Read Kpelle Kɔleŋtiɛŋ Veerɛi 9 Bible Online

Kɔleŋtiɛŋ Veerɛi 9 - Kpelle bible

Kɔleŋtiɛŋ Veerɛi 9

¹Ve a sɛŋ a gɛ́ɛ ŋá kɔlɔ pɔ̃yɛ kápɔ é pîlaŋ la zama-sɛŋ mɛni ma nyíi gáa Ŋ̀âla-ƃelai mɛni mai,

²kpɛ́ni fêi, ŋá gɔ́lɔŋ a gɛ́ɛ kákpɛtɛɛ̂i, nyíi ŋa maa-yoŋka teêi kámɛni ma Masadonia-ƃelai ŋɛi. Ŋá mò a gɛ́ɛ Ɛkeya e gbîŋ kpɛ̀tɛ góraŋ tɛ̀ɛ ti zu; ǹyaŋ káwɛli-kɛ-maai a ǹúui damaa líi mu siɣe.

³Kɛ́lɛ, ŋa kúƃarâai tɛɛ̂i a gɛ́ɛ kámaa-yoŋka téɛɛi fè kɛ̀ kpɛni-kpɛni mɛnii ŋí su a gɛ́ɛ ka kɛ́ a kákpɛtɛɛ yɛ̂ɛ berei ŋá mò la a gɛ́ɛ ka pɔ̂ri kɛ̂i a kákpɛtɛɛ̂i.

⁴À wàla kɛ́ ti à kɛ̀ kwà Masadonia-ƃelai da-ni kwà pà ku kákaa káfe kpɛtɛ ni, gɛ̀ ní kwa pâi ŋumɛ̂i-káwɔ̂i fa ƃô-kpɛ́ni fêi, ku kúkili pu kpɔ́ kâa a gbanaŋɔɔ.

⁵Mɛni ma ŋá ŋ́gili ŋá sìa a gɛ́ɛ gáa a mɛni lɛ́lɛɛ ŋa kúƃarâai lia-woo ƃo a gɛ́ɛ dí pa kápɔ naa ńduɛ a gɛ́ɛ zama-sɛŋ ka maa-kono-tèe kɛ̀i, ká maa-mɛni su kpɛtɛ nàa tuɛ a gɛ́ɛ maa-mɛni su fe kpɛtɛ a wála-wala-laa, kɛ́lɛ, é kɛ́ a sama-sɛŋ nyíi kùla kálii sui.

⁶M̀ɛnii ká ŋí, ǹúui à sí-sɛŋ kuro-te sì, a m̀á kùla a guro-te, ǹúui à sí-sɛŋ kɛ́tɛ sì, a m̀á kùla a gɛ́tɛ.

⁷Fɛ̂ɛ núu kélee é gɛ yɛ̂ɛ berei è gbɛ̀tɛ la gíli ŋái, vé gɛ̀ a lii-wiɛ, kpaa máŋ a wála-wala-laa, kpɛ́ni fêi, Ɣâla è líi-nɛ̃ɛ sɛŋ-tɛɛ-nuu wɛ́li ní.

⁸Pɔri káa Ɣâla mi e lûwa-sii kélee tɛɛ kápɔ a zu kɛ́tɛ a gɛ́ɛ sɛŋ kélee e kɛ́ káyêei a dámaa a tãi kélee a gɛ́ɛ ka kpɔŋ-maa kɛ́ a zu kɛ́tɛ tíi lɛ́lɛɛ kélee mɛni ma.

⁹Yɛ̂ɛ berei bɔ̃̀yɛ lai, “E zí-sɛŋ-kaoi taa-taa é sɛŋ tɛ̀ɛ gôlo-ƃelai pɔ; ŋɔtɔ̃yâ laa-lai káa nɔ́ naa wɔlɔ-wɔlɔ.”

¹⁰Ǹúui a sí-sɛŋ-kao tɛ̀ɛ zí-sɛŋ sí-nuui pɔ gɛ kpólo tɛɛ mii mɛni mai, a pâi kási-sãai kɛ̂i dí kpɛtɛ kpɔ́ a zu kɛ́tɛ e kátɔ̃yâ laa-lai ŋɔƃa kɛ́ e ƃɔlɔ.

¹¹A pâi kákɛ̂i ka kɛ́ a tɔɔ-ƃela pere-sii kélee su, kpɛ́ni fêi, ka ƃɛlɛ-sêe kɛ̀ a dámaa, nyíi pâi nûa kɛ̂i dí sɛɣɛi-fei tɛɛ Ɣâla pɔ kúsârai;

¹²kpɛ́ni fêi, kátii ŋí kɛ́ɛ su, káfe sɛŋ tɛɛ̂i nɔ́ nyíi Ŋ̀âla-ƃelai da ŋ̀wɛlii, kɛ́lɛ, kákaa máŋ tíi támaa kɛ̂i a gɛ́ɛ dí sɛɣɛi-fei támaa tɛ́ɛ Ɣâla pɔ́.

¹³Díi ŋí su-kɔɔ̂ŋɔɔ yée mu, da pâi Ɣâla ŋɔfólo-laai maa tɛ̂i, kpɛ́ni fêi, woo-mɛ̂ni káa káyêei Kôrai ŋɔtuŋ lɛ́lɛɛi mɛni ma, kákɛ ƃɛlɛ-sêe kɛ́ sama-sɛŋ tɛɛ mɛni su dímɛni ma da ǹúu kpeli-ŋai.

¹⁴Káwɛli káa díkɛ̂i, díkɛ Ɣâla fɛli kámɛni ma Ɣâla ŋɔƃɛlɛ-sêe kɛ́tɛi kákponôi mɛni ma.

¹⁵Sɛɣɛi-fei é tɛ́ɛ Ɣâla pɔ ŋɔsama-sɛŋ mɛni ma nyíi gɛ́tɛ̂i a sɛŋ kúfa pɔ̂ri maa kulâi!