Read Kpelle Zôo 31 Bible Online

Zôo 31 - Kpelle bible

Zôo 31

¹Ŋ́âa ḿvoo a gɛɛ ḿve pâi ŋ́gili-ŋa siâi é pîlaŋ nɛnî-kpela kélee da mà lɔ-pɔ̂rɔŋ mɛni ma.

²Lé ƃé Ɣâla a pɔ̂ri gɛ́i a ńyãa? Ŋ̀wála-wâla kélee Ɣalai nyii gáa Ɣâla-taai fé pâi fela-fei lɛ́lɛɛ da tɛɛ̂i ḿbɔ.

³Tɔ̃yâ ma, Ɣâla a ŋ̀wana-lɔ̂ɔ-ƃelai kɛ̀ dímɔ̃lɛ, é mɛni kpɔ̂lu láa dîa.

⁴Ɣâla è berei kɔ́lɔŋ ŋákɛ̀-ɣeniɛi káa lai. Ɣâla a m̀ɛni-ŋai kélee kàa ŋa gɛ̂i.

⁵Ḿve ta lɛ́ɛ kɛ́-ni núu da ma kpaa máŋ ŋá núu da pɛlɛ.

⁶Tɔɔ Ɣâla é ŋámɛnii ŋá tée a teniŋ ƃô-pere, é gɔ́lɔŋ a gɛɛ ńzɔŋ fé m̀ɛnii ŋí su.

⁷À kɛ̀ ŋaâ pɔara berei mâ è nɛ̀ ḿâi, ŋ́ɛi a zɛŋ káa nyii ḿve ŋ̀wɛ̂lii ŋá gáai, à kɛ̀ mɛni nyɔ́mɔ kɛ́ɛ a bɔ́ɔ lɛ́ɛ ḿâ,

⁸Ɣâla é ŋá mii-sãai tɛ́ɛ núu da kpɛ́ni-ŋa pɔ́ a gɛɛ dí mii, é ŋási-sãai kélee kpɔ́ su kara.

⁹À kɛ̀ ŋ́gili káa ḿarâŋ-nuu da ŋɔnɛnî ma, ŋ́gɛ m̀aa nûui maa kpɛ̂ŋ a gɛɛ é kúla ŋɔpɛ́rɛi mu a gɛɛ ŋá lɔ-pɔ̂rɔŋ kɛ́ a ŋɔnɛnîi,

¹⁰gɛ̀ ní ŋá nɛnîi é kɛ́ a ḿarâŋ surɔŋ pɔ́ɔ.

¹¹Tɔɔ zɔnyɔ̂ŋ sii ŋí gula maa é kɛ́ a saa.

¹²À kɛ̀ ŋa lɔ-pɔ̂rɔŋ kɛ̀ a m̀arâŋ surɔŋ ŋɔnɛnî, gáa nɔ́ yɛ̂ɛ ŋɔŋ a kɛ̀ ŋ́gerenîi nyii a ŋ́gɔ̃liŋ kélee su karai.

¹³À kɛ̀ ǹɛyâai kpaa máŋ zinaai da tíi kɛ̀ mîi, da a kɛ̀ ŋ̀wɛ̂lii é lóno é pîlaŋ ŋá mɛni nyɔ́mɔɔi ma, ḿva gbèra mà.

¹⁴À kɛ̀ ḿve tûa-ni a dia a ǹɛ́lɛɛ, gɛ̀ ní Ɣâla a pà ŋá mɛnii ŋáteêi, ŋa pâi kɛ̂i ma lé?

¹⁵Bere-sii nɔ́ ńee è maa sɔlɔ ƃô lai, bere nɔ́ ƃé ŋátii kɛ́-ƃelai dílee-ni dí dímaa sɔlɔ ƃô la. Ŋ̀âla tɔnɔi nɔ́ ŋ́gbɛ̀tɛi, ǹyaa ƃé díkpɛ̀tɛ máŋ.

¹⁶Zɛŋ kélee gôlo-ƃelai da ŋ̀wɛlii, ŋa dɛ̀ɛ dípɔ, ŋ́gɛ kpɔŋ mâa tɛ̀ɛ bɔɔ-nɛyãai pɔ.

¹⁷Kpaa máŋ ḿve tá ǹɛɛ ní naa puru é dee-loŋ-ŋai da pàa tãi nɔ́ mii-sɛŋ káa la ńyêei.

¹⁸Ŋá kâa dí kùla zu yɛ̂ɛ sɛŋ ƃé ŋákɛ̀ a dí nâŋ. Ŋá bɔɔ-nɛyãai maa kɔ̃ɔ kpɔ́ a tãi kélee.

¹⁹Tãi kélee ŋá kôlo-nuu kàa gɛ́ sàa kpɛ́ni fêi seɣe fé kɛ́ ní ǹyêei,

²⁰ǹyaŋ dí lûwa tòo ḿâ kpɛ́ni fêi, ŋa kâa ƃála-leɣa-seɣe tɛ̀ɛ dípɔ díkponôi fãa mɛni ma.

