Read Kpelle Nɔŋba 29 Bible Online

Nɔŋba 29 - Kpelle bible

Nɔŋba 29

¹Ŋ̀áloŋ ǹɔ́ɔlu mɛi feerɛi ŋɔɣele-kûu maa-ŋuŋ ɣelei, ka Ɣâla fɛli koyaŋ maa waa tóo, káfe tíi da kɛ̀. Gáa a túru fɛ́ɛ-ɣêle kámɛni ma.

²Fɛ̂ɛ ká zâlai ŋí kúla nyii gáa a kéreŋ-sala kúŋ nɛ̃ɛ Yâwɛɛ mɛni mai. Niŋa-sirɛ loŋ tɔnɔ, ƃála-sirɛ tɔnɔ, kóraŋ tɔnɔ ƃála-sirɛ lɔ́ɔlu mɛi feerɛ nyii-ŋai pɔ́ɔ fé diai.

³Ka maa mii-sɛŋ-salai kúla máŋ a felaƃa-fũa lɛ́lɛɛ sumoɔɔ a ɔle wulɔ pãŋ lɔ́ɔlu mɛi da niŋa-sîrɛi mɛni ma, pãŋ náaŋ m̀ála-sîrɛi mɛni ma,

⁴é pɛ́lɛ pãŋ feerɛ ma m̀ála-sîrɛ lɔ́ɔlu mɛi feerɛ tɛi-tɛi mɛi ma.

⁵Ka ƃoli-sîrɛ tɔnɔ kula a sâla nyii pâi kɛ̂i a ǹûai dísɔnyɔ̂ŋ su-mɛni-lɛɛ sâlai.

⁶Ka zâla-ŋai ŋí kúla ŋáloŋ ŋɔɣele-kuui maa-ŋuŋ ŋɔkereŋ-salai da maa mii-sɛŋ-salai tɛɛ pôlu ma é pɛ́lɛ ŋ̀ele-kelee kereŋ-salai kuláa ma da maa mii-sɛŋ-salai, bɛ́lɛɛ maa kpele-sɛŋ-salai mâ. Díkaa a kéreŋ-sala kúŋ nɛ̃ɛ Yâwɛɛ mɛni ma.

⁷Ŋáloŋ ǹɔ́ɔlu mɛi feerɛi ŋí ŋɔɣele-kuui buu-ɣelei ka Ɣâla fɛli koyâŋ maa waa tóo. Káfe sɛŋ da mìi, káfe tíi da kɛ̀.

⁸Ka zâlai ŋí kúla nyii gáa a kéreŋ-sala kúŋ nɛ̃ɛ Yâwɛɛ mɛni mai. Niŋa-sirɛ loŋ tɔnɔ, ƃála-sirɛ tɔnɔ é pɛ́lɛ kóraŋ tɔnɔ ƃala-sirɛ lɔ́ɔlu mɛi feerɛ ma nyii-ŋai pɔ́ɔ fé diai.

⁹Ka maa mii-sɛŋ-salai kúla máŋ a felaƃa-fũa lɛ́lɛɛ sumoɔ a ɔle wúlɔ pàŋ lɔ́ɔlu mɛi da niŋa-sirɛi mɛni ma, pãŋ náaŋ m̀ála-sirɛi mɛni ma,

¹⁰É pɛ́lɛ pãŋ feerɛ ma ƃála-sirɛ lɔ́ɔlu mɛi feerɛ tɛi-tɛi mɛni ma.

¹¹Ka ƃoli-sirɛ tɔnɔ kula a sɔnyɔ̂ŋ su-mɛni-lɛɛ sâla. Zâlai ŋí káa zɔnyɔ̂ŋ su-mɛni-lɛɛ sâlai tɛɛ pôlu ma da ŋ̀ele-kelee kereŋ-salai da maa mii-sɛŋ sâlai é pɛ́lɛ maa kpele-sɛŋ-salai ma.

¹²Ŋ̀áloŋ ǹɔ́ɔlu mɛi feerɛi ŋɔɣele-kûu puu káo lɔ́ɔlu ɣelei ka Ɣâla fɛli koyâŋ maa waa tóo. Káfe tíi da kɛ̀, ká kúu kɛ́ Yâwɛɛ mɛni ma ɣele-kuu lɔ́ɔlu mɛi feerɛ yée mu.

¹³Kɛ́lɛ ka zâlai ŋí kúla nyii gáa a kéreŋ-sala kúŋ nɛ̃ɛ Yâwɛɛ mɛni mai. Niŋa-sirɛ puu káo saaƃa, ƃála-sirɛ, é pɛ́lɛ kóraŋ-tɔnɔ ƃala-sirɛ puu káo náaŋ ma nyii-ŋai pɔ́ɔ fé diai.

¹⁴Ka maa mii-sɛŋ-salai kúla a felaƃa-fũa lɛ́lɛɛ sumoɔ a ɔle wúlɔ pãŋ lɔ́ɔlu mɛi da, niŋa-sirɛ feerɛ tɛi-tɛi mɛni ma, pãŋ náaŋ moli-sirɛ tɛi-tɛi mɛni ma,

¹⁵è pɛ́lɛ pãŋ feerɛ ma m̀ála-sirɛ puu káo náaŋ tɛi-tɛi mɛni ma.

