Read Kpelle Danîa 6 Bible Online

Danîa 6 - Kpelle bible

Danîa 6

¹Gâloŋ Dairɔ è núu ŋuŋ tɔ̂nɔ pôlu buu feerɛ sìɣe a gɛɛ da dîa-ni dí tíi kɛ́.

²É kúla nyíŋi pôlu, gâloŋ è núu saaƃa sìɣe é dísee ǹûai ŋí mɛi. Ǹûai ŋí dɔnɔ ƃé kɛ̀ a Danîa. Ǹûa saaƃai ŋí da kâa koraŋ-ƃo-ŋa tɛ̀ɛ gâloŋ pɔ́ a tãi kélee. È gɛ̀ tí a gɛɛ gɔ̃liŋ-ŋai da mɛni fé pili zu.

³Danîa ŋɔtíi kɛ́-perei è kɛ̀ a ǹɛ́lɛɛ é tɛ́ɛ díi kɛ́-ƃelai gbéli-ŋai dîa. Nya ƃe gâloŋ è gbɛ̀tɛ a gɛɛ é gɛ́ a díkelee dímɛi-nuu.

⁴M̀ɛnii ŋí è gɛ̀ ǹûai ŋí dí tɔ́ɔ Danîa ma. Dí pere sîi támaa kɔ̀ri a gɛɛ líi nyɔ́mɔɔ é pá gâloŋ líi su Danîa mɛni ma, kɛ́lɛ dífe pɔri ní. Dífe wôya mɛni da kélee káa ní gbonôi. Tɔ̃yâ mɛni támaa è kɛ̀ gbonôi, gɛ́ ŋɔtíi-ŋai kɛ̀ ǹɛ́lɛɛ.

⁵Gbɛɛ-ŋái dí mò dîyɛɛi, “Kúyee fé pâi pɔrîi Danîa ma. M̀ɛnii nɔ́ kwa pɔ̂ri gɛ̂i ǹya ƃa kú ŋɔɣâla mɛni kɛ́-perei mu kɔ́ri.”

⁶Dí lì gâloŋ pɔ́ naa dîyɛɛ mai, “Óo Gâloŋ Dairɔ, ífulu-laai su é kôya.

⁷Kúkelee kú gbɛ̀tɛ kúai a ǹɔii kpîniŋ mɛi-ƃelai láa túɛ-ƃelai, ǹɔii kpiniŋ tɛi-tɛi mɛi-ƃelai, ǹɔii kpiniŋ mɛi-ƃelai kɔlɛ ma-ƃelai, da ítii kɛ́-ƃela kpaya-kpayai kpéli-ŋai, kú fáa ma a gɛɛ núu da fé ɣâla da kpɛ́ni fɛ̀li fɛ̂ɛ nɔ́ yá gâloŋ é lɛ́ɛ lá zu fólo buu saaƃa é tɛ́ɛ. Núu da a m̀ɛnii ŋí kùla ŋ̀ôlii, kú maa nûui píli nyala-sulu loai su.

⁸Mɛni ma, gâloŋ, mó a gɛɛ dí m̀ɛnii ŋí pɔ̃yɛ a gɛɛ núu da fa lâa maa sîa too la. É kɛ́ yɛ̂ɛ Midia da Pɛsia-ŋai dítɔ̂ŋ-ŋai nyii núu da fa tɔ̂ɔ mai.”

⁹Gâloŋ Dairɔ è fàa díwoo ma é ǹyée pɔ́ɔ kɛ́ gɔlɔi su a gɛɛ é kɛ́ tí.

¹⁰Tãi Danîa è gɔ̀lɔŋ la a gɛɛ da m̀ɛnii ŋí maa tɔ̂ŋ pɔ̃yɛ kɔlɔ mai, è tɛ̀ ŋɔpɛ́rɛi ŋ̀elêi-pere ƃɛ́i ǹaa wona-ŋai lá è kɛ̀ a m̀óɔɔ Zerusâlɛŋ perei. È pìlaŋ ŋ̀úgbe ŋá é Ɣâla fɛli. A kâa gɛ̀ tí gîei saaƃa fólo ma gɛ́ sɛɣɛi-fei tɛ̀ɛ Ɣâla pɔ́ yɛ̂ɛ berei a kâa gɛ̀ la a bɔlɔi.

¹¹Ǹûai ŋí dí lɛ̀ɛ Danîa maa sɛɣînii dí gáa gɛ́ sɛɣɛ-fei tɛ̀ɛ Ɣâla pɔ́, gɛ́ m̀arê kɛ̀ kpɔŋ mâa mɛni ma.

¹²Dí lì gâloŋ pɔ́ naa dîyɛɛ mai, “Ífe tɔ̂ŋ tɛɛ ní a gɛɛ é lɛ́ɛ la zu fólo kûu buu saaƃa é tɛ́ɛ núu da fé Ɣâla da kpɛ́ni fɛ̀li, fɛ̂ɛ nɔ́ yá? Núu da a gùla ŋ̀ôlii dí m̀aa nûui píli ǹyala-sulu loai su?” Gâloŋ ǹyɛɛ dîai, “Dɔ̂ŋ tí tɔɔ̂i nɔ́ ƃa dɔɔ̂i. Gáa kpɔ́ nɔ́ a Midia da Pɛsia tɔŋ-ŋai. Núu da fa pɔ̂ri tɔɔ̂i ma.”

