Read Kpelle Izikiɛ 19 Bible Online

Izikiɛ 19 - Kpelle bible

Izikiɛ 19

¹Yâwɛɛ è mò ḿâ a gɛɛ ŋá maloŋ tôo maa wulei ŋí tóo Eezuɛ-ŋai laa-tuɛ ƃelai maa mɛ̂ni ma:

²Ílee è kɛ̀ a yala-sûlu lèe kɛ́tɛ yala-sûlu ŋa sáma. A ǹônii kùla zu ǹyala-sûlu sirɛ wála-walaa sɔŋ nyɔ́mɔɔ-ŋai sáma.

³A ǹóŋ dɔnɔ ŋáa kɔ̀ŋ é berei lɛ́ m̀a a pɔ̂ri gɔ́nɔŋ kɔ̂rii lai. A núu mii pêre maa kɔ̂ri.

⁴Ǹɔii-ŋuŋ ŋai dí m̀aa tûŋ mɛni È too a díloa-ƃarei dí gula naa a kpawɔɔ dí li la Ize lɔii su.

⁵Ǹyala-sulu leei è maa-kpɛŋ kɛ é lɛ́ɛ la zu é gɔ́lɔŋ a gɛɛ kili-kɛ-zu da fé ŋɔ́nɔ kɛ ni naa. Nya ƃe è ŋɔ́nɔ ǹônii dɔnɔ siɣe, é ƃɔlɔ é kɛ́ a yala-sulu wala-walaa.

⁶Tãi è nâa kɛtɛ lai, da m̀araai díke siai. Ǹya máŋ è gɔnɔŋ kɔri pere maa kɔ̂ri, é núu soŋ pere maa kɔri é núu sôŋ gɛ m̀ii.

⁷È dítaa-ŋai wólo nyii ŋai kɛ́ a dímaa tinaŋɔɔi, é dílɛɛ a pileŋ ŋa. É ǹɔii su ƃelai maa yao a tãi a kâa kɛ kpeɣei lai.

⁸Nya ƃe ǹɔii-ŋai dítɔɔ m̀a ǹûai dí pɛlɛ m̀a ƃéla-kélee mâ. Dí dí deɣaŋ pɛlɛ m̀ɛi dízoŋ a díƃarêi

⁹Dí gula a kpawɔ dí nɔ koraŋ su, dí pa la Babelɔŋ kaloŋ pɔ. Dí dòo kpɔnɔ-ŋa, a gɛɛ dífa ŋ̀óo mɛni la ŋɔ́nɔ Eezuɛ yèe-ŋai ma.

¹⁰Kálee è yɛ̂ a kpɔmɔ-ƃa kpalaŋ nyii gáa kpɔmɔ-ƃa kpalaŋ ŋa nyii dízi ǹyai kɔlɛi. Tãi è kɛ̀ la nyái kɔlɛi, È lɛ̀lɛ a ŋáŋaa é ƃâ a dámaa.

¹¹Ŋ̀ówoŋ è kɛ̀ a gbanaŋɔɔ È kɛtɛ é kɛ́ yɛ̂ kâloŋ ŋɔkâloŋ wuru-ŋa. È ƃɔlɔ kpɔ́ é seri ŋ̀ele-kɔlɔŋ su Ǹûai kélee dí gàa berei ǹaa è kɛ la da berei è kɛ a goya lai.

¹²Kɛ́lɛ núu da è ǹíi ŋwana é m̀uleŋ È dòo ǹɔii ma. Voloi kulâi pere fãai è gbala m̀â è pú Ŋ̀ówo-ŋai díkpala. Ŋɔŋ é gereŋ.

¹³Nya ƃe dízi vɛɣɛ-kpalaŋ su, ǹɔii kpalai m̀a nyii yá fé kɛ tì naai

¹⁴Ŋɔŋ a tée m̀a, a ŋ̀ówo da m̀â kereŋ, m̀ɛni ma, ŋ̀owo fé ŋɔ́nɔ pâi kɛ̂i a zu kpanaŋɔɔ, kâloŋ wuru fé ŋɔ́nɔ pâi kɛ̂i naa. Maloŋ tòo maa wule ká ŋí. Ǹyaŋ a pâi kɛ̂i a maloŋ tòo maa wule woo.