Read Kpelle Wule-woo-ŋa 43 Bible Online

Wule-woo-ŋa 43 - Kpelle bible

Wule-woo-ŋa 43

¹Óo Ɣâla, ǹɛ́ a gɛɛ ḿaa waâi. Ḿaa kɔ̃ɔ diai yêei dífe láa ní a ímaa mɛ̂nii. Ŋ́gula kíri-ƃela da wôya-ƃela yêei.

²Yá ƃa Ŋáɣâlai. Yá ƃa ŋ́uŋ ma ƃó-nuui. Ya nia ḿâ lé mɛni ma? Ya ǹɛɛ̂i naa ŋ́gbɔara-ƃelai díkɛ tùa ŋí a ńyãa a dáre kɛ́ɛ ŋí ŋ́gɛ mɔ̃lɛ lé mɛni ma?

³Ǹɛɛ naa íkwaa ponoɔɔi da ítɔ̃yâ-laai, díkɛ a ńdeniŋ tɔɔ sãa, dí pá a ńyãa íyee maa waai Zãiyɔŋ ma, ŋ́gɛ ƃò naa Ípɛrɛ Kɛ́tɛi mu.

⁴Óo Ŋáɣâlai, gɛ̀ ní, ŋa pâi liî íteƃelei ma ŋá ífɛli naa, kpɛ́ni fêi, yá ƃa gɛ̀ ŋ́gɛ koi-nɛ̃ɛ kùla. Ŋa pâi kɔnîŋ ɣâlei ŋá laa ma tɛ̂ wule too yâ, óo Ɣâla, yá nɔ́ ƃa Ŋáɣâlai.

⁵Ŋa malôŋ see ƃôi a ŋ̀ánaa lé mɛni ma? Ńii a kɔ kɔ̂i lé mɛni ma? Ŋa pâi ŋ́gili tɔɔ̂i Ɣâla ma ŋá ǹáa ma tɛ́ ŋɔ́nɔ. Ǹyaa ƃa ŋ́uŋ ma ƃó-nuui da Ŋáɣâlai.