Read Kpelle Wule-woo-ŋa 8 Bible Online

Wule-woo-ŋa 8 - Kpelle bible

Wule-woo-ŋa 8

¹Deeƃé ŋɔwulei nyii è bɔ̃̀yɛ ŋ̀ule too-ƃelai láa túɛ-nuui mɛni ma a gɛɛ díkɛ dòo a kɔnîŋ Óo Yâwɛɛ, Kúnuu-namui, íkɛtɛ-laai maa tûŋ káa ŋ̀éniɛi gwaa kélee. Vúlu-sãai kélee ŋ̀elei sui, da ílaa maa tɛ̂.

²Nîa-pɛlɛɛ da kwâtara-ŋa kélee da ílaa maa tɛ̀ wule-woo-ŋa su. Ya íkpɔara-ƃelai kélee su kàra. Díta fa pɔ̂ri mɛni da kɛ̂i a yá.

³Ŋa ŋ̀elei su kàa, ŋa zãai kàa í díkpɛ̀tɛ í dípu naai. Í bɛ̂mɛlɛŋ-kao kɛ́tɛi kpɛ̀tɛ da bɛlɛ-pɛlɛɛi í dísee ŋ̀ele-kɔlɔŋ su.

⁴Lé ƃa núu-kpune ǹyaa íkpaaŋɔ̂ɔi m̀ɛni mai? Núu-kpune nyii víi kpɛɛ̂i, íkpaaŋɔ̂ɔi m̀ɛni ma lé mɛni ma?

⁵Yá ƃé gbɛ̀tɛ, ǹyaŋ yá tɔnɔ kpéŋ ƃé íwala-walai tɛɛ̂i m̀a. Í gbɛ̀tɛ í wála-wala tɛɛ bɔ́, ƃaa kɛ́-maa kɛ́ ƃò m̀a.

⁶Í wála-wala tɛ̀ɛ bɔ́ íkpɛtɛ-sãai kélee mɛi. Sɛŋ kélee káa ŋɔwála-walai mu,

⁷ƃála-ŋa, niŋa, fɛnɛ-sãa sii kélee,

⁸ŋ̀ɔni-ŋai ŋ̀elei sui, yúo su nyɛ̃ɛ-ŋai, da zãâi da kpɛ́ni-ŋai kélee yúo sui.

⁹Óo Yâwɛɛ, Kúnuu-namui, íkɛtɛ-laai maa tûŋ káa ŋ̀éniɛi gwaa kélee ḿâ.