Read Kpelle Levetekɔ 12 Bible Online

Levetekɔ 12 - Kpelle bible

Levetekɔ 12

¹Yâwɛɛ è mò Mose ma ǹyɛɛi,

²“M̀ó Eezuɛ-ŋai dîa, à kɛ̀ nɛnî maa a fùloŋ, ǹóloŋ kɛ́ a surɔ̂ŋ loo, maa nɛnii maa fé pâi kɛ̂i a ŋ̀wáa fólo lɔ́ɔlu mɛi feerɛ yée mu yɛ̂ɛ berei a kɛ̀ la tãi a kɛ̀ ǹyée ŋá waâi lai.

³Ka ǹóloŋ kpɛtɛ a vóloi ǹɔ́ɔlu mɛi saaƃa ɣelei.

⁴Gɛ̀ ní é maa kpɛ̂ŋ kɛ́ a fólo buu saaƃa káo saaƃa é lɛ́ɛ pâi kɛ̂i a maa waa ŋãai mɛni ma nyii kùla gbonoi. Vé tela lɛ̀ɣɛ sɛŋ da ma nyii maa waai kpaa máŋ é lí Yâwɛɛ ŋɔpɛ́rɛ maa waai mu é lɛ́ɛ la zu ŋ̀ele kûu-ŋai ŋí dí tɛ́ɛ.

⁵“Kɛ́lɛ à kɛ̀ ǹóloŋ à kɛ̀ a nɛnî-loo maa nɛnîi maa fé pâi kɛ̂i a ŋ̀wáa fólo puu káo náaŋ yée mu yɛ̂ɛ berei a kɛ̀ la tãi a kɛ́ ǹyée-ŋa waâi lai. Ǹyaŋ fólo buu lɔ́ɔlu mɛi da káo lɔ́ɔlu mai da é tɛ́ɛ é lɛ́ɛ pâi kɛ̂i a maa waa ŋãai mɛni ma nyii kùla gbonoi.

⁶“Tãi ŋ̀ele kûu-ŋai ŋí da kpɛ̀ɛ lai, ǹóloŋ é máŋ kɛ́ a surɔ̂ŋ-loo kpaa máŋ nɛnî-loo, gɔ̃ɔ-leei é pá a kóraŋ tɔnɔ ƃala loŋ kéreŋ sala kula mɛni ma da popôo kpaa toloŋ tɔnɔ sɔnyɔ̂ŋ sala kula mɛni ma Yâwɛɛ ŋɔpɛ́rɛi lá.

⁷Gɛ̀ ní Zâla láa soŋ-nuui a pâi zãai ŋí láa serîi Yâwɛɛ ma nɛnîi kpîŋ ŋɔsɔnyɔ̂ŋ su mɛni lɛɛ mɛni ma ŋãai kúla gbonoi mɛni ma. Ǹyaŋ a pâi kɛ̂i a m̀aa waa. Dɔ̂ŋ-ŋai ká ŋí fɛ̂ɛ nɛnî é mɛi káa tãi m̀aa a fóloŋ lai.

⁸“À kɛ̀ va pɔ̂ri m̀ála loŋ sɔlɔ ƃôi gɛ̀ ní é pá a toloŋ feerɛ kpaa máŋ popôo feerɛ, dɔnɔ é kɛ́ géreŋ salai kula mɛni ma, gbéli kɛ́ ƃo zɔnyɔ̂ŋ salai kula mɛni ma. Zâla láa soŋ-nuai a pâi sâla kulâi a zãai ŋí ǹɛnîi ŋɔsɔnyɔ̂ŋ su mɛni lɛɛ mɛni ma, ǹyaŋ ŋɔsɔnyɔ̂ŋ su mɛni a pâi lɛɛi. Ǹɛnîi maa a pâi kɛ̂i a ŋ̀waa.”