Read Kpelle Azaya 24 Bible Online

Azaya 24 - Kpelle bible

Azaya 24

¹Yâwɛɛ a pâi ǹɔii su karâi é ǹaa lɛɛ a bûŋ. A pâi gɛ̂i ǹaa-ƃela kélee dítaa-tâa.

²Núu kélee a pâi mɔ̃lɛi m̀ɛnii ŋí su, sâla láa soŋ-ƃela, luɛ-ŋa, luɛ-namela, pɔni tɔɔ-ƃela, kpa pili-ƃela da kpa soŋ-ƃela, tɔɔ-ƃela da kôlo-ƃela.

³Ŋ̀éniɛi su a pâi lɛɛ̂i a pilêŋ ŋá tee-tee. Yâwɛɛ ƃé m̀o tí.

⁴Tuna fé ŋɔ́nɔ pûi. Ǹɔii a kpála, zu-sãa kélee da saa.

⁵Ǹûai díŋwana-lɔ̂ɔ tuai a ǹɔii lá-fɛɛ. Dɔ̂ŋ Yâwɛɛ è gbɛ̀tɛ dímɛni ma wɔ́lɔ-wɔlɔ da wɔlɔ-wɔlɔi, da gàra.

⁶M̀ɛni ma Ɣâla a ǹɔii náɣaŋ. Zu-ƃela da pâi dísɔnyɔ̂ŋ fela-fêi kɛ̂i. Dɛi-tɛ́i nɔ́ ƃé pâi lɛɛ̂i ǹɔii su.

⁷Gbɔmɔ-ŋai da kpála gbɔmɔ kpâlaŋ ŋá. Ŋwã̂ai fé ŋɔ́nɔ naa gbele mɛ̂ni ma. Lii-nɛ̃ɛ mɛni da fé ŋɔ́nɔ naa.

⁸Kɔnîŋ ɣale tîŋ da gbùŋ-gbuŋ tua tîŋ da fé pâi ŋɔ́nɔ tɛ̂i.

⁹Ŋwã̂ai da fé ŋɔ́nɔ naa a gɛɛ ǹûai dí gbele díkɛ wule-tôo. Lɔɔ a pâi ŋwânai núu-kpune lá.

¹⁰Daa-lêe-ŋai su a pâi kɛ̂i wúlee. Ǹûai da pâi lɔ̂i dípɛrɛ-ŋai mu dí ǹá tɛ́ dîa.

¹¹Nûa da pâi kɛ̂i tɛ̂i díkɛ yèŋ daa-lêei su ŋwã̂ai mɛni ma kɛ́lɛ dífa zɔlɔ ƃô. Lii-nɛ̃ɛ fé pâi kɛ̂i núu da kélee ma ǹɔii su.

¹²Daa-lêe-ŋai lá geti-ŋai kélee da wólo, daa-lêe-ŋai su a kara, ǹaa a lɛɛ a pilêŋ ŋá.

¹³Ǹyaŋ bere nɔ́ ƃé a kɛ̂i la a ǹɔii-ŋûŋ-ŋai kélee ŋ̀éniɛi gwaa kélee. Ǹaa a pâi kɛ̂i yɛ̂ɛ da kpɛ̀ɛ a sí-sãa ƃá kuláa ŋá da gbaŋ su kɔ̀ri.

¹⁴Diai pâi lɛɛ̂i ɣele mai, da pâi wule toôi dí lii-nɛ̃ɛ kula. Da pâi kulâi vóloi-liî-pere díkɛ Yâwɛɛ láa maa tɛ̀.

¹⁵Diai vóloi kulâi perei, da pâi ǹáa maa tɛ̂i. Diai ǹyái koo-mai, da pâi Eezuɛ Ɣalai Yâwɛɛ láa maa tɛ̂i.

¹⁶Kwa pâi díwule-woo-ŋai mɛnîi gɛ́ kùla ŋ̀éniɛi m̀éla kélee ma gɛ́ laa maa tɛ̂ tɛ̀ɛ Yâwɛɛ pɔ́ nyii diniŋ ƃôɔɔi. Kɛ́lɛ kíli kɛ zu fé ńyêei. Ŋ́zu a karâi. Wôya-ƃela díkaa nɔ́ ḿbɛlɛ̂i, díwôya tuai su kɛ́ kɛ̀tɛ nɔ́ a tãi kélee.

¹⁷Ka káwoli tɔ́ɔ ḿâ. Mɛni kpɔ̂lu-ŋa, lóa-ŋa, da ƃáre-ŋa díkaa káperêi.

¹⁸Ǹúui pâi kɔ̂i a gɛɛ é kúla m̀ɛni kpɔ̂lui perêi, a pâi toôi ǹóai su. Ǹúui pâi kɔ̂i a gɛɛ é tɛ́ ɣelêi a gɛɛ vé tòo ǹóai sui, a pâi kɔ̂i a m̀arêi. A pâi kɛ̂i tí, kpɛ́ni fêi, tuna kpɛɛ́-pôlu a pâi pûi, ǹɔii é kpɛ̃lîŋ.

¹⁹Ǹɔii a pâi kpɛ̃linîi é wólo zu, é táa-tâa.

²⁰Ǹɔii a pâi kɛ̂i díkɛ̂i tàka-taka yɛ̂ɛ lɔɔ kpele-nûu, gɛ́ làa-laa bɛ̂rɛ ma yɛ̂ɛ fãa a sèe pɛ́rɛ ma. Ǹɔii ŋɔsɔnyɔ̂ŋ a wuyɛ ma a ŋánaa. A pâi toôi ǹyaŋ vé ŋɔ́nɔ pâi mu siɣêi.

²¹Maa ɣêlei tí, Yâwɛɛ a pâi ŋ̀ele-kɔlɔŋ su wala-wala-ƃelai da ǹɔii ma-ƃela láa túɛ-ƃelai kula maa kɛ̂i.

²²A pâi díŋaa tɛ̂i díkîe ma, é dípu lôai yɛ̂ɛ mɛni kɔ́ri-ƃela é ǹáa tɛ́ dîa. Ǹaa su a kòya, a pâi díkulâi naa é díkula maa kɛ́.

²³Ŋ̀áloŋ fé pâi ŋɔ́nɔ fôloi, fólo fa tôo. Ŋ̀wála-wâla kélee Ɣalai Yâwɛɛ a pâi kɛ̂i a Kâloŋ Zerusâlɛŋ Zãiyɔŋ Yeei ma. Ǹúu láa túɛ-ƃelai kélee da pâi ŋɔkɛ́tɛ-laai kɔ́lɔnîi.