Read Kpelle Wule-woo-ŋa 23 Bible Online

Wule-woo-ŋa 23 - Kpelle bible

Wule-woo-ŋa 23

¹Deeƃé ŋɔwulei Yâwɛɛ a ḿɛi kâa yɛ̂ɛ berei ƃála mɛi káa-nuu a ŋɔƃála mɛi kâa lai. Sɛŋ da kélee maa kpâaŋ fé pâi toôi ḿâ.

²A gɛ́ ŋa láa kala ŋûnu ŋá. A lí a ńyãa yá séɛɛ tɔ̀ŋ kɔlɛ.

³A ŋ́gbonôi kpanáŋ ŋɔ́nɔ a nina. A ńdeniŋ tɔ̀ɔ kwaa lɛ́lɛɛ ma pere yɛ̂ɛ berei è góno tèe lai.

⁴Berei máŋ ŋa tɛ̂ɛ la kpíni su pîlaŋɔɔ su kɛ́ɛ yɛ̂ɛ saa táai, fé pâi ŋɔ́nɔ yaôi, Yâwɛɛ, kpɛ́ni fêi, íkaa ŋ́gɔlɛ. Ísia-tũaŋ da íƃala mɛi káa wûrii da ḿaa kɔ̃ɔ.

⁵Í kúu kɛ́tɛ kɛ̀ ḿâ ŋ́gbɔara-ƃelai ŋɛ́i, í íyee sée ḿû a ƃaa kɛ́ maa-pere yɛ̂ɛ ƃaa kɛ́-maa ŋɔ̃ya, í gɛ́ ŋákpele kɔ̂ɛi lá é fɛ́ɛ é yéŋ la.

⁶Ŋá gɔ́lɔŋ ya pâi kɛ̂i nɔ́ mɛni lɛ́lɛɛ kɛ̂i mî, íkɛ ƃò a ŋ́wɛliɛɛ ŋáfulu-laai su, ǹyaŋ ŋa pâi kɛ̂i nɔ́ yá Yâwɛɛ ípɛrɛi mu tãi nɔ́ ŋ́gaa la ɣele mai.