Read Kpelle Wule-woo-ŋa 29 Bible Online

Wule-woo-ŋa 29 - Kpelle bible

Wule-woo-ŋa 29

¹Deeƃé ŋɔwulei Káai kélee ŋ̀elei su perei, ka Yâwɛɛ láa ma tɛ́. Ka ǹáa ma tɛ́ ŋɔkɛ́tɛ-laai da ŋɔwála-wala-laai mɛni ma.

²Ka Yâwɛɛ láa ma tɛ́ ŋɔfólo-laai maa mɛni ma. Ka pɛlɛ Ɣâla kɔ́ɔ mu nyii gáa a Ŋ̀âla Kɛ́tɛi a tãi a pâ lai.

³Yâwɛɛ wóo a kɛ̀ tɛɛ̂i yúo mɛi, vólo-laa Ɣalai wóo kɛ́ tɛ̀ɛ-tɛɛ ǹyá-ŋai mɛi yɛ̂ɛ ŋ̀ele gbâna ŋɔŋ.

⁴Wála-wala káa Yâwɛɛ wóo su, ǹáa fɛ́ɛ a mɛni kpaya-kpaya-ŋa.

⁵Yâwɛɛ wóo a sîda wuru-ŋa ƃûleŋ, gɛ́ kpîŋ Lɛƃanɔŋ sîda wuru-ŋai ɣâle.

⁶A gɛ̀ Lɛƃanɔŋ yee-ŋai díkɛ pìli-pili ɣelêi yɛ̂ɛ niŋa lônii, gɛ́ gɛ̀ Amɔŋ yeei kɛ́ pìli yɛ̂ɛ niŋa nâɣa-ŋa.

⁷Yâwɛɛ wóo a gɛ̀ ŋ̀elei su é kɛ́ mãla-mãla.

⁸Ŋ̀óo a gɛ̀ vɛ̃ɛ-kpâlaŋ é túmo-tumo, é gɛ́ Kedɛ fɛ̃ɛ-kpalaŋ é kpɛ̃lîŋ.

⁹Yâwɛɛ wóo a gɛ̀ ôo wuru-ŋai dí túmo-tomo. A wúru-ŋa láa wèyeŋ dîa, diai Ŋ̀âla-pɛrɛ Kɛ́tɛi mui, dí láɣi ɣelêi pere dîyɛɛi, “Láa maa tɛ̂ tɛ́ɛ Ɣâla pɔ́!”

¹⁰Yâwɛɛ ŋɔwála-wala-laai káa ǹyá-ŋai kélee mɛi. Gáa a kâloŋ wɔ́lɔ-wɔlɔ da wɔ́lɔ-wɔlɔ mɛni ma.

¹¹Yâwɛɛ a gɛ̀ ŋɔnûai kponôi é kpanaŋ. A lûwa làa dîa lii-see kɛ́ ƃò díyêei.