Read Kpelle Dutɛrɔnome 33 Bible Online

Dutɛrɔnome 33 - Kpelle bible

Dutɛrɔnome 33

¹Ǹûwa-ŋai ká ŋí Ɣâla ŋɔtíi-kɛ-nuui Mose è dòo Eezuɛ-ŋai dîa é lɛ́ɛ pâi saâi.

²Yâwɛɛ è kùla Sana Yeei mâ, é tɛ́ Idɔŋ mɛi yɛ̂ɛ fólo ŋɔkwaa ponoɔɔi é ŋɔnûai maa pono Paraŋ yeei ma. Ɣâla-taa kela támaa dí kɛ̀ a dítinaŋɔɔ ma, ŋɔŋ-soŋ kɛ́tɛ kɛ́ ƃò ǹáa mii-yee mɛi-pere.

³Tɔ̃yâ mà, è ǹûai wɛlini. Diai kélee dímaa wâai díkaa ǹyêei. Kwa pɛ́lɛ gɔ́ɔ mu gɛ́ sɛŋ lɛ̀ dîa.

⁴Ŋá kátòli koyâŋ su ŋá Yâwɛɛ ŋɔtɔ̂ŋ-ŋai lɛ́ kâa. Ŋá dílɛ̀ máŋ Zeeka ŋɔsuui su-ƃelai dîa.

⁵Yâwɛɛ è kɛ̀ a kâloŋ Eezuɛ-ŋai mɛi tãi ǹûai da dílaa túɛ-ƃelai dí díŋaa tɛ̀ la díkîe mai.

⁶Mose è lôno é pîlaŋ Lubiŋ ŋɔsuui mâ. “Tɔɔ Lubiŋ é kɛ́ nɔ́ ɣele ma vé sàa. Kɛ́lɛ ŋɔnûai dífe pâi kɛ̂i a dítamaa.”

⁷Nyíŋi ƃé è mò é pîlaŋ Zuda ŋɔsuui su-ƃelai dîa ǹyɛɛi, “Óo Yâwɛɛ, Zuda wɔ́lɔ woo mɛni. Pá a dîa dínûai gberi-ŋai pɔ́ naa. Óo Yâwɛɛ kɔ́ dímaa mɛni ma. Tɔɔ ǹyée é tɛ́ɛ ŋɔkpɔara-ƃelai dîa.”

⁸È mò Liiva-ŋai dîa ǹyɛɛi, “Yâwɛɛ, ítûa-pere nyii ya ŋ̀wɛ̂lii lɛ̂ Liiva-ŋai dîa a tãi da kɛ̂ tii kɛ̂i la a Uliŋ da Tûmiŋ. Í dísu-kɔɔŋ Masa. Í díkɛ a tɔ̃yâ-ƃela Mɛriba Yai ma.

⁹Da ƃaa kɛ́-maa kɛ́tɛ tɛ̀ɛ ípɔ é tɛ́ɛ kpîŋ dílee, dínâŋ, da díkaa-laai su-ƃelai dîa. Da íwoo mɛni, díkɛ íkono-teei mɛni sìɣe a gbanaŋɔɔ.

¹⁰Da pâi ítɔ̂ŋ-ŋai lɛ̂i Eezuɛ-ŋai dîa. Da pâi kéreŋ sama-sãa kúŋ nɛ̃ɛ kerenîi íɣâla teƃelei ma.

¹¹Yâwɛɛ, gɛ́ díƃûu ƃó. Ǹɛɛ naa díkɛ mɛni kélee é kɛ́ a ílii láa pere. Gɛ́ díkpɔara-ƃelai kélee dí tóo díkɔ́ɔ mu. Pɔri maa fé kɛ̀ da mì é mu siɣe pôlu ŋɔ́nɔ.”

¹²È mò Bɛŋsima ŋɔsuui su-ƃelai dîa ǹyɛɛi, “Káa ƃa Yâwɛɛ ŋɔwɛli kɛ́ maa-ƃelai. A pâi ŋuŋ ma ƃô tɛɛ̂i kápɔ. A pâi ká-maa kɔ̃ɔ̂i a tãi kélee. A pâi kapûi gɔ̃ɔŋ su gɛ́ kámɛi kâa.”

¹³Ǹyɛɛ Zosɛ ŋɔsuui su-ƃelai dîa, “Yâwɛɛ é lûwa lâai kálɔii ma. É gɛ́ tuna é pú kálɔii ma yá kɛ́ kùla ǹɔii mu-pere.

¹⁴É gɛ́ mii-sãa dí kpɛtɛ kálɔii ma ǹáa é fɛ́ɛ a mii-sãa támaa.

¹⁵Tɔɔ mii-sãa lɛ́lɛɛ-ŋa díkpɛtɛ ká pɔlɔ-ŋai dîa.

¹⁶Tɔɔ dílɔii é sí-sãa lɛ́lɛɛ tɛ́ɛ kâpɔ. Tɔɔ Yâwɛɛ nyii gbîŋ lɛ̀ ŋ̀úrii su nyii ŋuŋ è kɛ̀ mai, ǹíi é láa nyíŋi mɛni ma. Tɔɔ ǹûwa-ŋai ŋí dí kɛ́ Zosɛ ŋɔnûai dîa. Zosɛ è kɛ̀ a ǹîa da ǹêɣe-ni láa-tuɛ nuu.

