Read Kpelle Wule-woo-ŋa 129 Bible Online

Wule-woo-ŋa 129 - Kpelle bible

Wule-woo-ŋa 129

¹Ɣâla fɛli wule Eezuɛ, berei lɛ́ kûa íkpɔara-ƃelai da tûai la a yá é síɣe tãi mâ íkɛ̀ la a núu tɔɔ é tóo sâa ma.

²“É síɣe ńôloŋ tãi ma, ŋ́gbɔara-ƃelai da tûa nyɔ́mɔɔ támaa kɛ́ a ńyãa, kɛ́lɛ, díyee fé niî tɛ̀ɛ ní ḿâ.

³Dí ḿbôlu ƃèla-ƃela a ŋánaa yɛ̂ɛ berei kwaa-si nuu a kwaa-sí lai.

⁴Kɛ́lɛ, Yâwɛɛ nyíi deniŋ ƃôɔɔi, è ŋ́gùla luɛ-laa su.”

⁵Tɔ́ɔ diai dítɔɔ̂i Zãiyɔŋ mai, dí díyee mɛi ɣále, dílene pôlu a ŋumɛ-pere.

⁶Tɔ́ɔ díkɛ yɛ̂ɛ kala nyíi a sôo pɛ́rɛ tôŋ sui, nyíi a kpâla a maa félaa é lɛ́ɛ pâi kɛ̂tɛi,

⁷nyíi va zí-sɛŋ ŋáa tɛ́ gîe ma nuui yée láa fɛɛi, kpaa máŋ va pɔ̂ri kɛ̂i a gɔ̀ŋ tɔ̂nɔi.

⁸Diai pâi tɛɛ̂i naai, dífe pâi m̀ôi dîyɛɛi, “Yâwɛɛ é lûwa láa yâ. Kú lûwa too yá Yâwɛɛ láai su.”