Read Kpelle Wule-woo-ŋa 80 Bible Online

Wule-woo-ŋa 80 - Kpelle bible

Wule-woo-ŋa 80

¹Asafa ŋɔserê-faa wulei nyii è bɔ̃yɛ ŋ̀ule too-ƃelai láa túɛ-nuui pɔ́naa nyii da dòo yɛ̂ɛ berei da lêle-wulei tôo lai Íwoli tɔ́ɔ kûa, óo yái ya Eezuɛ mɛi kâa yɛ̂ɛ ƃála mɛi káa-nuui, í Zosɛ ŋɔsuui téniŋ tɔ́ɔ yɛ̂ɛ ƃála mɛi káa-nuu. Íkaa seêni íkâloŋ see-sɛŋ ŋá ŋ̀âla-taa kooŋ-sãai kélee mɛi-pere.

²Íkpîŋ lɛ́, Ifiraŋ, Bɛŋsima da Manasɛ ni dísuui su-ƃelai dîa. Kúŋuŋ ma ƃó a íwala-wala-laai.

³Óo Ɣâla, pá a kûa pôlu! Íƃɛlɛ sêei lɛ́ kûa, gɛ̀ ní kwa pâi ƃâloi!

⁴Ŋ̀wála-wâla kélee Ɣâlai Yâwɛɛ, tãi ɣɛɛlu ƃé ya pâi kɛ̂i a ílii ŋwánaa la ínûai dîa ífa dífɛli-wooi su tooi?

⁵Ya gɛ́ mɛni kpɔ̂lu a láa kûa gɛ́ ƃò yɛ̂ɛ mii-sɛŋ kúkɛ mii, kúŋɛi ya kɛ́ ƃò yɛ̂ɛ kpele ya, gɛ́ ƃò kɔɛɛ su kúkɛ gbèle.

⁶Ya gɛ́ kúkɔlɛ ma lɔii-ŋuŋ-ŋai díkɛ kɔ̀ kúpɔ kúlɔii mɛni ma, kúkpɔara-ƃelai díkɛ kúwoo nyɔ̂ŋ fè.

⁷Óo Ŋ̀wála-wâla kélee Ɣalai, pá a kûa pôlu. Íƃɛlɛ sêei lɛ́ kûa, gɛ̀ ní kwa pâi ƃâloi!

⁸Kúkaa yɛ̂ɛ kpɔmɔ ƃa kaoi, í gùla Ize lɔii su, í pá la í lɔii-ŋuŋ da kpɛ́ni-ŋa su-ƃela kpɛ́ dílɔii ma í zí naa.

⁹Í ǹɔii ma kpɛ̀tɛ zí mɛni ma. Zame è lɔ̀ é ƃûu ƃó é ǹɔii láa fɛ́ɛ.

¹⁰Ǹinîŋ è ǹyée-ŋai mɛi pɛ̂lɛ, ŋ̀oŋo-ŋai dí sîda wuru kpaya-kpayai mɛi pɛ́lɛ.

¹¹Ŋ̀oŋo-ŋai dí kôya-koya dí seri Mɛditɛrenia Yuoi ma, dí lí dí seri Yufeletii Ya-leei ma.

¹²Kɛ́lɛ í m̀aa kóli sãai kùla naa lé mɛni ma? Ya gɛ̀ tɛɛ-a-pere ƃela líi a kpele mà. Da kɛ̀ tɛɛ̂i da kɛ̂ m̀á da-ŋa ŋûmai ŋ̀á.

¹³Lɔɔ ƃoi-ŋa da kɛ́ dáŋ tânii, gɛ́ ƃò a fɛnɛ-sãa kɔ́nɔ̃ŋ.

¹⁴Óo Ŋ̀wála-wâla kélee Ɣalai, tínaŋ kúpɔ naa pere. Lɛɛ ŋ̀elei su í íŋuŋ ma pîlaŋ í kúkaa. Ínûai ŋuŋ ma ƃó.

¹⁵Gbɔmɔ-kpâlaŋ ŋí í ǹá ƃòi, a ƃûu ƃôi a zu kɛ́tɛi, ye maa kpɛ́.

¹⁶Kúkpɔara-ƃelai da gbɔmɔ-ŋai su tée-tèe da dípu ŋɔŋ ŋá. Dísu kara a lii ŋwâna pere.

¹⁷Ǹûai ya dísiɣe zu a ínûai, ya wála-wala-laa tɛɛ dípɔi, dímaa kɔ̃ɔ.

¹⁸Kúfe pâi ŋɔ́nɔ kúpôlu tɔɔ̂i yâ. Ǹɛɛ naa kúkɛ ƃò ɣele ma. Kwa pâi kɛ̂i nɔ́ ílaa maa tɛ̂i.

¹⁹Óo Ŋ̀wála-wâla kélee Ɣalai, pá a kûa pôlu. Íƃɛlɛ sêei lɛ́ kûa, gɛ̀ ní kwa pâi ƃâloi.