Read Kpelle Zôo 35 Bible Online

Zôo 35 - Kpelle bible

Zôo 35

¹Nya ƃe Ɛliu è ŋɔ́nɔ mò Zôo ma ǹyɛɛi,

²“Zôo, ílâai la gáa a teniŋ ƃô mɛni í mó Ɣâla ŋɛ́i a gɛɛ íkaa a tɔ̃yâ-nuu?

³Kpaa máŋ í Ɣâla marê kɛ́, ‘Lé ƃé ŋásɔnyɔ̂ŋ a pɔ̂ri gɛ̂i a yá? Lé ƃé ŋa pɔ̂ri gulâi nyíŋi su?’

⁴Ŋa pâi íwoo su tôoi ka ílaôi ni.

⁵“Ye ŋ̀elei su káa í gáa berei ŋ̀ele-kɔlɔŋ kolei káa la ímɛi-pere póŋ-poŋ.

⁶À kɛ̀ ya sɔnyɔ̂ŋ kɛ̀, lé ƃé a pɔ̂ri gɛ̂i a Ɣâla? À kɛ̀ ya sɔnyɔ̂ŋ kɛ̀ la gîe mɛi, lé ƃé a pɔ̂ri gɛ̂i lai?

⁷À kɛ̀ íteniŋ ƃôɔɔi, gɛ̀ ní lé mɛni lɛ́lɛɛ ƃé a pɔ̂ri gɛ̂i Ɣâla mii? Lé ƃé Ɣâla a pɔ̂ri zɔlɔ ƃôi zui?

⁸Í ƃarâŋ-ŋai ƃé da mɔ̃lɛ ísɔnyɔ̂ŋ-ŋai su. Ǹyaŋ m̀ɛni lɛ́lɛɛi ya gɛ̀i ƃé a kpɔŋ mâ tɛ̀ɛ íƃarâŋ nuu-kpune-ŋai pɔ́.

⁹“Tãi ǹûai da mɔ̃lɛ la a ŋ̀á ŋánaai, da wɔ̂lɔ kpɔ́ a ɣelêi-pere, ǹyaŋ da kɛ̂ wɔ̂lɔi a gɛɛ núu da é pá é díkula ŋ̀wála-wala-ƃelai yêei.

¹⁰Kɛ́lɛ dífa tìnaŋ Ɣâla pɔ́naa pêre nyii gáa a díkpɛtɛ nuui nyii a pâ dípɔ a ŋuŋ ma ƃô tãi da kɛ̂ mɔ̃lɛ̂i lai.

¹¹Ɣâla a kúteniŋ tɔ̀ɔ é tɛ́ɛ ǹɔɔ fɛnɛ-sãai da ŋ̀ɔni-ŋai dîa.

¹²Da wɔ̂lɔ Ɣâla ma, kɛ́lɛ va díwoo su tòo, kpɛ́ni fêi, díkɛ̂tɛi díkpîŋ ŋɛ́i, díkɛ ƃò a sɔnyɔ̂ŋ-ƃela.

¹³Da kɛ̂ lɛ́ɛ wɔ̂lɔ kɛ̂i, m̀ɛni ma Ɣâla fa ŋ̀ólu tɔ̀ɔ dîa. Ŋ̀wála-wâla kélee Ɣalai fa dípɔ naa pêre kàa a dɔnɔ kpîŋ.

¹⁴“Zôo, Ɣâla a pâi ŋ̀óli tɔɔ-pere kɛ̂i léŋ yâ à kɛ̀ ífa pɔ̂ri bɔnaa pere kâai? Ǹyaŋ fɛ̂ɛ nɔ́ í maa kpɛ̂ŋ kɛ́ tãi ímɛni-saai káa la ǹyêei.

¹⁵Ílâai la a gɛɛ Ɣâla fa sɔnyɔ̂ŋ kula maa kɛ̂. Vé kpáa ní sɔnyɔ̂ŋ mɛni ma.

¹⁶M̀ɛnii Zôo a môi, ŋuŋ fé ma. À lônoi é pîlaŋ m̀ɛnii ma nyii vé gɔ́lɔŋ.”