Read Kpelle Ɛsedɔ 38 Bible Online

Ɛsedɔ 38 - Kpelle bible

Ɛsedɔ 38

¹È géreŋ sala kula teƃelei kpɛ̀tɛ máŋ a kpitili. M̀éla kélee è kɛ̀ a bɔriɛɛ. Ŋɔkôya è kɛ̀ a kɔ́ɔ-ƃɔlɔni lɔ́ɔlu mɛi feerɛ da gbûra, ŋɔŋa-kɛtɛ kɛ́ ƃò a kɔ́ɔ-ƃɔlɔni lɔ́ɔlu mɛi feerɛ da gbûra. Ŋɔmɛi-kôya kɛ̀ a kɔ́ɔ-ƃɔlɔni náaŋ da gbûra.

²È m̀eɣêŋ kùla ma zônoŋ naaŋɔɔ ma. M̀eɣêŋ-ŋai dí kɛ̀ nɔ́ a díkpɛtɛɛ tɔnɔ da géreŋ sala kula teƃelei. È mɛi pɛ̀lɛ a ƃara ƃela.

³È géreŋ sala kula têƃelei maa tii kɛ́-sãai kélee kpɛ̀tɛ, ǹeɣi-ŋai, sɔ̂ƃele-ŋai, zɛŋ-fôlo-ŋai, zua ƃɔ́-kɔli-ŋai da ŋɔŋ-pu pane-ŋai. È gélee kpɛ̀tɛ a ƃara.

⁴È ƃara ƃela pàla géreŋ sala kula teƃelei mɛni ma yɛ̂ɛ deɣáŋ, é bɛlɛ teƃelei wóli mu a gɛɛ é teƃelei kpono mɛi pɛ́lɛ é síɣe nàa sámai é seri gwára.

⁵È ziɣe-sãa náaŋ kpɛ̀tɛ deɣáŋ mɛi zônoŋ naaŋɔɔ su.

⁶È wúru kôya-ŋa kpɛ̀tɛ teƃelei mɛni ma a kpitili. É ƃara ƃela kpíniŋ dîa.

⁷È ŋ̀úru koya-ŋai lɔ̀ teƃelei siɣe-sãai su m̀éla veerɛ ma a gɛɛ díkɛ ziɣe la. È géreŋ sala kula teƃelei kpɛtɛ a wúru-ƃela é lóa lɛ́ɛ ŋ̀úru-ƃelai sâmai.

⁸È zɛŋ-foloi da zee-sɛŋ kpɛ̀tɛ a mara mɛ̃lɛ-mɛ̃lɛ-ŋai nyii è gula nɛyâai yêei kɛ̀ tíi kɛ̂i Yâwɛɛ ŋɔpɛ́rɛ maa waai lai.

⁹È siɣãŋ tìnaŋ Bɛ́rɛi ma a seɣe kole nɛnɛ-fɛfɛɛ lɛ́lɛɛ seɣai pere ƃelai ma. Zeɣei ƃelai ŋí ŋɔkôya è kɛ̀ a ŋwãa buu lɔ́ɔlu.

¹⁰Zeɣe soŋ-wûru-ŋai dí kɛ̀ a ƃara buu feerɛ. Bîleki-ŋai dí dípîlaŋ zui dí ƃò a bîleki buu feerɛ. Díkelee díkɛ̀ a díkpɛtɛɛ a ƃara. Zeɣe soŋ wûru-ŋai ŋí díkolo-ŋai da díɣiri-sãai dí kɛ̀ a káne.

¹¹Bere sii tí nɔ́ ƃé dí yá-ŋua pere pɛ́rɛ-ƃelai maa tinaŋ la. Ǹaa pere seɣei ŋɔkôya è kɛ̀ a ŋwãa buu lɔ́ɔlu. Zeɣe soŋ-wûru-ŋai dí kɛ̀ a ƃara buu feerɛ. Bîleki-ŋai dí dípîlaŋ zui dí ƃò a buu feerɛ. Díkelee díkɛ̀ a díkpɛtɛɛ a ƃara. Zeɣe soŋ wûru-ŋai ŋí díkolo-ŋai da díɣiri-sãai dí kɛ̀ a káne.

