Read Kpelle Wule-woo-ŋa 124 Bible Online

Wule-woo-ŋa 124 - Kpelle bible

Wule-woo-ŋa 124

¹Deeƃé ŋɔwulei Eêi kɛ̀ Yâwɛɛ fé kú pôlu a tãi kúkpɔara ƃelai dí pɛ̀lɛ la kûai, óo Eezuɛ ye mó yɛ̂ɛ,

²“Eêi kɛ̀ Yâwɛɛ fé kɛ́ ní kú pôlu gɛ́ kpɔŋ mâ tɛ̀ɛ kú pɔ, tãi kúkpɔara ƃelai dí pɛ̀lɛ la kûai,

³gɛ̀ ní díkɛ̀ pâi kúkelee kú paâi, a tãi dí dílii ŋwàna la kûa a ŋánaai.

⁴Gɛ̀ ní ǹyá fɛ̂ɛi è kɛ̀ pâi yenîi a kûa a wála-wala-laa,

⁵kú lɛ́ɛ ǹyá fɛ̂ɛ líi ŋwánaai su.”

⁶Kwaa Yâwɛɛ láa maa tɛ́, ǹyaa ƃé vé niî fáa ní ma a gɛɛ kúkpɔara-ƃelai dí kúyee mɛi ɣále.

⁷Kwa pú yɛ̂ɛ ŋɔni a kùla ƃáre ŋá, m̀are-woŋ a ɣále, ǹyaŋ kwa ŋuŋ ma ƃô sɔlɔ ƃó.

⁸Kúkpɔŋ mâi a kûla Yâwɛɛ yêei, nyii ŋ̀elei kpɛ̂tɛ da ǹɔii.