Read Kpelle Nɔŋba 7 Bible Online

Nɔŋba 7 - Kpelle bible

Nɔŋba 7

¹Tãi Mose è Zua kɔlɔ seɣe pɛrɛ maa waai pù la gîe mai, è m̀aa wàa da mu-sãa kélee a wúlɔ é dɛ́ɛ Ɣâla pɔ́. È ŋ̀âla-teƃelei da ŋá-sãai kélee maa wàa a wúlɔ é dɛ́ɛ Ɣâla pɔ́.

²Nya ƃe Eezuɛ-ŋai dínuu-suu-ŋai ŋuŋ-tuɛ-ƃelai, nyii-ŋai díkaa dínâŋ-ni dípɛrɛi-ŋai mɛi, diai kɛ̀ ǹûai mɛi tãi dí dílòno lai,

³dí pà a dísama-sãai Yâwɛɛ pɔ́. Dí pà a kéleŋ lɔ́ɔlu mɛi da nyii niŋa sirɛ-ŋa da kâa ŋàlai da niŋa-sirɛ puu káo feerɛ. Géleŋ dɔnɔ núu-tuɛ-ƃela feerɛ mɛni ma tɛi-tɛi da niŋa-sirɛ tɔnɔ nuu-tuɛ nuu tɛi-tɛi mɛni ma. Dí pà a dîa Zua kɔlɔ seɣe pɛrɛ maa waai lá.

⁴Nya ƃe Yâwɛɛ è mò Mose mà ǹyɛɛ,

⁵“Zama-sãai ŋí sóŋ díyêei Zua kɔlɔ seɣe pɛrɛ maa waai ŋɔtíi kɛ́-mɛni ma. Dítɛɛ Livai-ŋai pɔ́ yɛ̂ɛ berei dítii-ŋai díkaa la tɛi-tɛi.”

⁶Nya ƃe Mose è géleŋ-ŋai da niŋa-ŋai tɛ̀ɛ Livai-ŋai pɔ́.

⁷È kéleŋ feerɛ da niŋ-sirɛ náaŋ tɛ̀ɛ Gɛsɔŋ ŋɔsuui pɔ́ yɛ̂ɛ berei dítii è kɛ̀ lai.

⁸È kéleŋ náaŋ da niŋa-sirɛ lɔ́ɔlu mɛi saaƃa tɛ̀ɛ Melali ŋɔsuui pɔ́ yɛ̂ɛ berei dítii è kɛ̀ la nyii dí gɛ̀ zâla láa-soŋ-nuu kɛ́tɛi Eelɔŋ, ǹóŋ-surɔŋ Itama yée mui.

⁹Kɛ́lɛ vé sɛŋ da kélee tɛɛ ní Koa ŋɔsuui pɔ́. Kpɛni fêi, dítii ƃé kɛ̀ a gɛɛ dí Zua kɔlɔ seɣe pɛrɛ maa waai mu-sãai síɣe díkâraŋ ŋá.

¹⁰Nya ƃe nuu-tuɛ-ƃelai dí pà a sama-sãa a vólo tɔnɔi tí ŋ̀âla-teƃelei maa waa mɛ̂ni mà dí dɛ́ɛ Ɣâla pɔ́. Dí dísama-sãai sèe ŋ̀âla-teƃelei ŋɛ́i-tuɛ.

¹¹Yâwɛɛ è mò Mose ma ǹyɛɛi, “Fɛ̂ɛ Eezuɛ-ŋai láa-tuɛ-ƃelai dí pá a dísama-sãai tɛi-tɛi a fólo tɛi-tɛi, núu tɔnɔ fólo tɔnɔ.”

