Read Kpelle Wule-woo-ŋa 114 Bible Online

Wule-woo-ŋa 114 - Kpelle bible

Wule-woo-ŋa 114

¹Eezuɛ-ŋai kuláa Ize lɔii sui, Zeeka ǹônii kɛ́ɛ da kula ŋɔ̃ya lɔii tí sui,

²Ɣâla è Zuda-ƃelai kɛ̀ a ŋɔnûa maa waa, Eezuɛ kɛ́ ƃò a bɔ́ɔ.

³Ǹyúo Kpɔ̂lui è Eezuɛ-ŋai kàa pâi é kpála, Zɔdiŋ Ya-leei é kpéra ɣilînii.

⁴Ǹyée kpaya-kpayai dí pìli yɛ̂ɛ ƃoli-ŋa, ǹyée pɛlɛ-pɛlɛɛi dí píli yɛ̂ɛ ƃála lônii.

⁵Yúo Kpɔ̂lu, lé ƃé kɛ̀ ya pûi? Óo yáŋ Zɔdiŋ Ya-leei, í kpèra ɣilînii lé mɛni ma?

⁶Káaŋ yée kpaya-kpaya, ka pìli yɛ̂ɛ ƃoli-ŋa lé mɛni ma? Ká pìli ɣelêi yɛ̂ɛ ƃála lônii, lé mɛni ma, káai a ǹyée pɛlɛ-pɛlɛɛi?

⁷Ǹuu-namui a pâi, lɔii, ye kpɛ̃lîŋ. Ye kpɛ̃lîŋ Zeeka Ŋɔɣâlai ŋɛ́i-tuɛ.

⁸A kɔni-ŋa pène a póa, é gɔni kpanaŋɔɔ-ŋai kɛ́ a ya ɣɛ̂li-ŋa.