Read Kpelle Wule-ŋa Kélee Mɛi Wûle 7 Bible Online

Wule-ŋa Kélee Mɛi Wûle 7 - Kpelle bible

Wule-ŋa Kélee Mɛi Wûle 7

¹Óo gâloŋ ǹóŋ-nɛnii, íkɔɔ lɛ̂lɛɛi kɔlɔ su. Íwɛrɛ-kɔŋ lɛ̂lɛɛi yɛ̂ɛ kɔni sɔ̃ɔ kpanaŋɔɔ ƃé yɛrɛ-nûu a zàa.

²Íwoliŋ káa yɛ̂ɛ ƃɔ̂ri pane kíni-kiniɛɛ nyii ŋwã̂ai sumoɔ́ɔ fa wɔ́lɔ kpɛ̀ɛ zui. Íkoo-ƃɔ̂lɔŋ káa yɛ̂ɛ sí-sãa maa kóliɛɛ a wúru-ŋa nyii-ŋai dípoa lɛ̂lɛɛi.

³Íŋini káa yɛ̂ɛ tôa feerɛ. Gáa yɛ̂ɛ tôa feerɛ nyii-ŋai díkaa a nyûa-ŋai.

⁴Íkɔŋ kôyaai yɛ̂ɛ séle nyîŋ yèŋ-keŋ. Íŋɛi káa yɛ̂ɛ Ɛsibɔŋ Poai nyii gáa Bɛ-Lebiŋ getii kɔlɛi. Ísũa lɛ̂lɛɛi yɛ̂ɛ Lɛƃanɔŋ yeŋ-keŋ nyii gáa Dɛmɛika taa-leei mɛi.

⁵Íŋuŋ kpɛtɛ-pêre lɛ̂lɛɛi yɛ̂ɛ Kamɛɛ yeei. Íŋuŋ-lêɣa lɛ̂lɛɛi a ŋ̀ánaa. Gbɛtɛ-pêre a kâloŋ líi sòŋ.

⁶Ílɛ̂lɛɛi a ŋ̀ánaa. Ímaa mɛ̂ni a ńii sóŋ a ŋ̀ánaa.

⁷Ísã̂ai yɛ̂ɛ tóu-wuru, íŋini kɛ́ ƃò yɛ̂ɛ tóu-ŋuŋ.

⁸Ŋá mò ńyɛ̂ɛ ŋa pâi tɛ̂i dóui ŋí su ŋá ńyee pɛ́lɛ ŋuŋ ma. Íŋini káa yɛ̂ɛ kpɔmɔ-ƃa tìyɔŋ-ŋa. Ílɛ̂wo kúŋ nɛ̃ɛ̂i yɛ̂ɛ âpɔ kpɔlu.

⁹Íla-gbɔ seɛ́ɛ ḿâ lɛ̂lɛɛi. Ŋ̀áa nɛ̃ɛ̂i yɛ̂ɛ núu à kɛ̀ ŋwã̂ai lɛ́lɛɛ kpelêi, gɛ́ tɛ̂ɛ ǹá-gbɔ ma, gɛ́ yèŋ ǹyíŋ loai gɛ́ yèŋ.

¹⁰Ŋ́gaa a ŋáwɛli kɛ́-maa nûui pɔ́ɔ. Ḿaa mɛ̂ni a tɛɛ ǹíi pôlu a ŋ̀ánaa.

¹¹Ŋáwɛli kɛ́-maa nûui, pá kú lí gbâlaŋ-ŋai ŋá, kú nyíi gbanâŋ-ŋai lá.

¹²Kwa pâi liî gbɔmɔ-ƃa kpalaŋ ŋá a sómoɔɔ kú gáa à kɛ̀ da kɛ́ poâi, da-ŋa díkɛ ƃà, pɔmegurane-ŋai dí kɛ́ pòa. Ǹaa ƃé ŋa pâi ŋáwɛli kɛ́-maai lɛ̂i naa yâ.

¹³Madirɛ[1] wuru-poa-ŋai kúŋ a táa-tâa. Óo ŋá wɛli kɛ́-maa nûui, mɛni lɛ́lɛɛ nina támaa da bɔlɔ tínaŋɔ̂ɔi kúpɛrɛi gbôŋ ma, ǹyaŋ ŋ́gaa nɔ́ wɔ́lɔ ƃɛ́, ŋ́gɛ dílâai kɛ̀ ímɛni.