui su-ƃelai kélee káŋuŋ lá a pâi pilîi. Gbɛ̂ɛ ƃé gɔ́lɔŋ a kɛ̀ í pà gâloŋ-pɛrɛi mu a tãi ŋí kúŋuŋ ma ƃó mɛni ma?”

¹⁵Nya ƃe Ɛtɛ è ŋ̀óo su tòo ǹyɛɛ mai,

¹⁶“Lí í Zuda-ŋai kélee ŋáa tɛ́ díkîe ma Susa taa-leei su ka dîa-ni ká sûŋ siɣe ḿɛni ma. Ka sûŋ siɣe a fólo saaƃa. Kwa ńyee mu-ƃelai kwa pâi gɛ̂i tí máŋ. Zûŋ ŋá ɣále tãi ŋa pâi liî gâloŋ pɔ́ naa berei máŋ vé tí la dɔ̂ŋ lá-woo mai. À kɛ̀ ŋa pâi saâi m̀ɛnii ŋí su, gɛ̀ ní é kɛ́ tí.”

¹⁷Mɔdikai è lì pôlu é m̀ɛnii kélee kɛ́ yɛ̂ɛ berei Ɛtɛ è mò la mai.