Read Kpelle Wule-woo-ŋa 127 Bible Online

Wule-woo-ŋa 127 - Kpelle bible

Wule-woo-ŋa 127

¹Saloma Ŋɔɣâla fɛli wulei À kɛ̀ Yâwɛɛ fé pɛ́rɛ tɔɔ ní, bɛ́rɛ tɔɔ-nuui ŋɔtíi káa nɔ́ kpɛ́ni-kpɛni. À kɛ̀ Yâwɛɛ fé daa lêei mɛi káa ní, daai mɛi-kaa-ƃelai dítii káa nɔ́ kpɛ́ni-kpɛni.

²Núu kɛ́ɛ mu siɣêi a ɣele ƃôi, é lɛ́ɛ tíi kɛ̂i kpíni é pɛ́lɛ ŋɔkɛ ɣéniɛi kɛ́ mɛni ma, káa nɔ́ kpɛ́ni-kpɛni, kpɛ́ni fêi, diai Yâwɛɛ è díwɛli-nii, zãâi ǹɛ̂lɛɛi dímɛni mai, a dɛ̀ɛ dípɔ a tãi da kɛ̂ nyîi lai.

³Nîa-pɛlɛɛ káa a Yâwɛɛ ŋɔsama-sɛŋ. Díkaa a lûwa ŋuŋ.

⁴Ǹóŋ-sinaai núu a m̀aa sɔlɔ ƃô a tãi gáa la a núu tɔɔi, gáa yɛ̂ɛ sɔla nyii gáa kɔkuluƃa yêei.

⁵Lûwa káa ǹúui ma nyii zɔla sîi kɛ́ɛ tí dámaa káa ǹyêei. Núu da fé naa a gɛɛ é ǹyée mɛi ɣále, a tãi a m̀aa kpɔara-nuu kàa la m̀ɛni sâa ƃó kwaai mai.