Read Kpelle Nɔŋba 31 Bible Online

Nɔŋba 31 - Kpelle bible

Nɔŋba 31

²“Mɛni-ŋai Midiɛŋ-ŋai dí gɛ̀ a Eezuɛ-ŋai gba kula. Naa pôlu ma ƃa pâi saâi.”

³Nya ƃe Mose è mò ǹûai dîa ǹyɛɛi, “Ka kpakolo-ŋa maa ɣíri a kɔ́ kɔ́-sãa kásama a gɛɛ dí kɔ́ pɛ́lɛ Midiɛŋ-ŋai dîa dí Yâwɛɛ ŋɔlii-ŋwanai kula-maa kɛ́ a dia.

⁴Ka kpakolo wála tɔnɔ (1,000) kula Eezuɛ-ŋai dísuu tɛi-tɛi-ŋai su ká dítɛɛ gɔ́i ma.”

⁵Nya ƃe dí kpakolo wála tɔnɔ (1,000) kùla Eezuɛi-ŋai dísuu tɛi-tɛi-ŋai su. Díkelee dípuɔ gîe ma dí kɛ̀ a kɔ-kûluƃa wála puu káo feerɛ (12,000).

⁶Nya ƃe Mose è dí tɛ̀ɛ gɔ́i ma da zâla láa-soŋ-nuui Ilieza ǹóŋ Fineɣa, nyii Yâwɛɛ ŋɔsua kɔlɔ seɣe pɛrɛ mu sãa maa waa-ŋai da ŋaa dí kɛ̀ ǹyéei dí kɛ́ lì gɔ́i ma. Nyaa ƃé gɔ́ tóli turu-ŋai díkɛ ǹyêei máŋ.

⁷Nya ƃe dí kɔ́ pɛ̀lɛ Midiɛŋ-ŋai dîa yɛ̂ɛ berei Yâwɛɛ è mò la Mose mai. Dí Midiɛŋ kpakolo-ŋai kélee pàa.

⁸Dí Midiɛŋ kaloŋ lɔ́ɔlu pàa máŋ nyii-ŋai dílaa ƃé kɛ̀ a Ɛvi, Lɛkɛŋ, Zuɔ, Ûu, bɛ́lɛɛ Laba ma. Dí Beɔ ǹóŋ Balaŋ pàa máŋ.

⁹Nya ƃe Eezuɛ-ŋai dí Midiɛŋ nɛyâai da dínîa-pɛlɛɛi sòŋ a kɔ-soŋ ŋa dí dítaa-tulɛ kpaya-kpaya da bɛlɛ-pɛlɛɛi kélee síɣe da díkɔ̂liŋ kélee.

¹⁰Dí dítaa-ŋai kélee kèreŋ da díƃuu-ŋai kélee.

¹¹Nya ƃe dí gɔ-soŋ-sãai kélee sìɣe, núu-kpune da taa-tulɛ-ŋa.

¹²Nya ƃe dí pà a gɔ-soŋ-ŋai da gɔ-soŋ-sãai Mose pɔ́ da zâla-laa soŋ-nuui Ilieza é pɛ́lɛ Eezuɛ-ŋai kélee dîa nyii-ŋai kɛ̀ mûui su Môa Fɛ̃ɛ-kpalaŋ su Zɔdiŋ Ya-leei kɔlɛ Zɛleko taai téniŋ mai.

¹³Nya ƃe Mose da zâla láa-soŋ-nuui Ilieza é pɛ́lɛ ǹúu-tuɛ-ƃelai kélee dîa dí kùla mûui su a gɛɛ dí lí gɔ́-kɔ-ƃelai perêi tɔɔ̂i.

¹⁴Mose líi è ŋwàna gɔ́-kɔ-ƃelai túɛ-ƃelai dîa nyii-ŋai dí kɛ̀ núu wála tɔnɔ (1,000) mɛi da diai dí kɛ̀ núu ŋuŋ tɔnɔ (100) mɛi nyii-ŋai kùla kɔ́i sui.