¹²Eezuɛ-ŋai túɛ-ƃelai dí pà a dísama-sãai a tãi-ŋai ŋí: Aminɛda ǹóŋ Nasuŋ nyii kùla Zuda ŋɔsuui sui, è pà a ŋ̀ele-kuui maa-ŋuŋ. Zûa ǹóŋ Natɛniɛ nyii kùla Isaka ŋɔsuui sui, é pá a ŋ̀ele-kûui veerɛ-ɣelei Ɛlɔŋ ǹóŋ Ilia nyii kùla Zɛbulɔŋ ŋɔsuui sui, é pá a ŋ̀ele-kûui zaaƃa-ɣelei. Sidu ǹóŋ Ilizɔ nyii kùla Lubiŋ ŋɔsuui sui, é pá a ŋ̀ele-kuui naaŋ-ɣelei. Zurisadai ǹóŋ Sɛlumiɛ nyii kùla Simiɔŋ ŋɔsui sui, è pà a ŋ̀ele-kûui ǹɔ́ɔlu-ɣelei. Deuɛ ǹóŋ Iliasa nyii kùla Gâa ŋɔsuui sui, è pà a ŋ̀ele-kûui ǹɔ́ɔlu mɛi da-ɣelei. Amiyu ǹóŋ Ilisama nyii kùla Ifiraŋ ŋɔsuui sui, è pà a ŋ̀ele-kûui mɛi-feerɛi ɣelei. Pedazɔ ǹóŋ Gamaliɛ nyii kùla Manasɛ ŋɔsuui sui, è pà a ŋ̀ele-kûui mɛi saaƃa-ɣelei. Gidioni ǹóŋ Abidaŋ nyii kùla Bɛŋsima ŋɔsuui sui, è pà a ŋ̀ele-kûui mɛi naaŋ-ɣelei. Amisadai ǹóŋ Aizɛ nyii kùla Daŋ ŋɔsuui sui, è pà a ŋ̀ele-kûui buu-ɣelei. Okaŋ ǹóŋ Pagiɛ nyii kùla Asɛ ŋɔsuui sui, è pà a ŋ̀ele-kûui buu káo tɔnɔ-ɣelei. Inaŋ ǹóŋ Aila nyii kùla Nɛfɛtɛli ŋɔsuui sui, è pà a ŋ̀ele-kûui buu-kao feerɛ-ɣelei. Zama-sãai ǹúu-tuɛ-(...)

⁸⁴Zama-sãai ǹúu-tuɛ-ƃelai dí pà la ŋ̀âla-teƃelei tɛɛ-mɛni mà Ɣâla pɔ́i, gélee púɔ gîe ma ká kɛ̀ ŋí. Káne-peleti puu káo feerɛ da káne sɛŋ-folo puu káo feerɛ, nyii-ŋai díkelee díwiɛ púɔ gîe ma è kɛ̀ a pãŋ buu lɔ́ɔlu mɛi da. Gôo sɛŋ-folo puu-kao feerɛ nyii-ŋai dílaa è kɛ̀ a vɛ́ɛ a kéreŋ-sɛŋ kúŋ-nɛɛi, díwiɛ púɔ gîe ma è kɛ̀ yɛ̂ɛ pãŋ saaƃa. Niŋa-sirɛ naa puu káo feerɛ é pɛ́lɛ kóraŋ tɔnɔ ƃala-sirɛ puu káo feerɛ mâ da mii-sɛŋ sala kula-sãai, nyii-ŋai kɛ̀ géreŋ-salai mɛni mai. Ƃoli-sîrɛ puu káo feerɛ zɔnyɔ̂ŋ-su-mɛni lɛɛ-salai mɛni ma, niŋa-sirɛ buu feerɛ káo náaŋ, ƃála-sirɛ buu lɔ́ɔlu mɛi da, ƃoli-sirɛ buu lɔ́ɔlu mɛi da, kóraŋ tɔnɔ ƃala-sirɛ buu lɔ́ɔlu mɛi da ǹii-see salai mɛni ma.

⁸⁹Tãi Mose è lɔ̀ la Zua kɔlɔ seɣe pɛrɛ maa waai mu a gɛɛ é lóno Yâwɛɛ pɔ́i, è Yâwɛɛ wóo mɛni é kúla gãla lá-tɛ-sɛŋ mɛi-pere ŋâla-taa koôŋ-sɛŋ pɔkɔɔŋ-ŋai loai gɛ́ lòno bɔ́.