¹⁶Ka ƃoli-sirɛ kula a sâla sɔnyɔ̂ŋ su-mɛni lɛɛ mɛni ma, ka zâlai ŋí kúla ŋ̀ele-kelee kereŋ-salai da maa mii-sɛŋ-salai é pɛ́lɛ maa kpele-sɛŋ-salai kuláa pôlu ma.

¹⁷Ŋ̀ele-kûui veerɛ-ɣelei ka niŋa-sirɛ loŋ puu káo feerɛ kúla a sâla, ƃála-sirɛ feerɛ é pɛ́lɛ kóraŋ tɔnɔ ƃala-sirɛ puu káo náaŋ ma nyii-ŋai pɔ́ɔ fé diai.

¹⁸Ka díkula da zâla kpêli-ŋai kélee yɛ̂ɛ berei dɔ̂ŋ è mò la ŋ̀ele-kuui maa-ŋuŋ mɛni mai.

²⁰Ŋ̀ele-kûui zaaƃa-ɣelei ka niŋa-sirɛ puu káo tɔnɔ kúla a sâla da ƃála-sîrɛ feerɛ é pɛ́lɛ kóraŋ tɔnɔ ƃala-loŋ-sirɛ puu káo náaŋ ma, nyii-ŋai pɔ́ɔ fé diai.

²¹Ka díkula da zâla kpêli-ŋai kélee yɛ̂ɛ berei dɔ̂ŋ è mò la ŋ̀ele-kuui maa-ŋuŋ mɛni mai.

²³Ŋ̀ele-kûui náaŋ-ɣelei ká niŋa-sirɛ puu kúla a sâla da ƃála-sirɛ feerɛ é pɛ́lɛ kóraŋ tɔnɔ ƃala-sirɛ puu káo náaŋ ma nyii-ŋai pɔ́ɔ fé diai.

²⁴Ka dí kúla da zâla kpéli-ŋai kélee yɛ̂ɛ berei dɔ̂ŋ è mò la ŋ̀ele-kuui maa-ŋuŋ mɛni mai.

²⁶Ŋ̀ele-kûui ǹɔ́ɔlu-ɣelei ka niŋa-sirɛ lɔ́ɔlu mɛi náaŋ kúla a sâla da ƃála-sirɛ feerɛ é pɛ́lɛ kóraŋ tɔnɔ ƃala-sirɛ puu káo náaŋ ma nyii-ŋai pɔ́ɔ fé diai.

²⁷Ka díkula da zâla kpéli-ŋai kélee yɛ̂ɛ berei dɔ̂ŋ è mò la ŋ̀ele-kuui maa-ŋuŋ mɛni mai.

²⁹Ŋ̀ele-kûui ǹɔ́ɔlu mɛi da-ɣelei ka niŋa-sirɛ lɔ́ɔlu mɛi saaƃa kúla a sâla, da ƃála-sirɛ feerɛ é pɛ́lɛ kóraŋ-tɔnɔ ƃala-sirɛ puu káo náaŋ ma nyii-ŋai pɔ́ɔ fé diai.

³⁰Ka díkula da zâla kpɛ́li-ŋai kélee yɛ̂ɛ berei dɔ̂ŋ è mò la ŋ̀ele-kuui maa-ŋuŋ mɛni mai.

³²Ŋ̀ele-kûui ǹɔ́ɔlu mɛi feerɛ-ɣelei ká niŋa-sirɛ lɔ́ɔlu mɛi feerɛ kúla a sâla, da ƃála-sirɛ feerɛ é pɛ́lɛ kóraŋ-tɔnɔ ƃala-sirɛ puu káo náaŋ ma nyii-ŋai pɔ́ɔ fé diai.

³³Ka díkula da zâla kpéli-ŋai délee yɛ̂ɛ berei dɔ̂ŋ è mò la ŋ̀ele-kuui maa-ŋuŋ mɛni mai.

³⁵Ŋ̀ele-kûui ǹɔ́ɔlu mɛi saaƃa-ɣelei ka Ɣâla fɛli koyaŋ maa waa tóo. Káfe tíi da kélee kɛ̀.

³⁶Kɛ́lɛ fɛ̂ɛ ka zâlai ŋí kúla nyii gáa a kéreŋ-sala kúŋ nɛ̃ɛ Yâwɛɛ mɛni mai. Niŋa-sirɛ tɔnɔ, da ƃála-sirɛ tɔnɔ é pɛ́lɛ kóraŋ-tɔnɔ ƃala-sirɛ lɔ́ɔlu mɛi feerɛ ma nyii-ŋai pɔ́ɔ fé diai.

³⁷Ka díkula da zâla kpéli-ŋai kélee yɛ̂ɛ berei dɔ̂ŋ è mò la ŋ̀ele-kuui maa ŋuŋ mɛni mai.

³⁹Fɛ̂ɛ ká zâla-ŋai kúla Yâwɛɛ mɛni ma a gúu-ŋai kɛ́-tãi. Zâla-ŋai ŋí díkaa géreŋ-sala-ŋai, da mii-sɛŋ-salai-ŋai da gbele-sɛŋ-salai-ŋai é pɛ́lɛ ǹii-see-sala-ŋai dîa kuláa pôlu ma nyii-ŋai núu-kpune tɛ-tɛi-ŋa da dɛɛ Ɣâla pɔ́ é kúla díkono-tee wooi su kpaa máŋ dílii sui.

⁴⁰Nya ƃe Mose è m̀ɛnii kélee ƃò Eezuɛ-ŋai dîa yɛ̂ɛ berei Yâwɛɛ è mò la ma a gɛɛ dí gɛ́i.