²¹Ḿve tá máŋ ní ŋáwala-wala-laai ma, ŋá tee-loŋ da fili.

²²À kɛ̀ ŋá gɛ̀ tí, gɛ̀ ní tɔɔ ŋ́gâraŋ é ɣále é kúla gbulɔ̂ŋ ŋa.

²³Ŋá kɛ̀ yaôi Ɣâla ma nya ƃe gɛ̀ ḿve m̀ɛni nyɔ́mɔɔ-ŋai ŋí da kɛ́ ní.

²⁴Ḿve tá ŋ́gili tɔɔ ní ŋátɔɔ-sãai ma, ḿve tá gɛ́ ní tí a dɔnɔ kpîŋ,

²⁵kpaa máŋ ŋá yoŋka tée ŋá tɔɔ-sãai mɛni ma kpɛ́ni fêi ŋa sɛŋ támaa sɔlɔ ƃó.

²⁶Ḿve tá wɔ́lɔ vóloi fɛli-ni berei máŋ a fôloi lai, kpaa máŋ ŋá ŋ̀áloŋ fɛ́li ǹɛ́lɛ mɛni ma.

²⁷Ḿve ta wɔ́lɔ ńyee see-ni dímu, kpaa máŋ ŋá ƃaa kɛ́-maa tɛ́ɛ dí pɔ́ pere sîi kélee da su.

²⁸À kɛ̀ ŋa gɛ̀ tí, gɛ̀ ní ńdɔɔ̂i Ɣâla ma. Tɔɔ Ɣâla é ŋ́gula maa kɛ́ zɔnyɔ̂ŋ sii ŋí mɛni ma a saa.

²⁹Ńii fé tá nɛ̃ɛ ní tãi ŋá ŋ́gbɔara-ƃelai kâa la mɛni kpɔ̂lu sui. Ḿve tá lii-nɛ̃ɛ kula ní a tãi laa-kpala maa mɛ̂ni a kûla la dîai.

³⁰Ḿve tá Ɣâla fɛli ní dí su-kara mɛni ma.

³¹Ŋ́gayɔɔ-ŋai kélee dí gɔ́lɔŋ a gɛɛ diai kélee kùla ḿâ a ŋɔ̃yai, ŋá díseêi kùla kpɔ́ a ǹɛ́lɛɛ.

³²Ḿve tá nɛ̀ɛ ní naa ŋ̀ɔ̃ya-ŋai dí nyíi banaŋ mâ. Ŋá kpôŋ lá a kɛ̂ nɔ́ a móɔɔ a tãi kélee dɛ̀ɛ-a-pere-ŋai perêi.

³³Ḿve tá ŋásɔnyɔ̂ŋ loo-ni, yɛ̂ɛ berei núu da-ni da sɛŋ lôo la díseɣei mui.

³⁴Ḿve kɛ́ ní seêi ŋápɛrɛi lá mɛi-saa, kpɛ́ni fêi ŋákɛ̀ yaôi ǹûai dîa a gɛɛ dífa lâa ńaa ƃó la, kpaa máŋ dí mɛni nyɔ́mɔɔ ƃó a ńaa.

³⁵Eé ŋá ŋ̀wɛ̂lii núu da é ŋ̀óli tɔ́ɔ ḿâ! Ŋa ḿvooi a gɛɛ m̀ɛni-ŋai kélee ŋa môi gáa a tɔ̃yâ. Tɔɔ Ŋ̀wála-wâla kélee Ɣala é ŋ́oo su too. Ŋ́âi pɔ̂ri ŋápɔara-mɛni maai kâai eêi kɛ̀ ǹúui ńzɔŋ lâai êei bɔ̃yɛ kɔlɔ ma.

³⁶Gɛ̀ ní ŋâi pà ǹâai ŋ́gâraŋ ŋá, ŋá lí la a gɛɛ núu kélee é gáa. Ŋâi pà ǹɔ̂i ŋ́ûa yɛ̂ɛ kâloŋ-ƃɔrɔ.

³⁷Ŋâi pà m̀ɛni-ŋai ŋá gɛ̀i, gélee ŋá lɛ̂i mà. Ŋâi pà lônoi bɔ́ yɛ̂ɛ kâloŋ nyii zɔ̀ŋ fé m̀ɛnii su.

³⁸À kɛ̀ ǹɔii ŋa tíi kɛ̂i mai ŋá ŋùma ǹâmu yêei, kpaa máŋ ŋá ǹɔii sóŋ a nyɔ́mɔɔ,

³⁹à kɛ̀ ŋá ǹɔii ma si-sãai m̀ƃa mìi diai tíi kɛ̂i naai dí kɛ́ sàa a puru,

⁴⁰gɛ̀ ní ŋalêŋ é sóo ŋá wîi pɔ́ɔ ŋá, kpaa máŋ ŋumɛ-baa é sóo ŋábaa-leei pɔ́ɔ ŋá. Ƃɛ́i ŋí ƃé Zôo è ŋ́oo ŋuŋ lâa naa.