Read Kpelle Zɛlemaya 45 Bible Online

Zɛlemaya 45 - Kpelle bible

Zɛlemaya 45

¹Zɛoakiŋ è kɛ̀ a kâloŋ Zuda lɔii mɛi. Ǹâŋ láa ƃé wɔ́lɔ kɛ̀ a Zosaya. Zɛoakiŋ kɛ́ɛ gâloŋ-laai su ŋɔkóraŋ ǹáaŋ sú, Bâru è m̀ɛni-ŋai pɔ̃yɛ tɛi-tɛi yɛ̂ɛ berei ŋá mò la m̀ai. Ŋá mò m̀a

²a gɛɛ Yâwɛɛ nyíi gáa a Eezuɛ Ŋɔɣâlai è mò ǹyɛɛi, “Bâru,

³yâ m̀ôi yɛ̂, ‘Pere fé ŋɔ́nɔ ńyêei. Yâwɛɛ a ŋámɛni kpɔ̂lui da pú ma. Ŋa lɛ́ɛ nyiɛ̂i ḿvii a kpɛɛ, ḿva pɔ̂ri máŋ ḿvii tɔɔ̂i.’

⁴“Kɛ́lɛ, ńyãa Yâwɛɛ, zãâi nyíi kélee ŋá dɔɔi, ŋa pâi gélee kpɔ́ wôloi, nyii-ŋai ŋá zìi, ŋá gélee kpɔ́ ƃúleŋ. Ŋa pâi nyíŋi kɛ̂i ŋ̀éniɛi gwaa kélee ma.

⁵Yá íkpîŋ mɛni wɛ̂lii? Ífe gɛ̀ tí. Ŋa pâi pâi a mɛni kpɔ̂lu su kɛ́tɛ núu-kpune sáma. Kɛ́lɛ, ya pâi ŋuŋ-ma ƃô sɔlɔ ƃôi ƃɛ́i kélee kpɔ́ ya lî naai. Ńyãa Yâwɛɛ ƃé mò tí.”