Read Kpelle Zôo 23 Bible Online

Zôo 23 - Kpelle bible

Zôo 23

¹Zôo è mò ǹyɛɛi,

²“Ŋa môi ŋɔ́nɔ yâ a gɛɛ ŋá sɔŋ-pu-maai káa nîi tɔɔ̂i dɔɔ̂i. Kpɛ́ni fêi Ɣâla káa nɔ́ nîi mɛni kpɔ̂lu lâai ḿâ, berei máŋ ŋa mɔ̃lɛi lai.

³Eêi kɛ̀ ŋâi kɛ̀ a ƃɛ́i kɔ́lɔŋɔɔ Ɣâla a mɛni-sâa ƃò naai, ŋâi lì naa a gɛɛ é ŋ̀óli tɔ́ɔ ŋámɛni sâai ma.

⁴Ŋ́âi pâi gíli-ŋa ponôi a gɛɛ ḿve niî mɛni nyɔ́mɔɔ da kɛ́ ní. Ŋ́âi pâi ŋ́goi mɛni kélee kpɔ́ ŋá lɛ̂i mà.

⁵À kɛ̀ tí ŋ́âi pâi m̀ɛnii mɛnîi eêi pà môi ḿâi, ŋá ŋ̀á káa.

⁶A pɔ̂ri ńyee mɛi ɣâlei a ŋɔwála-wala-laa kɛ́tɛi? Kpao! A pâi ŋ̀woli tɔɔ̂i ŋ́oo ma.

⁷Maa tãi tí a sèri, ŋa pâi ŋá mɛnii ŋá lɛ̂i mà kpɛ́ni fêi ŋ́gaa a teniŋ ƃô-nuu. Ǹyaŋ Ɣâla nyii gáa a ŋá mɛni-sâa ƃó-nuui, a pâi môi ḿâ a gɛɛ ŋá mɛnii lɛ̂lɛɛi. Ŋ́zɔŋ fé m̀ɛnii su.

⁸“Ŋá Ɣâla kɔ̀ri vóloi kulâi pere da ǹiî-pere, fé gaa-ni. Ŋá gɔ́ri yá-ŋua-pere da yá kwára-pere, fé gáa-ni. Ŋá gɔ̀ri ƃéla kélee ma kɛ́lɛ fé gáa-ni.

¹⁰É máŋ kɛ́ tí, Ɣâla è ƃɛ́i kɔ́lɔŋ a pɔ̂ri ŋ́gâai naai. À kɛ̀ a ńdûa-pere maa kpɛ̂ɛ, a pâi gɔ́lɔnii a gɛɛ ŋa fôlo kpɔ́ yɛ̂ɛ kɔni wôlo su ya-ɣɛli-loŋ.

¹¹Ŋá sìa ḿɔrɔŋ-pɔɔ su, berei nyii Ɣâla ǹya kpîŋ è nàai. Ŋa pâi siâi zu a teniŋ ƃô-pere.

¹²M̀ɛnii nyii kélee è mò ḿâ a gɛɛ ŋá gɛ́i, ŋá gélee kɛ̀ a teniŋ ƃô-pere.

¹³“M̀ɛnii nyii Ɣâla a gbɛ̀tɛ gíli-ŋa a gɛɛ é gɛ́i, nya ƃe a gɛ̀. Sɛŋ da kélee fa pɔ̂ri ǹíi maa fálenîi.

¹⁴M̀ɛnii nyii kélee Ɣâla a gbɛ̀tɛ ḿaa mɛni mai a pâi ŋ̀aa-see kɛ̂i. Ǹyaŋ mɛni kpɛtɛɛ támaa káa ǹyêei ḿaa mɛ̂ni ma.

¹⁵Nyíŋi ƃé a gɛ̀ ŋ́gɛ yào mà. Ǹyaŋ ŋa ŋ́gili-ŋa sìa é pîlaŋ mà, yao a ńaa fɛ̀ɛ.

¹⁶Ŋ̀wála-wâla kélee Ɣalai a gɛ́ ńii a kpɛ̃lîŋ ŋ́goi. Ḿve yaôi gbínii ma, kɛ́lɛ ŋ́gaa yaôi Ɣâla ma. Berei máŋ gbínii a too la ḿa fé pɔ̂rii kwaa kâai, ḿve nîi kpera ní wɔ̂lɔi.