¹⁵Mose è mò dîa ǹyɛɛi, “Ká ǹɛyâai lɛ̀ɛ a dífulu lé mɛni ma?

¹⁶É lɛ́ɛ kákili ŋá a gɛɛ nɛyâai ŋí ƃé gɛ̀ Balaŋ ŋɔlia-wooi sârai, a gɛɛ Eezuɛ-ŋai dí sɔnyɔ̂ŋ kɛ́ Peɔ. Ǹya ƃe gɛ̀ a gɛɛ zaa kɔlɔ-felai è pà Yâwɛɛ ŋɔnûai sáma.

¹⁷Mɛni ma ka zinaa-nɛyãai kélee páa nia-pɛlɛɛi sáma. Ká ŋɔ́nɔ nɛyâai kélee páa nyii-ŋai dí surɔ̂ŋ-pɛrɛ-mui.

¹⁸Kɛ́lɛ ǹɛyaa-nɛyãai nyii-ŋai dífe nîi lɔ́ ní surɔ̂ŋ-pɛrɛ mui, káfe dípàa. Ka dí lɛ́ɛ a dífulu kámaa mɛni ma.

¹⁹Kákelee ka lɛɛ ƃɛ́ káfe lɔ̀ m̀ûui su a ɣele-kuu lɔ́ɔlu mɛi feerɛ. Ǹúui kélee a núu páa kásamai, kpaa máŋ ǹúui kélee a ǹúui ǹyée pɛ́lɛ núu-poma mai, fɛ̂ɛ dá maa nuui wáa da kákɔ-soŋ-nɛyãai a ŋ̀ele-kuui zaaƃa-ɣelei da mɛi feerɛ-ɣelei.

²⁰Ka zeɣe-ŋai kélee wáa máŋ da zãai kélee gbɛtɛ̂ɛi a sua-kɔ̂lɔ, ƃoli-lêɣa kpaa máŋ wúru a gɛɛ dí kɛ́ a dímaa waa Yâwɛɛ ŋ́ɛi.”

²¹Nya ƃe zâla láa-soŋ-nuui Ilieza è mò gbakolo-ŋai dîa nyii-ŋai kùla gɔ́i mai ǹyɛɛi, “Dɔ̂ŋ-ŋai ká ŋí Yâwɛɛ è dɛ̀ɛ Mose pɔ́i.

²²Sɛŋ nyii kélee ŋɔŋ fa gèreŋ yɛ̂ɛ gôo, káne, ƃara, kɔli, fomâ da kɔli sîi da kpɛ́ni kélee, ka dí wáa ŋɔŋ ŋá. Gɛ̀ ní dímaa a pâi kɛ̂i a ŋwaa. Sɛŋ da kpɛ́ni nyii kélee ŋɔŋ a gèreŋ, ka dímaa wáa a kásɛŋ maa waa yai.

²³

²⁴Ka kaseɣe-ŋai wáa a ŋ̀ele-kuui ǹɔ́ɔlu mɛi feerɛ ɣelei. Nàa pôlu ma ka pɔ̂ri pâi m̀ûui su.”

²⁵Yâwɛɛ è mò Mose mà ǹyɛɛi,

²⁶“Ka zâla láa-soŋ-nuui Ilieza da Eezuɛ-ŋai dísuu-ŋai láa-tuɛ-ƃelai ka gɔ́-sãai kélee lóno, gɔ-soŋ-ŋai bɛ́lɛɛ daa-tulɛ-ŋai dîa.

²⁷Í gɔ́-sãai ŋá kɔ́lɛ feerɛ diai lì gɔ́i mai da Eezuɛi-ŋai kélee lɛ̀ɛ ƃɛ́i díloai.

²⁸Zɛŋ kélee gɔ́-kɔ-ƃelai dí zɔlɔ ƃòi, í ŋuŋ lɔ́ɔlu kélee dɔnɔ-tɔnɔ kúla zu a Yâwɛɛ ŋ̀ɔi. Núu-kpune, niŋa-ŋa, wɛlɛ-sôo-ŋa, ƃála-ŋa da ƃoli-ŋa.

