Read Kpelle Wule-woo-ŋa 130 Bible Online

Wule-woo-ŋa 130 - Kpelle bible

Wule-woo-ŋa 130

¹Ɣâla fɛli wule Óo Yâwɛɛ, ŋ́gaa mɛni kpɔ̂lu su, ŋ́gɛ ítòli.

²Óo Ǹuu-namui, íwoli tɔ̂ɔ ŋ́oo ma. Íwoli tɔ́ɔ ŋákpera fêi wooi ma.

³Óo Yâwɛɛ, à kɛ̀ ya kúsɔnyɔ̂ŋ-ŋai pɔ̃yɛ, gbɛ̂ɛ ƃé pâi kɛ̂i a ŋuŋ ma ƃoɔɔi?

⁴Kɛ́lɛ, íku sɔnyɔ̂ŋ su mɛni lɛ̀ɛ, a gɛɛ kú ŋumɛ-maa tɛɛ ípɔ.

⁵Ŋá kɛ̀ Yâwɛɛ maa kpɛ́nii a ŋ́gili kélee a gɛɛ é pá é kpɔŋ mâ tɛɛ ḿbɔ, ŋ́gili tɔ̂ɔ ŋ̀óo ma.

⁶Ŋá Ǹuu-namui maa kpɛ̂ŋ a ŋánaa, é tɛ́ɛ ziɣãŋ mɛi káa nuui ma nyii a kɛ̂ ɣele ƃɔ́ɔ maa kpɛ́nii, é tɛ́ɛ bere ziɣãŋ mɛi káa nuui a kɛ̂ ɣele-ƃɔ́ɔ maa kpɛ́nii lai.

⁷Óo Eezuɛ, íkili tɔ́ɔ Yâwɛɛ ma, kpɛ́ni fêi, ŋɔwɔ́lɔ-wɔlɔ wɛli-kɛ-maai káa nɔ́ naa, ǹyaŋ, gbîŋ kpɛtɛ̂ɛi a gɛɛ é núu ŋuŋ maa ƃó.

⁸A pâi ŋɔnûai Eezuɛ ŋuŋ-ma ƃôi, é díkula dísɔnyɔ̂ŋ su.