Read Kpelle Wule-woo-ŋa 36 Bible Online

Wule-woo-ŋa 36 - Kpelle bible

Wule-woo-ŋa 36

¹Deeƃé nyii gáa a Yâwɛɛ yée mu-nuui ŋɔwulei nyii è bɔ̃yɛ ŋ̀ule too-ƃelai láa túɛ-nuui mɛni mai Sɔnyɔ̂ŋ a lôno ŋ̀wana-lɔ̂ɔ-ƃelai líi su. À kɛ̀ tí, dífa ŋɔ́nɔ kɛ̀ a díkpaaŋɔɔ Ɣâla mɛni ma.

²Da kɛ̂ a díkɛtɛɛ díkpîŋ ŋɛ́i. Da kɛ̂ gâai m̀ɛni nyɔ́mɔɔi da gɛ̂i, Ɣâla fé pâi gɔ̂lɔni é díkula maa kɛ́ m̀ɛni ma.

³Dílono-woo nyɔ̂mɔɔi díla. Díla-woo kélee káa nɔ́ a nûa kíri-woo-ŋa tee-tee. Dífa táre mɛni lɛ́lɛɛ kélee da kɛ̀.

⁴Da kɛ̀ lâani, mɛni nyɔ́mɔɔ-ŋa nɔ́ ƃé da kɛ̂ gbɛtɛ̂i dílli su. Dí kɛ́-mɛni da kélee fé lɛ́lɛ ní. Dífa díyee kùla mɛni nyɔ́mɔɔ da kɛ́ mɛni mu.

⁵Yâwɛɛ, íwɛli kɛ́ maa kpanaŋɔɔi káa ŋ̀ele-kɔlɔŋ ma, íteniŋ ƃô-laai seriɛɛ ŋ̀ele-kɔlɔŋ ma.

⁶Íteniŋ ƃô-laai tɔɔ̂i yɛ̂ɛ yée kpaya-kpaya-ŋa, ítɔ̃yâ-laai mɛni seriɛɛ yúo kpóŋ ma. Í kpáaŋɔɔi núu-kpune da fɛnɛ-sãa mɛni ma.

⁷Íwɛli kɛ́ maa kpanaŋ mɛni kpanaŋɔɔ̂i, óo Ɣâla. Nûa da kɛ̀ íkoôŋ mu, ŋuŋ ma ƃô káa díyêei.

⁸Ya kúu kɛ̀ ímaa ŋɔ̃ya-ŋai dîa, mii-sɛŋ támaa a kɛ̂ naa. Gbele-sãai ya dɛ̀ɛ dípɔi, a kɛ́ a nɛ̃ɛ, zu kɛ́tɛ yɛ̂ɛ ya-lee.

⁹Yá ƃa fúlu-laa kélee kɔ́ɔ pîlani. Yá ƃé kwa kwaa ponoɔɔ kàa ísârai.

¹⁰Íwɛli kɛ́ maai é kɛ́ nɔ́ liî tuɛ-pere diai mɛ̂ni ma dí íkɔlɔŋ. Deniŋ ƃô-ƃelai ŋuŋ ma ƃó.

¹¹Ífe ǹɛɛ naa su mɛni kɛ̂tɛ nuu da é lɛ́ɣɛ ŋ́gɔlɛ, kpaa máŋ ŋwana-lɔ̂ɔ-nuu é gɛ́ ŋá pú.

¹²Gáa berei ǹúu sɔŋ nyɔ́mɔɔ-ŋai toɔɔ̂i la kpɔ́ ǹɔii ma kpala-ɣalai. Dítoɔɔ̂i, dífa pɔ̂ri dímu siɣêi ŋɔ́nɔ.