¹⁷Zosɛ ŋɔwála-walai káa yɛ̂ɛ niŋa sirɛ. Gáa yɛ̂ɛ tou-sirɛ mĩla. Ŋɔwalai káa a Manasɛ ŋɔwála támaai. Gɛ́ ƃo a Ifiraŋ ŋɔwala puui. Dia ƃe a kɛ́ ǹɔii-ŋuŋ ŋai sɔɔ̂i a dia. Gɛ́ dítũaŋ gɛ̀ lí a dia ŋ̀éniɛi kɔ̃yɛŋ ma.”

¹⁸È lûwa làa Zɛbulɔŋ ŋɔsuui su-ƃelai dîa ǹyɛɛi, “Tɔɔ Zɛbulɔŋ ŋɔsuui su-ƃelai díƃûu ƃó dípɔni tɔɔ̂i su ǹɔii da kpɛ́ni-ŋai su. Tɔɔ Isaka ŋɔsuui su-ƃelai díkɔ̃lîŋ su é kɛ́tɛ dílɔii su.

¹⁹Zɛbulɔŋ da Isaka dísuui su-ƃelai da pâi ǹûai ŋáa tɛ̂i ma dí tɔ̃yâ sala kula. Da dítɔɔ-sãai sɔlɔ ƃô dípɔni tɔɔ̂i su da gɛ̀ yúo ma lɔii-ŋuŋ-ŋa sui.”

²⁰È lûwa làa Gâa ŋɔsuui su-ƃelai dîa ǹyɛɛi, “Ka laa maa tɛ̂ tɛɛ Ɣâla pɔ́ nyii gɛ̀ kálɔii su é kɛ́tɛi. Gâa ŋɔsuui su-ƃelai díkaa yɛ̂ɛ yala-sûlu nyii a nòo a gɛɛ é ŋɔkpɔara-ƃelai fála-fâla.

²¹È ǹɔii gwaa lɛ́lɛɛ ma sìɣe zu, kpɛ́ni fêi dínuu láa túɛ-ƃelai láa mîi tɛ̀ɛ dípɔ. Da kâa Yâwɛɛ ŋɔtɔ̂ŋ-ŋai mɛi kâa. Tãi Eezuɛ láa túɛ-ƃelai da kâa díŋaa tɛ̀ la díkîe mai, Gâa ŋɔsuui su-ƃelai da kâa mɛ̀nii kɛ̂ Yâwɛɛ è kɛ̀ ŋ̀wɛ̂lii pere sîi sãa su.”

²²È lono é pîlaŋ Daŋ ŋɔsuui su-ƃelai dîa nyɛɛi, “Daŋ káa yɛ̂ɛ yala-sulu loŋ. A kûla ǹoo perei su Basãŋ.”

²³È mò Nɛfɛtɛli ŋɔsuui su-ƃelai dîa ǹyɛɛi, “Yâwɛɛ líi lâai káyêei. A pâi lûwa lâai dîa, dílɔii é séɣai-pere é seri Galalii poai mâ.”

²⁴È m̀o Asɛ ŋɔsuui su-ƃelai dîa ǹyɛɛ, “Yâwɛɛ ŋɔlûwai kɛ̂tɛi ká mɛni ma é tɛ́ɛ káƃarai dîa. Tɔɔ ká maa mɛni é kɛ́ a káƃarâai nîa mɛni. Tɔɔ ká ɔle-wuru-ŋai dí wúlɔ támaa tɛ́ɛ kápɔ.

²⁵Ísiɣãŋ lá kpoŋ a pâi kɛ̂i a zu-kpanaŋɔɔ yɛ̂ɛ a kɛ̀ a gbɛtɛɛ a ƃara da kɔli. Tɔɔ wála-wâla laa é kɛ́ nɔ́ íyêei tãi íkaa la ɣeniɛi.”

²⁶Eezuɛ-ŋa, ɣâla da fé naa nyii da Káɣâlai dí pɔ̂riɛi. A kula ŋ̀ele-kɔlɔŋ su a ŋɔfólo-laai a pâi a gɛɛ é kpɔ́ŋ kâa.

²⁷Ŋ̀wɔlɔ-wɔlɔ Ɣalai ƃa káŋuŋ ma ƃó-nuui. A pâi kápûi ǹyée tɔ̃ɔi. È kákpɔara-ƃelai tuãŋ a tãi kákɛ pâi lai, é mò kaa a gɛɛ ká dísu kara.

²⁸Eezuɛ a pâi kɛ̂i wɔlɔ-wɔlɔ lii-sèe su. Díkɛ̀ ǹɔii su nyii mii-sɛŋ da ŋwãai díkɛ̀ naai, ƃɛ́ɛi lúu a pâi kɛ̂i pûi naa dísi-sãai diai.

²⁹Óo Eezuɛ, kálii nɛ̃ɛ̂i a ŋánaa! Ŋ lûwa támaa láa kâa a tɛɛ ǹɔii-ŋuŋ kpéli-ŋai dîa. Yâwɛɛ a kámɛi kâai gɛ́ kámaa kɔ̃ɔ. Yâwɛɛ nyaa kpîŋ ƃa kámaa kɔ̃ɔ kɔli-kalaŋ da kákɔ-kɔ ƃoa-sɔkpɔi, gɛ́ kámaa kɔ̃ɔ kákɛ kákpɔara-ƃelai yée mɛi ɣàle. Ká kpɔara-ƃelai da pâi pâi díkɛ ká marê kɛ̀ a gɛɛ ká dímaloŋ káa, a kɛ̀ tí ka pâi ƃɔlɔnii dîa.