¹²Voloi lii-pere ƃelai maa seɣe ƃelai ŋɔkôya è kɛ̀ a ŋwãa buu feerɛ káo lɔ́ɔlu. Seɣe soŋ-wuru puu da bîlanii puu ƃe kɛ́ naa. Ŋ̀úru-ŋai ŋí díkolo-ŋai da díɣiri-sãai dí kɛ̀ a káne.

¹³Góraŋ túɛ-pere-ƃelai, nyii kɛ̀ vóloi kulai-perei, naa pere seɣei ŋɔkɛtɛ è kɛ̀ a ŋwãa buu feerɛ káo lɔ́ɔlu.

¹⁴Bɛ́rɛi láƃelei kɔɔ-yee mɛi-pere seɣei ŋɔŋa kɛtɛ kɛ̀ ƃò a ŋwãa lɔ́ɔlu mɛi feerɛ da gbûra, zeɣe soŋ-wurii kɛ́ ƃò saaƃa da bîleki saaƃa.

¹⁵Laa-mii-yee mɛi-pere seɣei ŋɔŋa kɛtɛ kɛ̀ ƃò a ŋwãa lɔ́ɔlu mɛi feerɛ da gbûra, zeɣe soŋ-wurii kɛ́ ƃò saaƃa da bîleki saaƃa.

¹⁶Zeɣe-ŋai kɛ̀ a dínaŋɔɔ Bɛrɛi mai dí kɛ̀ a díkpɛtɛɛ a seɣe kole nɛnɛ-fɛfɛɛ lɛ́lɛɛ.

¹⁷Bîleki-ŋai nyii-ŋai dí zeɣe soŋ-wuri-ŋai pîlaŋ zui è kɛ̀ a gbɛtɛɛ a ƃara. Zeɣe soŋ-wûru-ŋai díkolo-ŋai da díɣiri-sãai dí kɛ̀ a gbɛtɛɛ a káne. Zeɣe soŋ-wûru-ŋai dí kɛ̀ máŋ a dímɛi pɛlɛɛ a káne. Zeɣe soŋ-wûru-ŋai kélee kɛ̀ góraŋ mai, dí kɛ̀ a díɣiriɛɛ gîe ma a káne.

¹⁸Zeɣei kɛ sɛlɛnii ziɣãŋ láƃelei è kɛ̀ a gbɛtɛɛ a seɣe kole nɛnɛ-fɛfɛɛ nyii díbala a yee bûluŋ kɛ́ɛ, yee kpɔ̂lu m̀u tɛiɣɛɛ da ƃála leɣa kpɔ̂lu. È kɛ̀ a bɔ̃yɛ a ǹɛ́lɛɛ. Ŋɔkôya è kɛ̀ a ŋwãa puu. Ŋɔ-mɛi kôya kɛ́ ƃò a ŋwãa feerɛ da gbûra. Zeɣei ŋí è kɛ̀ nɔ́ yɛ̂ɛ berei ziɣãŋ ma seɣei kpéli-ŋai dí kɛ̀ lai.

¹⁹Seɣe soŋ-wuru náaŋ è kɛ̀ naa mɛni ma da dípîlaŋ bîleki náaŋ, nyii-ŋai kɛ̀ a gbɛtɛɛ a ƃarai. Díkolo-ŋai da díɣiri-sãai dí kɛ̀ a gbɛtɛɛ a káne. Ŋ̀úru-ŋai ŋí dí kɛ̀ a díkpɛtɛɛ a káne.

²⁰Bɛ́rɛi tɔɔ-sãa kélee díkɛ̀ a díkpɛtɛɛ a ƃara.

²¹Zãai dí Ɣâla ŋɔpɛ́rɛi nyii gɔni-ƃela feerɛi Ɣâla ŋɔtɔ̂ŋ puui è kɛ̀ a bɔ̃yɛɛ diai dí kɛ̀ mui tɔ̂ɔ lai ká ŋí. Mose ƃé zãai ŋí lɛ̀. Liiva-ŋai nyii-ŋai ŋí díkɛ̀ tíi kɛ̂i zâla láa soŋ-nuu kɛ́tɛi Eelɔŋ ǹóŋ Itama yée mui dí gbɛ̀tɛi.

²²Bɛzale nyii gáa a Ɔ̂ɔ ǹóŋ Uli ŋɔlóŋ, nyii kùla Zuda ŋɔsuui sui, ǹyaa ƃé zãai kélee kpɛ̀tɛ nyii-ŋai Yâwɛɛ è mò Mose ma a gɛɛ é gbɛtɛi.

