Read Kpelle Wule-woo-ŋa 26 Bible Online

Wule-woo-ŋa 26 - Kpelle bible

Wule-woo-ŋa 26

¹Deeƃé ŋɔwulei Óo Yâwɛɛ, ńziɣe a núui nyii zɔŋ fé mai, kpɛ́ni fêi, ŋa m̀ɛnii kɛ̂ nyii ǹɛ̂lɛɛi, ǹyaŋ ŋa ŋálaa-laai kélee pú yâ.

²Ḿaa kpɛ́ɛ í ńzu kɔ̂ɔŋ, í ŋámɛnii ŋá tée yɛ̂ɛ berei ńdûa-pere da ŋákili ŋa siai díkaa lai.

³Íwɛli kɛ́ maa kpanaŋ ƃa ḿɛi kâa, íteniŋ ƃô-laai kɛ́ ńdeniŋ tɔ̀ɔ.

⁴Fa kânaŋ ŋa-kpɛɛ-maa-ƃela dîa, kpaa máŋ ŋá kánaŋ kíri-ƃela dîa.

⁵Fé wɛ́li ní a núu sɔ̂ŋ nyɔ́mɔɔ-ŋa da ŋ̀wana-lɔ̂ɔ-ƃelai.

⁶Yâwɛɛ, ŋâa ńyee ŋá wáa a gɛɛ ŋá ǹɛ́ yâ a gɛɛ ńzɔŋ fé ḿâ. Ŋa lɛɣɛ a íɣâla-teƃelei a gɛɛ ŋá í fɛ́li.

⁷Ŋa sɛɣɛ-fêi wule toôi yâ, ŋ́gɛ íkɛ mɛni kpaya-kpayai maa mɛ̂ni ƃò.

⁸Óo Yâwɛɛ, ŋá ípɛrɛi wɛ́lini, da ƃɛ́i ífolo-laai káa naai.

⁹Ífe ńzu kàra kwa zɔnyɔ̂ŋ-ƃelai, da diai ŋãa káa díyee mai,

¹⁰diai dífa kpèra mɛni nyɔ́mɔɔ kɛ́ɛ mai, da diai dí wɛ́lini a yee-pɛlɛ ǹá-sɛŋ kao soŋɔɔ nûa yêei.

¹¹Kɛ́lɛ à kɛ̀ a ńyãa, ŋa tûa a teniŋ ƃô pere. Mɛni ma, ŋ́uŋ ma ƃó í ḿalôŋ káa.

¹²Ńdɔ̂ɔi kpanaŋɔɔi. Ŋa pâi Yâwɛɛ láa ma tɛ̂i ŋɔnûai sáma.