¹³Dí m̀o gâloŋ mà dîyɛɛi, “Danîa kpɔ́ kɛ̀ gɔ́-soŋ-ŋai sáma dí kɛ́ kùla Zudai fé ŋ̀óli tɔɔ̂i yâ a dɔnɔ kpîŋ. Vé kpîŋ ŋ̀óli tɔɔ̂i dɔ̂ŋ-woo ma í mò dí bɔ̃yɛɛi. Gáa niî Ŋɔɣâlai fɛlîi gîei saaƃa fólo ma.”

¹⁴M̀ɛnii ŋí è gâloŋ líi sòŋ a ŋánaa. E gbɛ̀tɛ a gɛɛ é Danîa ŋuŋ ma ƃó a ŋ̀elei tí ɣele-wulii é lɛ́ɛ pâi kɛ̂i.

¹⁵Nya ƃe ǹûai ŋí dí lì gâloŋ pɔ́ naa díkpulu ma dîyɛɛ mai, “M̀ɛni-ŋai kélee kú bù Midia da Pɛsia-ŋai dítɔ̂ŋ kɔlɔi sui da maa fa pɔri falenîi.”

¹⁶Gɛ́ɛ tíi, gâloŋ è mò a gɛɛ dí pá a Danîa dí bili nyala-sulu loai su. È mò Danîa ma ǹyɛɛi, “Tɔɔ Íɣâlai yà vɛ̀li a ɣele kéleei, é íŋuŋ ma ƃó.”

¹⁷Ǹûai dí kɔni tɔ̂ɔ ǹóai lá-ƃerei. Ǹɔii-ƃelai kpaya-kpayai dí díyee pɔ̀ɔ kɛ́ ma, gâloŋ é ǹyée pɔ́ɔ kɛ́ díyee pɔɔi pôlu. Dí gɛ̀ tí a gɛɛ núu da fé Danîa ŋuŋ ma ƃò.

¹⁸Gâloŋ è kùla naa é lí bɔ́ bɛ̂rɛ lá. Vé ǹáa mii ní, vé nyii ní a maa kpînii é lɛ́ɛ la zu ɣele é ƃɔ́. Vé tela lii-nɛ̃ɛ mɛni da kélee kɛ́ ní.

¹⁹Gbínii maa-ŋuŋ maa ɣele-walai, è mù sìɣe é lí a kîrɛ ǹyala-sulu loai lá.

²⁰Tãi è lɛ̀ɣɛ la ǹóai kɔlɛ mai, è Danîa tòli ɣelêi-pere ǹyɛɛ mai, “Danîa, Gɛ-Ɣele-ma Ɣalai ya tíi kɛ̂i mì a ɣele kélee fii-tɔ̀ɔ fé yâi, aâ íŋuŋ ma ƃó a íkula ǹyala-sulu-ŋai lá?”

²¹Danîa è ŋ̀óo su-tòo ǹyɛɛ mai, “Gâloŋ, ífulu-laai su é kôya.

²²Ŋáɣâlai è ŋɔkélai tɛ̀ɛ é pá é ǹyala-sulu-ŋai lá tɛ́. Díta tɔnɔ kpîŋ fé mɛni da kɛ́ ní a ńyãa. È gɛ̀ tí kpɛ́ni fêi, a tɔ̃yâ káa ŋ́gbonôi. Fé tá mɛni nyɔ́mɔɔ da kɛ́ ní ŋ̀ɛ́i túɛ, fé tá tela mɛni nyɔ́mɔɔ da kɛ́ a yá, óo gâloŋ.”

²³Gâloŋ líi è nɛ̃ɛ é ŋ̀óo tɛ́ɛ a gɛɛ dí Danîa kula ǹyala-sulu loai su. Tãi dí gùla la naai, pɔ́ɔ da fé kɛ́ ní gɔlɔ ma, kpɛ́ni fêi, è kɛ̀ a ǹáa a Ŋɔɣâlai.

²⁴Gâloŋ è mò a gɛɛ diai kélee pà a Danîa sɔŋ, dí dípili ǹyala-sului loai su, da dínɛyâai é pɛ́lɛ dílônii dîa. Dí díkelee pìli naa. Dí piliɛɛ ǹóai sui, dí lɛ́ɛ pâi serîi ǹóai kpɔ́ŋ ma, ǹyala-sulu-ŋai dí dísu tée-tee a gbua-kpua.

²⁵Nya ƃe Gâloŋ Dariɔ è m̀ɛnii ŋí pɔ̃yɛ ǹûai kélee pɔ́ naa ǹɔii-kpîniŋ-ŋai su a tɔ̂ŋ ǹyɛɛi, “Ŋa laa tí-maa láa serîi kâa.

²⁶Ŋa dɛɛ̂i ŋákâloŋ lɔii-kpiniŋ su gwaa kélee a gɛɛ núu kélee é yao Danîa Ŋɔɣâlai ma é ŋumɛ-mâa tɛ́ɛ bɔ́. Ǹyaa ƃa Gɛ-ɣele-ma Ɣalai. Gáa naa wɔ́lɔ-wɔlɔ da wɔ́lɔ-wɔlɔ. Núu da fa pɔ̂ri ŋɔkâloŋ-laai su karâi. Ŋɔkɛ-mɛi-laai kóyaŋ fé ma.

²⁷A núu ŋuŋ ma ƃò é m̀álo. A ŋɛi-kɛ́ maa da zu-gbɛlɛ-gbɛlɛ kɛ̀ ŋ̀elei su da ǹɔii ma. Ǹyaa ƃe Danîa ŋuŋ ma ƃò ǹyala-sulu-ŋai yêei.”

²⁸Danîa kɛ́ mɛni kélee è ƃûu ƃò Gâloŋ Dairɔ da Pɛsia kaloŋ Sarɔ dítãi ma.