²⁹Ka dítɛɛ zâla láa-soŋ-nuui Ilieza pɔ́. Gáa a Yâwɛɛ ŋɔsáma-sɛŋ.

³⁰Zɛŋ kélee Eezuɛ-ŋai dí zɔlɔ ƃòi í buu lɔ́ɔlu kélee dɔnɔ-tɔnɔ kúla zu. Núu-kpune, niŋa-ŋa wɛlɛ-sôo, ƃála-ŋa da ƃoli-ŋa, í dítɛɛ Livai-ŋai pɔ́ nyii-ŋai tíi kɛ̂i Yâwɛɛ ŋɔsua kɔlɔ seɣe pɛrɛ maa waai mui.”

³¹Nya be Mose da Ilieza dí gɛ̀ yɛ̂ɛ berei Yâwɛɛ è mò la Mose mai.

³²Zãai gɔ́-kɔ-ƃelai dí gùla gɔ́i sui nyii lɛ̀ɛ a vului è kɛ̀ a ƃála wála ŋuŋ lɔ́ɔlu mɛi da pôlu buu lɔ́ɔlu mɛi feerɛ káo lɔ́ɔlu, (675,000),

³³niŋa wála buu lɔ́ɔlu mɛi feerɛ káo feerɛ (72,000),

³⁴wɛlɛ-sôo wála buu lɔ́ɔlu mɛi da káo tɔnɔ (61,000),

³⁵bɛ́lɛɛ nɛyâa-nɛyaa wála buu saaƃa káo feerɛ (32,000) ma nyii-ŋai dífe nîi dífe nîi lɔ́ ní surɔ̂ŋ-pɔrɔŋ.

³⁶Ǹyaŋ zãai ŋí gbura nyii kɛ̀ a gɔ́-kɔ-ƃelai díwɔi, è kɛ̀ a ƃála wála ŋuŋ saaƃa pôlu buu saaƃa káo lɔ́ɔlu mɛi feerɛ pôlu ŋuŋ lɔ́ɔlu (337,500).

³⁷Ǹyaŋ m̀ála-ŋai ŋí nyii kɛ̀ zu a Yâwɛɛ ŋ̀ɔi è kɛ̀ a ƃála ŋuŋ lɔ́ɔlu mɛi da pôlu buu lɔ́ɔlu mɛi feerɛ káo lɔ́ɔlu (675).

³⁸Ǹiŋa-ŋai kɛ̀ a gɔ́-kɔ-ƃelai pɔ́ɔi è kɛ̀ a niŋa wála buu saaƃa káo lɔ́ɔlu mɛi da (36,000). Ǹiŋa-ŋai ŋí nyii kɛ̀ a Yâwɛɛ ŋ̀ɔi è kɛ̀ a niŋa buu lɔ́ɔlu mɛi feerɛ káo feerɛ.

³⁹Ŋ̀wɛlɛ-sôo-ŋai kɛ̀ a gɔ́-kɔ-ƃelai pɔ́ɔi dí kɛ̀ a wɛlɛ-sôo wála buu saaƃa pôlu ŋuŋ lɔ́ɔlu (30,500). Ŋ̀wɛlɛ-sôo-ŋai ŋí nyii kɛ̀ a Yâwɛɛ ŋ̀ɔi è kɛ̀ a wɛlɛ-sôo buu lɔ́ɔlu mɛi da káo tɔnɔ.

⁴⁰Ǹúu-kpune-ŋai kɛ̀ a gɔ́-kɔ-ƃelai pɔ́ɔi dí kɛ̀ a núu-kpune wála puu káo lɔ́ɔlu mɛi da (16,000). Ǹûai ŋí nyii-ŋai kɛ̀ a Yâwɛɛ ŋ̀ɔi è kɛ̀ a núu buu saaƃa káo feerɛ.

