Read Kpelle Dutɛrɔnome 19 Bible Online

Dutɛrɔnome 19 - Kpelle bible

Dutɛrɔnome 19

¹“Tãi Káɣâlai Yâwɛɛ a pâi ǹɔii-ŋûŋ-ŋai su-ƃelai su-karai la é ǹaa tɛɛ kápɔ a gɛɛ ká sée naai,

²ka ǹɔii ŋáa kɔ́lɛ a lɔii-kpîniŋ saaƃa. Ka taa-lee saaƃa lɛ́ ǹɔii-kpîniŋ-ŋai ŋí su tɛi-tɛi ǹɔii sâmai pere. Ka pere-lêe-ŋa láa é seri daa-lêe-ŋai ŋí su a gɛɛ núu da a núu pàa a pɔ̂ri pûi é lí daa-lêe-ŋai ŋí dɔnɔ su.

⁴Ǹúui nɔ́ a pû é lí daa-lêei ŋí da sui, ŋuŋ ma ƃô mɛni mai ǹyaa ƃa ǹúui a núu pàa nyíi vé gíri níi.

⁵Gɔɔŋ maa a pɔ̂ri kɛ̂i yɛ̂ɛ núu feerɛ dí lí wúru teêi dɔnɔ ŋɔyuwɔ̂i é kpôloŋ é sɔɔ̂ŋ m̀araŋ-nuui ma é baa. Maa-nuui a pɔ̂ri pûi é lí daa-lêei ŋí dɔnɔ su é ŋɔfúlu-laai maa kɔ̃ɔ.

⁶À wàla kɛ́ tí, à kɛ̀ ǹúui tí dí bàai ŋɔnúu da káa naa kɔlɛ ma a pɔ̂ri kɔ̂i é ŋ̀ɔi gba kula. Ǹyaŋ à kɛ̀ ƃɛ́i dí m̀ɛnii kɛ̀ naai naa koyâai, a pɔ̂ri gbɛ̂i é zoŋ é baa. Gɛ̀ ní ǹúui tí a pɔ̂ri saâi m̀ɛnii su nyii vé gíri níi.

⁷M̀ɛnii ŋí ƃé ŋa m̀ô la kâa a gɛɛ ká taa-lêe saaƃa lɛ́ kámɛni ma.

⁸“À kɛ̀ ka sìa a dɔ̂ŋ-ŋai wóo yɛ̂ɛ berei ŋa m̀ôi la kâai, ǹyaa ƃa ká ŋ̀wɛ́li, ká sía gɔ́ɔ-pɔ̂ɔi, Káɣâlai Yâwɛɛ à pâi ǹɔii su kɛ̀tɛ è dɛ̀ɛ kápɔ yɛ̂ɛ berei è góno tèe la kánâŋ-ni yêei. À kɛ̀ tí, fɛ̂ɛ ká maa-kɔ̃ɔ taa-lêe-ŋai ŋí zaaƃa lɛ́ ŋɔ́nɔ.

¹⁰Ka gɛ́ tí a gɛɛ ǹúu a núu pàa nyii vé gíri-ni é gɛi, a pɔ̂ri pûi é li naa dífa lâa zoŋ lâ berei su dí bàa m̀ɛnii su nyii zɔŋ fé zui. Ka gɛ̀ tí a gɛɛ Káɣâlai Yâwɛɛ fâa lá kásɔŋ siɣe lâ núu paa mɛni mâ ǹɔii su nyii è dɛ̀ɛ kápɔ a gɛɛ kásee zui.

¹¹“Kɛ́lɛ à kɛ̀ núu da a m̀arâŋ maa kîli tèe é baa nɔ́ kpɛ́ni-kpɛni é pú é pá daa-lêe-ŋai ŋí da su,

¹²maa nuui ŋɔtaai laa-tuɛ-ƃelai da pɔ̂ri ŋ̀orɛ̂ tɛɛ̂i ŋuŋ-ma-ƃo taai láa-tuɛ-ƃelai pɔ́ naa a gɛɛ dí dɛ́ɛ pôlu bɔ́-taai. À pà, ka dɛɛ nuui tí è baa ŋɔnúui pɔ́ ǹyaŋ é baa.

¹³Káfe núu kɛ́ɛ ŋí malôŋ kàa. Ka zɔnyɔ̂ŋ-ƃelai kélee kúla kásama a gɛɛ ká kɛ́ɣeniɛi é kɛ́ a ǹɛ́lɛɛ ǹɔii ma Káɣâlai Yâwɛɛ a dɛ̀ɛ kápɔi.

¹⁴“Káfe káƃarâŋ-nuu da ŋɔlɔii-goyaŋ-pere mà kɔnii sîɣe ǹáai nyii kánâŋ-ni dí wɔ́lɔ ǹaa ǹɔii ma Káɣâlai Yâwɛɛ a dɛ̀ɛ kápɔi.

¹⁵“Káfe mɛni-sâa ŋáa tèe sêre tɔnɔ wóo ma. Ka mɛni-sâa ŋáa tée sêre feerɛ kpaa máŋ sêre támaa wóo ma.

¹⁶À kɛ̀ zêre-faa kɛ́-nuui líi ŋwânai gɛ́ ŋ̀wɛli é mɛni-kpala pɛlɛ ǹúui dɔnɔ mà,

¹⁷fɛ̂ɛ ǹɛ́ɛ sere-faa kɛ́-nuui da ǹúui è ǹɛ́ɛi kɛ̀ a ǹáai dífeerɛ dí lí zâla láa-soŋ-ƃelai pɔ́ naa nyii-ŋai da m̀ɛni-sâai ƃô Yâwɛɛ ŋɛ́i-tuɛ.

¹⁸Fɛ̂ɛ m̀ɛni-saa ƃó-ƃelai dí m̀ɛnii ŋí su káa a ǹɛ́lɛɛ. Ǹyaŋ da gàa a gɛɛ zerêi a lɛ́ɛ sere-faa kɛ̀ a m̀arâŋ-nuui láa,

¹⁹gɛ̀ ní m̀ɛnii è kɛ̀ ŋ̀wɛ̂lii é kɛ́ a m̀arâŋ-nuui ka gɛ́ la. Fɛ̂ɛ ká zɔnyɔ̂ŋ-ƃelai kúla kásama.

²⁰Ǹúui gbéli-ŋai da ǹaa kàa da pâi yaôi. Díta fé pâi wɔ́lɔ tûa kɛ́ɛ ŋí kɛ̂i.

²¹Káfe lɛ́ɛ sere-faa kɛ́-nuu da ŋɛ́i malôŋ kàa. Fúlu-laa káa a fúlu-laa pɔ̀ɔ teê, ŋɛ́i-gao káa a ŋɛ́i-gao pɔ̀ɔ teê. Nyíŋ káa a nyíŋ pɔ̀ɔ teê. Yée káa a yée pɔ̀ɔ teê. Kɔ́ɔ kɛ́ ƃò a kɔ́ɔ pɔ̀ɔ teê.