Read Kpelle Ikilisiati 8 Bible Online

Ikilisiati 8 - Kpelle bible

Ikilisiati 8

¹Ǹɛ̂lɛɛi núu é kɛ́ a dáreɛɛ. Táre a gɛ̀ núu é mɛni maa kpɛ́ɛ é pɔri maa mɛ̂ni ŋá lɛ̂i. Táre a gɛ̀ núu é ɣɛ́lɛ ǹá kɔlɛ, ŋ̀ɛ́i maa é fáleŋ a ǹɛ́lɛɛ.

²Ka gâloŋ wóo mɛ́ni, kpɛ́ni fêi, ka káfòo Ɣâla ŋɛ́i a gɛɛ ka pâi gɛ̂i tí.

³Káfe kùla gâloŋ ŋɛ́i túɛ a wála-wala-laa. Káfe gbɛ̀tɛ ká kíli-ŋa a gɛɛ Ka pâi mɛni nyɔ́mɔɔ kɛ̂i la, kpɛ́ni fêi, m̀ɛnii kélee a wɛ̂li é gɛ́ a kaai, a pâi gɛ̂i.

⁴Wála-wala-laa káa kâloŋ yêei. Gbɛ̂ɛ ƃa pɔ̂ri kulâi ŋ̀óo mu kpaa máŋ é m̀arê kɛ̂i?

⁵Ǹúui a ŋ̀óo mɛnii va mɛni-soli sɔlɔ ƃô ǹyêei. Táre nuu è berei kɔ́lɔŋ a tûa la kâloŋ yée mui.

⁶Mɛni kélee kɛ́ tãi da gɛ́-pere káa ma. Núu ŋɔlii too pôlui a wùyɛ mà yɛ̂ɛ kpîri.

⁷Núu da fé tínaa tuɛ-pere mɛni kɔ́lɔŋ. Núu da fa pɔ̂ri m̀ɛnii ƃôi pâi kɛ̂i tínaa.

⁸Berei nɔ́ núu fa pɔ̂ri vãai kperâi la a gɛɛ vé tɛɛi, bere nɔ́ ƃé núu da fa pɔ̂ri zaa ɣele kuui tuânii la tuɛ-pere. Núu da fa pɔ̂ri ŋ̀ele kûui ŋí maa fálenîi kpaa máŋ é pú ǹyêei. Gɔ́i ŋí ƃé núu da fa pɔ̂ri kulâi ǹyêei é pú.

⁹Ŋá ŋ́gili ŋá sìa é pîlaŋ m̀ɛni-ŋai ŋí kélee dîa ŋá ŋ̀á káa. Diai wála-wala káa díyêei, da ǹúu doo-mu-ŋai lùaŋ.

¹⁰Ŋa nûa káa díkɛ kula núu da loôi nyíi dûa-pere è kɛ̀ a nyɔ́mɔɔi. Daa-lee ŋí su-ƃelai díkɛɛ kulâi ǹúui ŋí loôi, díkɛ ǹáa maa tɛ̂i. Nyíŋi máŋ káa nɔ́ kpɛ́ni-kpɛni.

¹¹Da wàla mɛni nyɔ́mɔɔ kɛ́-nuu kula maa kɛ́ a maa félaa, sɔnyɔ̂ŋ a ƃûu ƃò.

¹²Gáa a tɔ̃yâ a gɛɛ ŋ̀wana lɔ̂ɔ nuu a mɛni nyɔ́mɔɔ kɛ̀ é tɛ́ɛ ŋuŋ tɔ̂nɔ ma é tûa ɣele ma. Kɛ́lɛ ǹúui a yâo Ɣâla mai, maa mɛ̂ni kélee ŋ̀aa-see a kɛ̂ a ǹɛ́lɛɛ.

¹³Tãi nɔ́ zɔnyɔ̂ŋ-ƃelai dífa yâo la Ɣâla mai, lii-nɛ̃ɛ fé díyêei díkɛ-ɣeniɛi su, ǹyaŋ da sâa nɔ́ yɛ̂ɛ kɔyɛ̂ŋ a tèe.

¹⁴Ŋá ŋɔ́nɔ mɛni tɔ̂nɔ kàa ŋ̀éniɛi ŋí su nyii gáa nɔ́ kpɛ́ni-kpɛnii. Sɔŋ lɛ̂lɛɛ-nuu a sɔnyɔ̂ŋ-nuu ŋɔsɔnyɔ̂ŋ kula maa da sɔlɔ ƃô, sɔnyɔ̂ŋ-nuu kɛ́ sɔŋ lɛ̂lɛ-nuu ŋɔmɛni lɛ̂lɛɛ kɛ́ɛi su tòo sɛ̂ŋ da sɔlɔ ƃô.

¹⁵M̀ɛnii nɔ́ a m̀ɛni lɛ́lɛɛi ŋá gàa ŋ̀éniɛi ŋí sui ƃa, núu é ŋɔɣéniɛi ŋ̀aa-nɛ̃ɛ kula. Mɛni lɛ́lɛɛ da fé naa é kúla núu kɛ́ɛ é ǹáa míi ma, é kpele-sɛŋ kpele, é lii-nɛ̃ɛ kula. M̀ɛni lɛ́lɛɛ-ŋai nɔ́ núu a zɔlɔ ƃô ŋɔtíi kpânaŋ kɛ́ɛi s nyii Ɣâla è dɛ̀ɛ bɔ́i dia ká ŋí.

¹⁶Ŋá tãi támaa sìɣe ŋá táre maa kɔ́ri ŋá núu-kpune ŋɔmɔ̃lɛ-laai maa kpɛ́ɛ ɣele ma. Ŋɔkili-ŋa sîai a gɛ̀ va nyîi a kpíni da fólo.

¹⁷Núu da fa pɔ̂ri m̀ɛni-ŋai kélee ŋá kâai ma nyii-ŋai Ɣâla a gɛ̀ a ɣele lá ƃóɔɔ kéleei, berei máŋ a sɛŋ maa kɔ̂rii la a kpíni da fóloi. A nɛ̃ɛ ma kpîŋ núu da é mó ǹyɛɛ dáreɛ̂ɛi, va pɔ̂ri m̀ɛnii kɔ́lɔnîi.