⁴¹Nya ƃe Mose è Yâwɛɛ ŋ̀ɔi tɛ̂ɛ zâla láa-soŋ-nuui Ilieza pɔ́ yɛ̂ɛ berei Yâwɛɛ è mò la mai.

⁴²Gɔ́-sãai nyii kɛ̀ a Eezuɛ-ŋai díwɔi è kɛ̀ a bɔriɛ a gîe da gɔ́-kɔ-ƃelai díwɔi.

⁴³Eezuɛ-ŋai díwɔi è kɛ̀ a ƃála wála ŋuŋ saaƃa pôlu buu saaƃa káo lɔ́ɔlu mɛi feerɛ pôlu ŋuŋ lɔ́ɔlu (337,500),

⁴⁴niŋa wála buu saaƃa káo lɔ́ɔlu mɛi da (36,000),

⁴⁵da wɛlɛ-sôo wála buu saaƃa pôlu ŋuŋ lɔ́ɔlu (30,500),

⁴⁶é pɛ́lɛ núu wála puu káo lɔ́ɔlu mɛi da ma (16,000).

⁴⁷Nya ƃe zɛŋ kélee Eezuɛ-ŋai dí zɔlɔ ƃòi Mose è buu lɔ́ɔlu kélee dɔnɔ-tɔnɔ kùla zu, núu-kpune da taa-tulɛ é dɛ́ɛ Livai-ŋai pɔ́ nyii-ŋai kɛ̀ tíi kɛ̂i Yâwɛɛ ŋɔsua kɔlɔ seɣe pɛrɛ maa waai mui, yɛ̂ɛ berei Yâwɛɛ è mò la Mose mai.

⁴⁸Nya ƃe gɔ-kuluƃa-ŋai mɛi-ƃelai nyii-ŋai kɛ̀ núu wála tɔnɔ (1,000) mɛi da nyii-ŋai kɛ̀ núu ŋuŋ tɔnɔ (100) mɛi, dí pà Mose pɔ́,

⁴⁹dí mò Mose ma dîyɛɛi, “Kuai a íyee-mu ƃelai ku gɔ-kuluƃa-ŋai kélee lòno nyii kɛ̀ kúyee-mui. Ǹyaŋ dɔnɔ kpîŋ fí láŋ ní ma.”

⁵⁰Maa mɛni ma kú pà a sama-sãa Yâwɛɛ mɛni ma. Kú pà a gôo, maa-ɣiri-sãa, yee-kwana kɔli, gbono, wóli-sɛŋ da kɔŋ ma yɔlɔ nyii-ŋai núu tɛi-tɛi è gùla gɔ́i sui, a sama-sɛŋ Yâwɛɛ pɔ́ kúfulu-laai mɛni ma.

⁵¹Nya ƃe Mose da zâla láa-soŋ-nuui Ilieza dí gôo sɔlɔ ƃò díyêei da gôo-maa-ɣiri sãai kélee.

⁵²Gɔ-kuluƃa-ŋai mɛi-ƃelai dígôo sama-sãai kélee puɔ gîe ma ŋɔwiɛ è kɛ̀ a dɛ́ɛ pãŋ ŋuŋ náaŋ (400) ma.

⁵³Nyíŋi fé gɔ́-kɔ-ƃelai díwɔ̂-ŋai ma nyii-ŋai dí zìɣe tɛi-tɛi díkpîŋ mɛni ma.

⁵⁴Nya ƃe Mose da zâla láa-soŋ-nuui Ilieza dí gôoi sìɣe gɔ-kuluƃa-ŋai mɛi-ƃelai yêei nyii-ŋai kɛ̀ núu wála tɔnɔ (1,000) mɛi da nyii-ŋai kɛ̀ núu ŋuŋ tɔnɔ (100) mɛi, dí pá a dîa Yâwɛɛ ŋɔsua kɔlɔ seɣe pɛrɛ maa waai mu a gɛɛ dí kɛ́ naa a kili-too-ŋa-sãa Yâwɛɛ mɛni ma.