Read Kpelle Wule-woo-ŋa 11 Bible Online

Wule-woo-ŋa 11 - Kpelle bible

Wule-woo-ŋa 11

¹Deeƃé ŋɔwulei nyii è bɔ̃yɛ ŋ̀ule too-ƃelai láa túɛ-nuui mɛni mai Ŋálaa-laai káa Yâwɛɛ kponôi ŋ́uŋ ma ƃô mɛni ma. Ífe kɛ̀ ḿâa, “Koôŋ í lí ǹyéei ma yɛ̂ɛ ŋɔni.

²Ŋ̀wana-lɔ̂ɔ-ƃelai da díkerâŋ-ŋai kpɛtɛ da dɔ̃a lɔ́ ŋ̀á a tɛɛ-ŋa. Da gerâŋ-ŋai ŋí ŋá tɛ́ da díkpîŋ kpɛtɛ a gɛɛ dí dɔ̃yâ-ƃelai ƃóŋ la a kpíni.

³À kɛ̀ m̀ɛni-ŋai kélee su a kàra, lé ƃé dɔ̃yâ-nuui a pɔ̂ri gɛ̂i?”

⁴Yâwɛɛ káa ŋɔpɛ́rɛ maa waai mu. Ŋɔkâloŋ see-sɛŋ káa Ɣâla-taa. Ŋ̀ɛ́i káa kwaa kélee gɛ́ núu-kpune maa kpɛ̂ɛ ǹɔii ma.

⁵A su-kɔɔ̂ŋ tɛ̀ɛ dɔ̃yâ-ƃelai pɔ́ da ŋ̀wana-lɔ̂ɔ-ƃelai. Vé ŋ̀wɛ́lini a ǹúui a mɛni-su karai.

⁶A pâi ŋɔŋ lêŋ da súluŋ su ŋɔŋ pûi ŋ̀wana-lɔ̂ɔ-ƃelai ŋûa. A pâi gɛ̂i fãa-su kpanaŋɔɔ é tɛ́ɛ a dia.

⁷Yâwɛɛ káa a tɔ̃yâ Ɣala. È tɔ̃yâ mɛni wɛ́li-ni. Dɔ̃yâ-ƃelai nɔ́ ƃé pâi ŋ̀ɛ́i kâai.