Read Kpelle Wule-woo-ŋa 111 Bible Online

Wule-woo-ŋa 111 - Kpelle bible

Wule-woo-ŋa 111

¹Ŋa pâi Yâwɛɛ láa maa tɛ̂i. Ŋa pâi ǹáa maa tɛ̂i ŋá zɛɣɛ̂i fé a ńii kélee, ƃɛ́i kélee deniŋ ƃô-ƃelai da díŋaa tɛ̀ naa mai.

²Yâwɛɛ kɛ́ mɛni kpaya-kpayai. Diai kélee dí m̀aa mɛni-ŋai wɛ́linii, da maa kɔ̂ri dí táre zu.

³Gɛ́-mɛni-ŋai kpaya-kpayai, ƃaa kɛ́ maa kɛ́ ƃò dîa. Ŋɔtɔ̃yâ-laa kɔ́yɛŋ fé ma.

⁴Yâwɛɛ fa ŋ̀wɛli kú nia gɛ́-mɛni kpaya-kpayai dîa. Zɔŋ lɛ̂lɛɛi, maloŋ kâa kɛ́ ƃò ǹyêei.

⁵A diai kɔ́nɔ̃ŋ kùla da ƃaa kɛ́-maa tɛ̀ɛ bɔ́i. Va wɔ́lɔ nìa ŋɔkpanaŋ-wooi mɛni ma.

⁶È ŋɔwála-wala-laai lɛ̀ ŋɔnûai dîa, a lɔii-ŋuŋ da kpɛ́ni-ŋa su-ƃela dílɔii-ŋai tɛ̂ɛ dípɔ.

⁷M̀ɛnii kélee a gɛ̀i, zãai, deniŋ ƃôɔɔ. Núu a pɔ̂ri gíli tɔɔ̂i ŋɔtɔ̂ŋ-ŋai dîa.

⁸Díkaa a tɔ̃yâ da teniŋ ƃô mɛni-ŋa. Dímaa fa wɔ́lɔ fàleŋ.

⁹A ŋɔnûai ŋuŋ ma ƃò é kpanaŋ woo kɛ́ díyêei wɔ́lɔ-wɔlɔ da wɔlɔ-wɔlɔ mɛni ma. Ǹáa kɛ̂tɛi, m̀aa waa.

¹⁰Ǹúui ŋ̀wɛ̂lii é tárei, fɛ̂ɛ é ƃaa kɛ́-maa tɛ́ɛ Yâwɛɛ pɔ́ a maa-ŋuŋ. Táre da mɛni ŋá káa kɔ́ɔ pîlani ƃa ŋumɛ mâa da woo mɛni. Ka laa maa tɛ̂ tɛɛ Yâwɛɛ pɔ́ a ɣele kélee.