Read Kpelle Zɛkɛrâya 3 Bible Online

Zɛkɛrâya 3 - Kpelle bible

Zɛkɛrâya 3

¹Yâwɛɛ è zâla láa-soŋ-nuu kɛ́tɛi Zasua lɛ̀ ḿâ. È kɛ̀ tɔɔ̂ni Ŋ̀âla-taa-kelai kɔlɛ. Nya ƃe Sêtɔŋ è kɛ̀ tɔɔ̂ni Zasua kɔlɛ gɛ́ zɔŋ kɔ̂ri.

²Ŋ̀âla-taa-kelai è mò Sêtɔŋ ma ǹyɛɛi, “Tɔɔ Yâwɛɛ é tɔ̂ŋ pú yâ! Tɔɔ Yâwɛɛ nyii è Zerusâlɛŋ wɛ́linii é tɔ̂ŋ pú yâ. Nalôŋ ŋí móloŋɔ̂ɔi kɔi-tuɔ kpua ma nyii da gula ŋɔŋ ŋái.”

³Zasua è kɛ̀ tɔɔ̂ni naa seɣe lîƃe kɛ́ ƃò m̀a.

⁴Ŋ̀âla-taa-kelai è mo diai dîa dí kɛ̀ tɔɔ̂ni gɔlɛi ǹyɛɛi, “Ka zeɣe lîƃii kúla nalôŋ ŋí ma.” È kɛ̀ tí è mò Zasua ma ǹyɛɛi, “Ŋa ísɔnyɔ̂ŋ kúla yâ ǹyaŋ ŋa pâi seɣe nîna tɛɛ̂i ípɔ í doo yâ.”

⁵È mò gɔlɛ-ma-ƃelai dîa a gɛɛ dí ƃɔrɔ nîna see ŋ̀ûa. Nya ƃe dí ƃɔrɔ nîna sèe ŋ̀ûa dí seɣe nîna too mà tãi Ŋ̀âla-taa-kelai è kɛ̀ tɔɔ̂ni la naai.

⁶È kɛ̀ tí Ŋ̀âla-taa-kelai è mò Zasua ma

⁷a gɛɛ Ŋ̀wála-wâla kélee Yâwɛɛ ǹyɛɛi, “A kɛ̀ ƃà ŋátɔ̂ŋ-ŋai mɛi kâa í díi-ŋai kɛ́ nyii ŋá dɛ̀ɛ ípɔi, gɛ̀ ní ƃa pâi kɛ̂i nɔ́ Ŋápɛrɛi ŋuŋ túɛ da Ŋápɛrɛi ŋɔmɛni-sâa ƃó-kɛre-ŋai, ǹyaŋ ŋa pâi ífɛli-wôo-ŋai mɛnîi yɛ̂ɛ berei nɔ́ ŋa ŋ̀âla-taa-kela-ŋai wóo mɛni la díkaa ŋ́gɔlɛ mai.

⁸Zasua, íwoli tɔ́ɔ, yái íkaa a zâla láa-soŋ-nuu kɛ́tɛi. Ǹyaŋ káai a zâla láa-soŋ-ƃela kpéli-ŋai, ka káwoli tɔ́ɔ: Káa ƃa ŋɛi-kɛ-maa mɛni lɛ́lɛɛ mɛni ma tínaa-tuɛ-pere. Ŋa pâi ńyee-mu-nuui lɛ̂i nyii da dòli a Ŋ̀oŋoi!

⁹Gɔnii ŋaâ ǹáa Zasua ŋɛ́i nyii pɔ́ɔ lɔ́ɔlu mɛi feerɛ káa mai, ŋa pâi sɛŋ da pɔ̃yɛ̂i ma a ǹɛ́lɛɛ, ǹyaŋ fólo tɔnɔ yée mu ŋa pâi ǹɔii ŋí ŋɔsɔnyɔ̂ŋ kulâi ma.

¹⁰Maa ɣelei tí à sèri, núu tɛi-tɛi a pâi gɔlɛ-ma-ƃelai tôlii a gɛɛ dí lii nɛ̃̂ɛ kula ŋɔkpɔmɔ-kpâlaŋ ŋá da ŋɔfîi-wurii mu.”