²³Bɛzale ŋɔkpɔŋ-maa-nuui ƃé kɛ̀ a Aisama ǹóŋ Oôlia, nyii kùla Daŋ ŋɔsuui sui. Oôlia è kɛ̀ a yɛrɛ-kɛ-nuu, seɣe pɔ̃yɛ-nuu da seɣe pala-nuu. A kâa seɣe pala a yee bûluŋ kɛ́ɛ, ƃála-leɣa kpɔ̂lu m̀u tɛiɣɛɛ da ƃála leɣa kpɔ̂lu lɛ́lɛɛ.

²⁴Gôo-ŋai kélee dí tíi kɛ̀ la bɛ́rɛ maa waai ma, nyii-ŋai dí dɛ̀ɛ Yâwɛɛ mɛni mai a sala-sɛŋ, ŋɔwiɛ è kɛ̀ a pãŋ wála feerɛ, ŋuŋ tɔ̂nɔ pôlu buu lɔ́ɔlu mɛi náaŋ káo lɔ́ɔlu (2,195) yɛ̂ɛ berei ŋ̀âla-pɛrɛ kɛ́tɛi è nɛ̀ lai.

²⁵Gáne-ŋai ǹûai dí dɛ̀ɛ a dílono tãi ŋɔwiɛ è kɛ̀ a pãŋ wála lɔ́ɔlu mɛi feerɛ, pôlu ŋuŋ lɔ́ɔlu pôlu buu lɔ́ɔlu (7,550) yɛ̂ɛ berei ŋ̀âla-pɛrɛ kɛ́tɛi è nɛ̀ lai.

²⁶Gánei ǹûai kélee dí dɛ̀ɛi, ǹyaa ká kɛ̀ tí. Ǹúui kélee dí díwɔ̂-ŋai tɛ̀ɛ tɛi-tɛi nyii è kɛ̀ a sɛŋ fɛ̂ɛ dí dɛɛ a dílono-tãi yɛ̂ɛ berei ŋ̀âla-pɛrɛ kɛ́tɛi è nɛ̀ lai. Diai dí dílonoi dí kɛ̀ a sinâa wála ŋuŋ lɔ́ɔlu mɛi-da káo-saaƃa, pôlu ŋuŋ lɔ́ɔlu pôlu buu lɔ́ɔlu (603,550) nyii-ŋai díkoraŋ è kɛ̀ é síɣe kóraŋ buu feerɛ ma é tɛ́ tuɛ-perei.

²⁷Gánei ŋɔwiɛ è kɛ̀ a pãŋ wála lɔ́ɔlu mɛi feerɛ, pôlu ŋuŋ lɔ́ɔlu (7,500) dí bîleki ŋuŋ tɔnɔ (100) kpɛ̀tɛ la Ŋ̀âla-pɛrɛi mɛni ma da maa koraŋ. Bîleki tɔnɔ ŋɔwiɛ è kɛ̀ a pãŋ buu lɔ́ɔlu mɛi-feerɛ káo lɔ́ɔlu.

²⁸Bɛzale è gólo-ŋai kpɛ̀tɛ ŋ̀úru kôya-ŋai mɛni ma da díɣiri-sãai a gánei gbéli nyii ŋɔwiɛ è kɛ̀ a pãŋ buu lɔ́ɔlu, é ŋ̀úru kôya-ŋai ŋûa pɛlɛ la.

²⁹Marai dí dɛ̀ɛ Yâwɛɛ mɛni mai ŋɔwiɛ è kɛ̀ a pãŋ ŋɔwála lɔ́ɔlu pôlu ŋuŋ saaƃa pôlu puu (5,310).

³⁰Nya ƃe Bɛzale è bîleki-ŋai kpɛ̀tɛ la bɛ́rɛi láƃelei mɛni ma. Mara teƃelei nyii gáa géreŋ salai mɛni mai é pɛ́lɛ maa ƃâra ƃela palaai ma, da teƃelei maa tii-kɛ-sãai kélee.

³¹È bîleki-ŋai kpɛ̀tɛ la máŋ ziɣãŋ mɛni ma da ziɣãŋ láƃelei, é pɛ́lɛ bɛ́rɛi tɔɔ-wuru-ŋai kélee dîa da maa-siɣãŋ.