Read Kpelle Wule-woo-ŋa 58 Bible Online

Wule-woo-ŋa 58 - Kpelle bible

Wule-woo-ŋa 58

¹Deeƃé ŋɔwulei nyii è bɔ̃yɛ ŋ̀ule too-ƃelai láa túɛ-nuui mɛni mai Káai a ǹúu láa túɛ-ƃelai, ka mɛni sâa ƃò a ǹɛ́lɛɛ? Ka mɛni sâa ƃò a teniŋ ƃô pere?

²Kpao, ka mɛni nyɔ́mɔɔ kpɛ̀tɛ kálii su. Kákɛ tùa a ŋwana-lɔ̂ɔ pere ǹɔii ma.

³Ŋ̀wana-lɔ̂ɔ-ƃelai da kúla berei ma a díloloŋ tãi. É síɣe díkwatara tãi ma, da kɛ́ a pilaŋ gɔ́ɔ ma-ƃela díkɛ lɛ́ɛ kɛ̀.

⁴Díwoo a tâa-taa yɛ̂ɛ kali ŋwâna, da díwoli lá tɛ̀ yɛ̂ɛ wurûŋ nyii ŋ̀óli tíniŋɔɔi,

⁵nyii va kali sâle kɛ́-nuu wóo mɛ̀ni, berei máŋ a gɛ̀ la a táre-perei.

⁶Óo Ɣâla, ye ǹyala-sulu líi ŋwánaa-ŋai ŋí nyíŋ ɣále dí lá.

⁷Tɔ́ɔ dí ƃɔ́ yɛ̂ɛ yá. Tãi da díkerâŋ pîli lai, ǹɛɛ naa dɔ̃ai ŋá é kpíri.

⁸Tɔ́ɔ díkɛ yɛ̂ɛ koleŋ nyii ǹaa-lâa a kpâla mai. Díkɛ yɛ̂ɛ lôloŋ nyii lɛ̀ɛ pɛ́rɛ pôlu vé vóloi káa níi.

⁹Dílɛɛ pâi gɔ́lɔnii, dí dífàla yɛ̂ɛ kala. Ɣâla a pâi dífɛ̂ɛi a ŋɔlii ŋwâna kɛ́tɛi.

¹⁰Dɔ̃yâ-ƃelai líi a pâi nɛ̃ɛ̂i a tãi da pâi zɔnyɔ̂ŋ-ƃelai kula maa kɛ̂i kâai lai. Da pâi díkɔɔ ma waâi ŋ̀wana-lɔ̂ɔ-ƃelai ŋãa su.

¹¹Ǹûai da pâi m̀ôi dîyɛɛi, “Tɔ̃yâ ma, deniŋ ƃô-ƃelai da dí fela fêi sɔlɔ ƃó. Tɔ̃yâ ma, Ɣâla káa naa nyii a ǹɔii ŋɔmɛnii ŋá tèei.”